¹ Abantu bonse bakolongene pamo kwati muntu umo pa lwalala pantashi ya mwinshi wa menshi. Baebele Esila uwali ni kalemba ukuleta icitabo cama funde ya kwa Mose, ayo Yaweh akonkomeshe Isuleli. ² Ubushiku bwa kutampa umwenshi walenga cine lubali, Esila shimapepo aletele amafunde kuntanshi ya balongene, bonse abaume na banakashi, na bonse abale kutika no kwiluka. ³ Aloleshe mulwalala pantashi ya mwinshi wa menshi, kabili atampile ukubelenga ukufuma mu citabo ukufuma ku maca ukufika na kasuba pa kati ka mutwe, pantashi ya baume na banakashi, nabambi abaleiluka, na bantu bonse abaleumwikisha kufyali mucitabo ca mafunde. ⁴ Elo Esila uwli kalemba aimi nine pa cintamba ca fimuti ico abantu bapangile uyu wine mulumo. Bushilya naena kwaiminine Matitia, Shema, Anania, Ulia, Hilikia, na Maseia, ku kuboko kwakwe ukwa ku kulyo ; na Pedaia, Mishaele, Malikiya, Hashumu, Hashibadidana, Sekalia, na Meshulamu ebaiminine ku kuboko kwa kwe ukw ku kuso. ⁵ Esila aiswile icitabo pamenso ya bantu bonse, pantu ali naimnina pamulu wa bantu, kabili ilyo aiswile icitabo abantu bonse baliiminine. ⁶ Esila apele ukutasha kuli Yaweh, Lesa mukulu, na bantu bonse baimishe amaboko yabo no kwasuka, "Cibe ifyo fine! cibe ifyo fine!" Elo bakontamike imitwe yabo no kupepa Yaweh nefinso fyabo naba losha panshi. ⁷ Pamo na Yeshua, Bani, Shelebia, Yamini, Akikubu, Shabetai, Hodia, Maaseia, Kelita, Asalia, Yosabadi, Hamani, Pelaia-abena Lebi- abafilishe abantu ukumfwikisha amafunde, ilyo abantu na bashala mufifulo fyabo. ⁸ Babelengele mu citabo, amafunde ya kwa Lesa, ukuyalondolola bwino no kubeba ifyo yalepilibula pakuti abantu bomfwikishe ukubelenga ⁹ Nehemia uwali kateeka , na Esila uwali shimapepo kabili kalemba na bena Lebi abalepilibwila abantu balandile kubantu bonse ati, "Buno bushiku buntu bwashila kuli Yaweh Lesa wenu. Tamufwile ukuulosha nangu ukulila." Pantu abntu bonse balelila ilyo baumfwile amafunde. ¹⁰ Elo Nehemia alandile kuli bena ati, "Kabiyeni uko mulefwaya kalyeni ifyanona nafimbi ifyalowa munwe, nafimbi mutume kuli bamo abashteyenye nangu fimo, pantu buno bushiku ni buntu bwashila kuli kuuku wesu. Tamufwile ukuba nobulanda, pantu ukusekelela muli Yaweh emaka yenu." ¹¹ Elo abena Lebi bangele abantu ukuba tondolo, balandile ati, "Talaleni! Pantu buntu bwashila buno bushiku. Tamufwile ukuba no bulanda." ¹² Elo abantu baile no kobalefwaya ku kulya no kunwa no kwa kana ifyakulya no kusefya pamo no kusekelela uku kalamba pantu balyumfwile amashiwi aya lengele ukwishibikwa kuli bena ¹³ Napa bushiku bwa cibili intungulushi shamufikolwe fya ndupwa ukufuma mu bantu bonse, bashimapepo na bana Lebi, abaishile pamo kuli Esila uwali kalemba ukuti balundepo nayambi amashiwi yama funde. ¹⁴ Basangile ifyalembwa mu mafunde umo Yaweh akonkomeshe ukupitila muli Mose ukuti abantu abena Isuleli bafwile ukwikala munsakwe panshita yakusefya mu mwenshi walenga cine lubali. ¹⁵ Baumine imbila mumisumba yabo yonse, numu Yelusalemu, balandile ati, "Kabiyeni mu calo campili kaleteni imisambo ya miolifenefimuti fya miolife ya mpanga, na ku mu Hadashi, utuncindu ne fimuti fikwete amabula, ukwisa pangako ba tuuti, ifyo calembwa." ¹⁶ Elyo abantu bafumine no kuya leta imisambo no kwisa pangako ba tuuti, cila muntu pamutenge wakwe, pa musolo wakwe, napa misolo yaba ng'anda ya kwa Lesa, napa mbilibili pantanshi ya mwinshi wa menshi, kabili napa lungatene napa mwinshi wakwa Efulemu. ¹⁷ Bonse abalongene abo abafumine mubusha balipangile ba tuuti nokulaikalamo. Pantu ukutula munshiku shakwa Yosua umwana umwaume uwa kwa Nuni ukufika pali ubu bushiku, abantu abena Isuleli taba balile abasefyapo ngoyu mutebeto, kabili ukusekelela kwabo kwali kulile. ¹⁸ Kabili cila bushiku, ukufuma pabu shikwa bwatampilapo ukufika napa bushiku bwa kushalikisha, Esila alebelenga ukufuma mwibuku lya mafunde yakwa Lesa.Basefeshe panshiku cine lubali napa bushiku bwa lenga cine konse konse kwali ukulongana ukwa mushilo, mukubela icipope.