1
ulughano ulwa bandu biyolo. ulwitiko lukubashimikishila ifindu fyo tukusubalila po chikushimikisha ukuti fitakuboneka.
2
Pakuti bandu biyolo akitikishibwa nu chala pachifukwa cha lughano.
3
Po nu lkwitiko tukufwanikisha ishisu chikapelibwa nu lishu lya chala, mwa kuti cho chiketiwe, chipangiwe mufindu fyo fitakuboneka.
4
Nu lwitiko u Abelu akabika kwa chala isembe yakwitishiwa kukinda nu kiyini. Nu sembe yiyo apokite ichifwanikisho ukuti we mwisa. chala akapanikisha chikho pakupokela imitulo yake. Abelu afwile lole nichipulikano, akali akuyugha.
5
Nu lwitiko, enoki akeyiwa kumwanya kuti manyi ise afwe. Atakayibwa pakuti uchala akamwegha. Po akali kweyibwa ukubuka kumwanya, bakashimikisha ukuti akamuhoghosha uchala.
6
Po pala patalwitiko, tutangamuhoghosha uchala. Pakuti weshi we akwisa kwa chala, abaghile ukuba nulwitiko ukuti uchala aliko, sona akubapo ubwisa bo bakumulonda yuyo.
7
Nu lwitiko u Nowa, wakati wasalibwa nu chala pa fyoshi fyo fikaba fitakaboneka, abalitiko bo bakapanga ingalaba, iyakuti yibapoke uluko lwake. Po akasusite. Ichisu, po akaba umuluku ku bwisa bo tibwise panongwa ya lwitiko.
8
Nu lwitiko, u Abulahamu, wakapulika u chala wakwitisha ukuti babuke ku chisu chibaghile ukupokela ukuti chake. Abulahamu akabuka, napo atakamanyagha nako akuyaka.
9
Nu lwitiko, ikikalagha ngati we muhe sha mu chisu cho uChala akamulangisha ukumupa. Akikalagha mumahema pamupene nu Yisake nu Yakabo. Abaghalili bamobene nayo muphangano lila lila.
10
Pakuti u Abulahamu akalindililagha ichisu cho chikaba ubwandilo bobubo akayenga nu kupanga nu chala.
11
Nu lwitiko, u Sala akapokela amaka ghakuba nulufukwe napo ifyinjafyake fyakupapila umwana fikakinda. Sona pakuti wakamulinga uwalwitiko yo apanganite nawe.
12
Po lole ukufuma ku mundu yuyuyo akaba ngati po afwile, mufumite abana, Ubwinji ngati po inyegheshi sha kumwanya, bo kabelengelo kake ngati mu sanga uwa mumbali mwa sumbi.
13
Abandu bo afwile mulwitiko, kwambula ifindu fyo uChala apanganitenabo. Lole bafibwene bubu patali nukufya mbilila. Lole bakitika ukuti tebali abandu ba mula bali bahesha bulo pachisu.
14
Abandu bo bakuyugha shishishi, ba kulongola pabwelu ukuti bakulonda ichisu chabo bene.
15
Po bakati binongoneghge ni chisu chila bafumiteko ,ngali bakaba nu mwabi wakunyokelako ,
16
Lole namwo ifindu fili bakulonda ichisu chisopo,Cho chisu ichaku mwanya ,sona uChala ate ni soni palapala bakumwitisha ukuti we ,Chala wabo ,pakuti yuyo abanóshishe bene ichisu chikulu,
17
,Nu Iwitiko ,UAbulahamu,pala akagheliwa,akabika Yisake ukuba isembe,Po we akapokela ipangano po ali anoshike pakupeleka umwana wake mwene.
18
We yuyo kukayughibwa ukuti,. "Umwa Yisake lwuko tibakalutambule.
19
"u Abulahamu akapulika Ukuti Chala abaghile kushusha abandu napo kubufwe. Lole pakuyughila mufifwa nikisho,tikuyugha ukuti bakamupokela umwana wake ukufuma kubufwe.
