¹ Pakuti tushungulilibwe nu chilundilo cha bandu nga mo ibingu ilikulu bo bokamboni ba lwitiko tubaghile ukutisyako ubunyamu bosi bwabubibi ko tukubatila kwa babo. Nindumbula yosi tukindile ukusisipisya, ulubilolo lwabikika pandasi syabo. ² Sona tukuketesya u Yesu, ubwabwandilo nu wakufwanisya lwitiko lwitu. Yoyo pa chifukwa cha lusekelo lo lukabikika pandashi syake, wakasisipisya be ikipingika, nu kupepusya kulengesya nu nifwa, po akwikala kubulyelo bwa mpando wa Chala. ³ Lole mwinong'one sya yo akwikisya para babibi bali pakulimbana na been, mwakuti mukaleke kuba kwikisya nu kutaya myoyo. ⁴ Pa chifukwa pakulimbana nimbibi, mutakabe kugoma mwakalata kusinthanya nukufika kwibanda lyinu. ⁵ Ka mukibwa amasimbo aghalusekelesyo gho ghakuyugha number nga bo abanagho ghakuti, "Umwana wangu, utakayuyule ubukalale wa Malafyale, sona manye ukataghe ichigomesyo pala akukalala nuwe. ⁶ Pakuti Malafyale akulonga yo amughanite, nu kumukoma umwana wesi akumupokelela." ⁷ Pala mukutughasya ukulongibwa, po uChala akubegha ukuba abana bake atakulongapo? ⁸ Pala umwe Chala atakubalonga ngamo akubombela na bana boshi ko kuti mufumite mu umalaya, muta bana benebene. ⁹ Pambala pa isyi botata bitu bakatulongagha sona tubayindikagha. Po nabwanaloli tuye tukabwe ulupi ukwatata uwa sya mbepo with nukuba nubumi? ¹⁰ Pakuti abene bakatulonga pakabalilo akanandi mwo bene bakalondela. Lole uChala akutulonga ukuti ukuti use tukabe poka na been mu bwelu wake. ¹¹ Pakuti pakabalilo akanandi akalongele kosi kakuba kakukinda sona katakuba kakuhobosya. Lole panyuma chitakubika ifipambi fya mutende bwa bumi bwa bwanaloli kwa bo bamanyisyiwe nacho . ¹² Po mukwesye inyobe syinu syalyoyo nukukimisya amaholonondo ghinyu gho ghata namaka. ¹³ Ukuti mwendaghe mwakuboloka, mwakuti Cho chikomanikte chatakakonyoke lole tuchipoke. ¹⁴ Mughele bubo kwikala nulusekelo na bandu bosi, nukuba belu. Sona pala sitakubombibwa syisyisyi patakabe nayumo yo aya pakumuketa Malafyale. ¹⁵ Po mukete ngani ukuti patakabe na yumo yo akupotwa pa kupokela ubumi bwa Chala. Po mukakesye ukuti, "umushishi ukali," utakamele mukasi minyu nukubatamya, po pachifukwa umushishi bububu, abungi tibakakomanite. ¹⁶ Ketesha ukuti patakabe mumalaya, pamo we atakwiputa nga mo akabombela u Esau yo akawulisya amazaza gha busongo wake ni chakulya icha kamokene. ¹⁷ Sona mumenye ukuti panyuma pala akalondagha ukuti apoke sona ulubwindiko wake wakapotwa, pachifukwa atakaya sona nu mwabi bwakuti alape Napo ule akalondagha nukulila amoshoshi. ¹⁸ Umwe temwisile chitamanya uku chikola nga po mulilo wakwaka pamo kungisi, numdima, nu kwi imbepo ikulu ngani. ¹⁹ Nu kulila ukwa mbata ni chongo icha mashu, sona nu lisyu lo amashu ghake ghakabombiwa ukuti bo bakupulika bipute ukuti a matenga ghamo manye ghayughibwe sona kwabo. ²⁰ Pakuti bakapotwa kwitusya indumbula indaghilo syo Sika pelekiwa. "Napala ichikoko cha kolako ighamba, chikwisa pakusila dinibwa na mabwe." ²¹ Sona Cho chikaketiwa chali chakogofya ngani, po u Mosesi akayugha akati, "ngogopa ngani nu kutetema. ²² Lole mwisile mwighamba lya Ziyoni, po sona kuchisu chikulu cha Chala wa bumi bo Yelusalemu was kumwanya sona kubwandilo, bo batakubelengiwa bali pa chilundilo cha lusekelo. ²³ Mwisile pa lukomano lwa bana ba kwanda pakupapiwa bo ingamusyabo sisimbiwe kumwanya. Mwisile kumulongi, yo chala was wosi, nu kumbepo sya bandu wisa bo bakipeleka ngani. ²⁴ Po mwisile kwa Yesu yo we akubunganya ni ndaghilo yipya nu kwibanda lyakutagha, lyo lukababula no findu fyisa fyakukinda nu Danda lya Abelu. ²⁵ Muketesye ukuti manye mukane yo mwene akuyugha. Popo balekite pakupona pala bamukanite yuyo mwene akabayughisya pase pano, po titukapone bule pala tukukana yo akutulangisya ukufuma kumwanya? ²⁶ Pa kabalilo kala masyu ya Chala ghakasukunia ichisu, po lelo apanganite, "Kamo kene tingasukunie ichisu chapasi chene, lole ni chacha kumwanya." ²⁷ Amasyu ghakuti, "Kamo Sona" po fiboneka pabwelu ukuti tifika tishikeko ifindu fyo fikusukunyika, nga po fipelibwe ukuti ifindu fyo fitabaghile kusukunika fyo fikikale. ²⁸ Lole tupalisye pakuti fyo tukupokela unyafyale manye ukasukunyike, po twende tupeleke kwa Chala nyiputo lwakwitishibwa nu lwindiko nu kumoghopa. ²⁹ Pakuti u Chala witu, bo mulilo wakumalisya myaa.