¹ Panyuma pake nali muchibonekesyo chingi po ngaketa mulyango ukwiyulika kumwanya. Po amasyu ghakwanda gho ngapulika kwa mbata gho ghakati, Kwela kuno kumwanya tingulondole fyo fikwenela kubombiwa panyuma pa fyosi ifi. ² Akabalilo kako uwandumi wisile, po ngaketa ichizumbi kumwanya. Sona pachisumbe chila umundu yumo akikalapo. ³ Yo akikala pa chisumbi chila akuboneka wakumwekuka nga mo ghabelile amabwe ghelu na ghakesamu ghakumwekuka. Po pali ichipinua ifula cho chishungilile ichupisumbe chila cho akabonekele kake kakaba kakumwekuka nga libwe lakumwekuka. ⁴ Kukungilisya umpando papali imipando amakumi ghabili pamwanya folo, bafwele myenda yelu. Sona pamitu yabo bafwele ifipewa fya golidi. ⁵ Abalesa bakamwekukagha kufuma kuchimpando chila nukulila ukwa bukali ngani, pamo nukundumulu kunyamu mu mabingu. Pandashi pa chisumbe chila pali nyali fayifi ni sibili syo syali sya kwaka, syo mbepo faifi ni sibili sya Chala. ⁶ Sona pandashi pa chisumbe Cho chikaboneka ngati yo inyanja ya galasi po chifwene ni ibwe lya sangalabwe, kushunguoila ichisumbe kuno na kula, kwali fyabumi finayi, fyo fyo fyali ni maso mingi ukundashi nu kunyuma. ⁷ Po chabumi chakwanda chili ngali yo ngalamu, ichabumi chali ngali yo ngambako ichabutatu chali ni chene icha mundu po icha folo chali ngati inombo yo yikuuluka. ⁸ Po chosi cha fya bumi folo fila chali nu mapapindo ghangonde pa lyoka. po chali namaso amingi kuseli numukati kushungulila. Pa ishiku Napa musi fyabumi fila fyimbaghashe ukuti, "Mwelu, Mwelu, Mwelu, yo Malafyale uChala mwene maka ghosi,yuyuyo aliko, alikuko, sona tiise." ⁹ Po fyabumi fifyo poshi po vikufumila uluwindiko nukupala kwa yuyo akwikala pa chisumbi chila yo wabumi bwila na bwila ngani. ¹⁰ Papapo abasongo bala amakumi ghabili apamwanya folo, bakafughama pase pandashi shake yuyo akwikala pa chisumbe nukwiputa yo ali bwa bumi bwila bwila ngani ngani. wakutagha imbumbu syabo pachisumbe nukuyugha ukuti, ¹¹ "Umwe Malafyale nuChala witu, mwe mubaghile ukupokela lughindiko na maka pakuti mwe mwapelile ifindu fyoshi fikabeko lole mufipelile".