¹ Sona ngaketa umwana wa ng'oshi yula akughaghabula chimo icha fidindo ifingonde ni fibili fila, po ngapulika chimo cha fyabumi fila chikwitisya ni lisyu likulu kwakufwana bulo ni chikayokayo, ukuti, "Isa". ² Ngaketa po ngabona ihachi lyelu , umundu yo akikalapo anyamwile ubukonde po bamoioe imbumbu, po afumite ngati we ngwasi yo yimukinde. ³ Umwana wa ng'oshi pala aghaghabwile ichidindo chabubili, ngapulika ichabumi chabubili chikuti, "Isa". ⁴ Po ihachi linine likesamu likafuma. Mundu we akikala papo bakamupa amaka ukuti asosyepo umutende pachisu chapasi, ukuti bandu bande pakughoghana sona bamupule ulupanga lukulu. ⁵ Pala umwana wa ng'oshi akaghaghabula ichidindo icha butatu, ngapulika ichabumi icha butatu chikati, "Isa". ⁶ Ngaketa ihachi lititu. Umundu yo akaba papo akakola mughesyo munyobe yake. Ukufuma mukasi mufyabu I fila ngapulika cho chikaba ngali masyu gho ghakuti, "Umughesyo wa lita lyoka lya tiligu libe amalipila gha lisuba lyoka, "Sona numughesho uwa malita ghatatu gha nyauti libe malipilo gha siku lyoka. Lole manye wonange amafuta nu finyo. ⁷ Umwana wa ng'oshi pala aghaghabwile ichidindo icha folo, ngapulika ichabumi icha folo chikuti, "Isa". ⁸ Ngaketa ihachi lwalyoto. Mundu yo akaba papo akitisha ubufwe Sona ni gehena lyamukongagha panyuma. Ifibibi fifyo fyapokele amaka gha chighabo choka mufighabo folo ifya chisu ukuti figogha abandu ni bwite, isala, imbungo yingali, finyamana fyamumatengele. ⁹ Umwana wa ng'oshi pala aghaghabwile ichidindo icha faifi, ngaketa po kusi ukwa kobochapo ichasembe ngaketa ififwani fya bandu bo bakabaghogha pachifukwa cha butumiwa wa mashu gha Chala, na bokamboni bo bwabonite. ¹⁰ Ififwani fila fikitisya namasyu ghakulu ukuti, "We Malafyale wapamwanya ngani yelu nu yabwanaloli, kokuti timukaume mpaka na lighi kwisa pakulonga nukubalanga abandu bo batughoghite?" ¹¹ Po boshi bakafwalika iminjilila myela sona bababulite ukuti batusye pakabalilo akanandi, mpaka ababombi ba mwabo na balukomlwabo bafwane, bo bakabalinganya nabo ukuti babaghoghe mo baba bakabaghoghela. ¹² Umwana wa ng'oshi pala aghaghabwile ichidindo icha faifi ni choka po kukaba ichindindindi chikulu, isuba likaba lifitu nga mo isaka ititu, po bope umwesi ukuba ukesama nga mo ibanda lili. ¹³ Po inyenyesi sikambotokanga pa Chisu, nga mo ikomo lya mukuyu likumbotokela ifipambi fyake pala imbepo imusukusa ikomo. ¹⁴ Po umabingu ghakasoba nga mo mukulunga ibuku. Maghamba ghosi ni filwa fyosi fyatishibweko kumalo ghabo. ¹⁵ Papapk abanyafyale bamuchisu bakutufya na balongoshi ba bwite,abandu bapamwanya, bamaka, batamibwa boshi na bakabi bosi bakabwama mumabanji namajalabwe ghamumaghamba. ¹⁶ Bakitisya mumajalabwe na mumaghamba ukuti, "Samukawe pa uswe mutufifwe kwa yo akwikala pa chisumbe nubukle bwa mwana wa ng'oshi. ¹⁷ Pakuti isuba likulu lyabukalale bwabo lyafika. Sono we weni angamanya kwiyuma pamaso pake?".