² Mukindilile ukughana nga abakilisiti. ¹ Manye mukaleke pakupokela abahesya mu nyumba syinu, pachifukwa pala mukubomba sisyo abandu bamo bapokilepo abandumi, bo batakamagha. ³ Mubakumbukaghe bo bali munjela, nga po numwe muli mu njela pokanabo. Mubakumbukaghe bo bakutamiwa pakuti numwe mukali muli kumubili. ⁴ Muleke inyegha yibe yakuyindikiwa mu bandu bosi, sona abalisha na bakolo babe balwitiko, pakuti uchala akulonga banyali na bomalaya bosi. ⁵ Indumbula syinu manye sibe ku ndalama, lole mwitikisyaghe na fyo muli nafyo, pakati uchala akayugha ukuti, " manye timbaleke mwebene, Sona nukubakinda." ⁶ Lole tinjughe, na maka ukuti, "uChala we mufwiri want, manye ndoghopaghe Kamo choni cho umundu angambombela?" ⁷ Mubakumbukaghe balongoshi binu bo bakabula amasyu ya Chala. Mwinogone namo indumbula syabo syali, pomukonge ulwitiko lwabo. ⁸ U Yesu kilisiti Ali yu mwene, piyolo, ilelo nu kwa bwilabwila swii. ⁹ Manye bakabapulusyaghe nifi manyisyo ifya kulekana a ifya buhesya. Chisapo ukuti indumbula yinu yigome nu lughano lwa Chala, manye ni fyakulya Cho bo bakwenda mumo bataku pindula nakamo. ¹⁰ Uswe tuli nu lyochelo, sona bo bakubombelagha muchihema ichabomboni uwaba Yuda kuti Bata na maka ghakulyelapo. ¹¹ Pakuti mibili ya nyama syo ibanda lyabo lyakweyibwila kumalo ghene ngani nu muputi songo ukuba sembe ya mbibi gho tukochela kuse kwa chisu. ¹² Po pachifukwa chicho, u Yesu wepo afwile ukuse kwa chipata chicho, mwakuti berusye abandu kwendela mwibanda lyake na lyake. ¹³ Po tubuke kwake kuse kwa musasa ukuti batulengesye pamo nawe. ¹⁴ Pakuti pase pano patanichisu chikulu chakwikalilila, lole tukulonda ichisu Cho chikwisa. ¹⁵ Po mumwake, tuye tukabike akabalilo kose isembe ya luwindiko kwa Chala. Luwindiko lolulo fyo fipambiwe fya milomo yo yikutamula ingamu yake. ¹⁶ Mutakiwe akubomba fyisa nu kuyabana fyo muli nafyo, pakuti sembe sya fifyo fikuhobosya uChala. ¹⁷ Mubitikisye abasongo binu, Po mube pasi pabo, pakuti bo balinda ba abelu bingu , Po babaghile pakulongosania ukwa Chala isya mbombo syake poleka abombe mbombo syake nu lusekelo, kwambula uluswigho, pakuti chitangaba chakwandula ukwake. ¹⁸ Mutwiputilengeko use pakuti, tufikitepo ukuti tuli nu njubi syisa, pakulonda akubomba fyosi umwakwitishibwa. ¹⁹ Po ngubakumbusya ngani mubombeghe isi mwakuti nyosyele kwa mwene lubilo. ²⁰ Po Chala walughano yoyoyo akashuka ku bafwe Malafyale witu uYesu yo mutimi songo wa ng'osi, pachifukwa chibanda lya lwitiko lya bwila bwila. ²¹ Po babape chosi cho chisa ukuti mubombeghe ulughano lwake lo lukabombela mwinyu nukuhobosya pa maso ghake mwa Yesu kilisitu, Sona u Yesu kilisitu abatule ukuti mubombe syo syakumuhobosya yayo. Napo kwa kilisiti kube uluwindiko kwa bwilabwila swili Ameni. ²² Mwa luko lwane, ngubalambila kuti, mupulike amashu agha fumusya kwangu, pakuti nabasimbila amashu ghanandi. ²³ Kulonda kubabula ukuti wa mwitu u Timoti, afumite mu njela. Pala afika lubilo, po tinise nawe kwingu pakubaketa. ²⁴ Mubaponye abasongo winyu bosi sona nabandu boshi ba Chala. Baluko lyitu baku Italiya bakubaponia. ²⁵ uChala akubapalisha Moshi.