¹ Ipangano ilyakwanda lila likaba pandaghilo sya nyiputo ni nyumba isyakupatulika agha pase pano. ² Pakuti ichihema chakuse chiyengike momwo mukaba ichakubikamo inyali, itebulo, ni chiabama icha kukumanilapo. Amalo gho ghakitisyibwa ukuti amalo ghelu. ³ Po kunyuma ukwa chimwenda icha bubili cho chikabinda, kukuba hema loli kuti shibwa, "Amalo aghelu ngani." Sona mukati mwake mukaba ing'anjo iya golide iyo likaba lyakogho chela ifinungile. ⁴ PO nibokosi lya ndaghio ilyakupakasya ni golide ukusyungulila. Po mubokosi ilyandaghilo lilyo mwali akabiya kolo bakabikamo amana nindodo iya Aloni. Yo yikumela amani. Mwalisona na mabwe ghakwasama agha ndaghilo. ⁵ Pamwanya pa bokosi lila pakaba ififwanifwani ifya batumiwa ubwa ulumbililo gho aghene ghakuiyala ichisumbe icha lughano. Ifindu ifi tengafimalisye pakabalilo kano. ⁶ Pala ifimbombelo fikati fyakwanilisiwa baputi bakwingila muchipinda ichakwanda pakabalilo nakabaliloukubomba imbombo syabo. ⁷ Lole umuputi usongo mwene yo akwingila umuchipinda ichabubili po akingilagha koka pa mwaka akegha ibanda lyo likubikibwa ukuba isembe sya mbibi sya yomwene na syabandu. ⁸ Po pacho imbepo mwikemo ukulongosya ukuti, po ichihema chakuse chikali chimiliye isila yakwingila kumalo gho ghapalibwe nganila yikali pakwiyuka. ⁹ Ichi chi chimanyisyo icha akabalilo kano. Pakufwana na kulingania uku, ifyabupi ni sembe fyifyifyo kuti fitangaghalusya indumbula ya yo atakwiputa ifyabwanaloli. ¹⁰ Pakuti ikolanite nifyakulya, fyakunwa nifyaluso ifyakulekena lekana pakuti ifindu fibe akisa. Ishi sho ndaghilo isha mubili sho shipelekiwe, ukufipa kabalilo kakulingania akisa. ¹¹ Loli ukilisitu, isile ngali uputi songo ubwafindu fyisa fyo fifikite, po kwendela umuchihema cho chikupangiwa ninyobe icha bandu, kokuti tefimofyene nifyakupelibwa iyi. ¹² Wakingila kamo kene kumalo aghelu kwambula kwingila nibanda isya mbuzi sona nabanda ba ng'ombe. Sona bakingila nibanda lyake ni lyake kutweghela ubumi bwa bwila na bwila. ¹³ Sona pakuti ibanda lya mbusi ni sa ngambako napo nilyoto lyakang'ombe akalindu fyo fikatayibwagha pa bandu bo bakanangika, fikamanya ukubelusha umpaka ukubanosha imibili yabo. ¹⁴ Po ibanda lya kilisitu singakinda ngani? Yo mwambepo akipeleka kwa Chala kwambula imbibi kuba wisembe. Po ibanda lyake tilinosye mbibi syitu kumbombo sya bufwe mwakuti timubombele uChala wa bumi. ¹⁵ Pa nongwa iyi yo yikwaghanisha ndaghilo nyipya, mwakuti bo bitishibwe bakapokele ichihalo ndaghilo sya bwilabwila, pakuti ufwe bwa kilisitu ukabako ukuti bapone abandu ku mbibi syo bakabomba po bakaba pasi pa ndaghilo sya kwanda. ¹⁶ pakuti po pali laghisho pakulondiwa kisimikisha ukuti yo abomba ilaghisho lila afwile ngani. ¹⁷ Sona ilaghisho likuba nimbombo pala umwene afwile pakuti ilaghisho litang'anamula kandu linga umwecho walaghisho lila atafwile. ¹⁸ Cho chifukwa ni ndaghilo lyakwanda litakabomba kwambula ibanda. ¹⁹ Pakuti pala Mozesi akababula aba Isilayeli ilangulo lyosi lya mundaghilo akegha ibanda lya bana bang'ombe ni mbuzi, bakonganya na mishi bakegha kulubaghu ka hisopo nusisi lyiswesi lya ng'osi, po bakasabila kubukulya ndaghilo na bandu boshi. ²⁰ Wakati ili lyo libanda lya ndaghilo lyo uchala akababula ukuti musungile. ²¹ Po Umozesi akasabila ibanda pachihema na pafitekiwa fyosi fyo fika bombagha imbombo mu nyiputo. ²² Naloli pakufwana ni ndaghilo, akandu koshi kakoshibwa nibanda, napapo pala patakaba ibanda ukuti atishe, po patangabu uluhobokelo lwa mbibi. ²³ Sona fikalondibwa ifyakuti ifighelesho fya findu fya kumwanya fibe ifyakuswe pa mukabombele aka, lole findu fyakumwanya ifyo fyene ukuti fiwepe pakulonda isembe zimoswo sikukinda isi. ²⁴ Pakuti ukilisiti akingila mumalo aghelu gho ghataka kosheka ni nyombe ishabandu aghoghene gho chifwanikisho icha malo ghakupatulibwa aghoghene. Po umwene akingila ukumwanya kokoko, ukuti aketiwe pandashi pa chala m'malo ghitu. ²⁵ Ukilisiti akingila kumwanya ukuti atakapeleke isembe bwila bwila lisa mwo muputi songo akwingila mumalo ghakuputulishibwa ichinja chilichoshi sona asendite ibanda iyo litaka ba iyake mwene. . 26 sona kube bubo ngali ukilisiti akutamiwa bwila ukufuma kubwandilo ubwa chisu. Lole sona abonekile nganila kamukene pa bumalikisho ubwamighoneshi , ukuti akasoshe imbibi, pa chifukwa ichaisembe yake mwene. ²⁷ Papo mwo abandu babulibwe ukuti baye bafwe kamokene popanyuma bakaghelibwe. ²⁸ Popapo sona mwo ukilisiti, wepe apelekibwe kamokene , ukuti aye asoshepo imbibi isha bandu bingi, sona tibakaboneke kabubili ukuti bakatishepo imnbibi nashiku, lole tiise kubapoka babo bamulindilila n i ndumbula sha bwanaloli.