¹ UMelekizedeki yuyu akaba we malafyale wa mu Salemu, sona nukuba muputi wa Chala uwa kumwanya ngani. Po uAbulahamu akabwelako ku bulwe pakupota abanyafyele folo, uMelekizedeki akakomana nawe nukumusaya. ² Po uAbulahamu akamupa ichigaba choka pa figaba teni ifya findu fyo akapoka ku bwite. Ichabwandilo, ilyita lyake likughanamula ukuti, "UMalafyale uwa bugholofu," ichabubili, likung'anamula ukuti, "UMalafyale uwa mu Salemu," kokuti, "UMalafyale uwa mutende." ³ Isya wise wa Melekizedeki, pamu ung'ina, pamu abanyenya bake, pamu sona isya kupapiwa kwake nubufwe bwake tuta busiwe. Loli ayanitebu nu Mwana wa Chala, sona muputi wa bwile na bwile. ⁴ Tesyabu namo ubukulu bwake bukabela. U Abulahamu, umunyenya witu umumanyikwe, akamupa ichigabo choka pafigabo teni ifya findu fyo akapoka ku bwite. ⁵ Bope abaluko lwa Levi bo bakaba baputi bakalaghilwa ni ndaghilo sya Mizesi ukuti basanguswe ichigabo choka pafigabo teni, pakati pa ba Isilayeli, kokuti bakupokela ku bakamu babo napo baluko lwa Abulahamu. ⁶ UMelekizedeki atakaba wa luko lwa Levi, loli akpokela kwa Abulahamu ichigabo choka pa figabo teni, popo akati nukumusya uAbulahamu, umundu yo akapokela ukufiingo lwa Chala. ⁷ Chakumanyikwa ngani ukuti umundu wapamwanya akamusaya umundu wapasi. ⁸ Pakuyugha isya baputi, ichigabo choka pafindu teni, chikupeghiwa kubandu bo bakufwa. Loli bakuyugha isya Melekizedeki chikupeghiwa kumundu yo mumi, ukuyana na masyu. ⁹ Umundu yumo angayugha ukuti bo uAbulahamu akubika ichigabo choka pa figabo teni, u Levi wepe yo akupokela ichigabo choaka pa figabo teni, akabika ukwendela mwa Abulahamu. ¹⁰ Pakuti bo uMelekizedeki akomana nu Abulahamu, uLevi akaba akali mu mbapo ya banyenya bake. ¹¹ Indaghilo syo aba Isilayeli bakapokela sikaghona pa buputi bwa levi. Po lili pala ubuputi bwa Levi bukabanga bwakufikapo, ngali kutakalondiwa sona ukuboneka umuputi uyungi, yo ali mulubatiko lwa buputi bwa Melekizedeki, tabuputi bwa Aloni, awe. ¹² Pakuti bo ubuputi bukuchenja, syope indaghilo sibaghile sichenje. ¹³ Popo uMalafyale witu yo ifindu fifi fikumuyugha akaba wa luko ulungibu, sona atakabapo yumo umundu uwaluko lwake yo akabombapo ngati muputi. ¹⁴ Pakuti chili pabwelubu ukuti uMalafyale witu akaba waluko lwa Yuda. Po pakuyugha isya luko ulu, uMozesi atakayugha isya buputi. ¹⁵ Amasyu agha ghakupulikikwa nganila popo tukuketa kuti muputi uyungi akasaliwa, wakuba ngati we Melekizedeki. ¹⁶ Yo pakuba muputi pachifukwa icha ndaghilo sya mubili awe. Po pachifukwa cha maka gha bumi bwake ubwa bwila na bwila. ¹⁷ Papo amasimbo ghakumuyughila ubukaboni po ghakuti, "Uwe we muputi kwa bwila bwila, muputi kwakufwana nu lubatiko lwa Melekizedeki." ¹⁸ Popapo ndaghilo iyapiyolo yilekiwe pachifukwa yita na maka, iyakukomanika. ¹⁹ Pakuti indaghilo sya Mozesi syitakaba syakuchenja ichindu chimo ukuba ichabwanaloli. Po ilelo imbombo shisa chaponeka chocho tikupalamila kupipi nuChala. ²⁰ Pope ukuti shitakabombiwa kwamsita kwipeleka, biputi ba pinyolo bala bakapiwa ukuba baputi kwamsita kwipeleka. ²¹ Pope po UYesu akaba Muputi uChala akipeleka pala akati kukwake, "Malafyale ipeleka, po tiakachenje umoyo wake, uwe we muputi kwa bwila bwila." ²² Pa fyosi fifyo uYesu yo chimanyikwilo cha ndaghilo ipya ikulu ngani. ²³ Biputi ba bwandilo bala bakaba bingi ngani, pachifukwa bakafwagha po bakakindililagha imbombo syo syitabaghile. ²⁴ Lole uYesu ubuputi bwake bukwikalilila, pakuti mwene ali nubumi wa bwilabwila. ²⁵ Po sona bakamanya kubapoka ngani ngani bo bakuseghelela kwa Chala ukwendela mwake pakuti ali nu bumi bwa bwilabwila pakuti babipitilaghe abandu kwa Chala. ²⁶ Pakuti chalipo chiza ukuti tube nabaputi basongo nga mwo bali aba. Bwo bali abelu, bambula ubibi, bambula ukukasyusyika,bakughalukako ku ubibi, po yo akweshiwe pamabingu. ²⁷ Yo kuti kutakulondiwa pakuti abike isembe pakabalilo pa bwandilo isya ubibi bwake, paumalilo isya ubibi wabandu, isa mwababombelagha baputi basongo bamwabo bala. ²⁸ Pakuti indaghilo sya Mozesi syikwimika abandu bo bata na maka kubaputi basongo. Papo amsyu gho ghali nichilapo, gho ghakisa panyuma pandaghilo, gho ghakumubika umwana we asalibwe ukuba uwakulondiwa kwa bwilabwila.