20
uYisaki akapala uYakobo nu , Esabu ni findu fyo fikuya pakuba chitikila kundashi
21
Nu lwitiko, uYakobo abapala abana ba uYosefe yoka yoka pala wakaba pipi nukufwa, pala wakafughamila pa ngomo yake uku akwiputa uChala.
22
Nu lwitiko, Yosefu ku bumalilo bwa bumi wake akayugha ni fya kufuma ku ba Isilayeli umu Igiputo po akababula cho abaghile pakubomba ni fibama fyake.
23
Nu lwitiko, uMosesi kati apapiwa, abapapi bake bamufisite imyesi mitatu, pa chifukwa bakamketa ukuti ali wakunyonyesha ngani. Abene ukuti bakoghopagha indaghilo sha kalonga.
24
Nu lwitiko, uMosesi akati akula, akanite pa kwitishibwa ukuti we mwana was mukashi wa Faro.
25
Asalite ukutumiwa pamopene na bandu ba Chala ukukinda kuti ahoghe.
26
Wakapima ukuti ukutumiwa panongwa iya mesiya, bo ubwaghi ubukulu kukinda ichuma ichamuchisu icha Igipiti, pakuti akinong'onagha isya bwaghi ubwakundashi.
27
Nu lwitiki, u Mosesi afumiteko uku Igipiti kwambula kogopa ubukalale ubwa kalonga. Pakuti akikalagha ngati we mundu akutilu uChala kwambula kuketiwa.
28
Nu lwitiko, u Mosesi akasunga ipasika nukutagha ibanda kulanukula mwakuti, ubwandumi yo akughogha bana bakwanda ukupapiwa, wakaleke pakubagogha abana boshi bo bakandila pakupapiwa.
29
Nu lwitiko, abandu babolwike inyanja ngesamu nga po Chita na na mishi. Lole aba Igipiti pala bakaghela ukwambuka. boshi bafwile na mishi.
30
Nu lwitiko, u Mosesi ichibagha icha Yeliko chabwile po chikati chashungulilibwa amashiku aghangonde na ghabili.
31
Nu lwitiko, u Rahabu umukolo u malaya, ataghogibwa poka bo bata nu lwitiko, pakuti bakapokela nulusekelo abandu babo batumiwe pakwendela ichisu.
32
Po lole po tinjugheki? ndanakabalilo kakuyugha sya uGidiyoni, uBalaki, uSamusoni, uYefuta, Deveti, uSamueli sona ni sya basololi syosi.
33
Abandu aba nu lwitiko bagogishe maunyafye, baketesisye ukuti ubwisa ube papo bakapokela syo uChala apanganite, bakiyala imilomo iya ngulamu.
34
Basimisye umulilo wakoofya, bakapona ku lupanga, po batakaba namaka bakapokela amaka. bakaba abasongo ba basilikali, nukukisya ifilundilo fya basilikali fya uhesya.
35
Bakolo bakombilila achikolo ba mwabo bokashuka kubufwe. Bangi bakatumiwa ngani mpaka bufwe, bo bakanite nukusatuliwa, mwakuti bise basyukesona ku bumi bwisa.
36
Bamo bakatamiwa. Kukukomibwa, bakapinyiwa nufinyolo nukatagha munjela.
37
Bakabaponya na mabwe, babadumwile pakasi, bamo boghibwe nifilwilo. Po bakendagha bafwele ifikumba fya ng'osi pamo fya mbusi. Bakaba bapina na balyoyo.
38
Ichisu chitakaba chisa kukwabo, maghamba nga bandu bo balindile kukwabo, bakikalagha mumbanji na mumufibwina fya chisu.
39
Abandu bosi aba bakwesyibwe nu Chala, pachifukwa cha lwitiko lwabo, sona batakapokela fyo bapanganite nu Chala.
40
Pakuti uChala akatwinogonela kutubombela ifindu fyisa ngani. Babombite lulo ukuti babe ba kufikapo naloli poka nuswe.