¹ Nomba ilyo Sanibalati, Tobia na Geshomu umwina Alabia nabambi abalwani besu abaumfwile ati ninkula icibumba kabili takuli iciputulwa icabongolweke icishele icaisuka, nangu nshali nshilabika ifiibi pamwinshi, ² Sanibalati na Geshomu balintumine ati, "Isa twise tukumanine pamo pancende muno mu mukonko Ono." Nomba bena balepangana ukucita ububi kuli nebo. ³ Natumine intumi kuli bena nati, "Nebo nikwata umulimo uukalamba, kabili shaiseko. Cinshi umulimo walaiminina nshe ndise kuli mwebo?" ⁴ Batumine kulinebo amashiwi yamo yene imiku ine, kabili nalebasuka fimo fiine cilanshita. ⁵ Sanibalati atumine umubomfi wakwe kuli nebo munshila imo ine umuku uwalenga busano, na kalata uwaisulwa muminwe yakwe. ⁶ Mukati mwalembelwe, nebo "Nacumfwika kubena fyalo, na Geshomu nao wine alandile ati, webo na Yuda mulepekanya ukupondoka, emulandu wine mulekuliila cipya cipya icibumba. Ukufuma pali ili lyashi ati, Ulefwaya ukuba imfumu yabo. ⁷ Webo wali sonta bakasesema abakubilisha pali webo mu Yelusalemu, balelanda ati, "Mwaliba imfumu mwebena Yuda." Ukushininkisha ukuti imfumu ili nokufwa aya mashiwi. Eico isa, umo no munankwe." ⁸ Elo natumine amashiwi kuli ena nati, "Awe ifi fintu ulelanda tekuti ficitike, pantu nimu kati kamutima obe ulefipangila." ⁹ Pantu bonse balefwa ukutulenga tub e no mwenso, ukutontonkanya, "Bali no kutupolala amaboko yabo tabakabombe , kabili tabakaucite." Nomba, mwe Lesa napapata kosheni amaboko yandi. ¹⁰ Naile ku ng'anda yakwa Shemaya umwana umwaume uwakwa Delaya umana umwaume uwakwa Mehetebele, uwaisalilwe mung'anda yakwe . Alandile ati, "Leka tukumane bonse mu ng'anda yakwa Lesa, mukati ka cilonganino, kabili no kuleka twisaleko nefiibi fya mucilonganino, pantu baleisa ku kukwipaya webo." ¹¹ Nalibaswike, "Bushe umuntu nganebo ninebo ningabutuka? Bushe umuntu nga nebo ewingaya mucilonganino ukuti apusushe ubumi bakwe? nebo shaingilemo!" ¹² Naibukisha ukuti te Lesa umutumine, nomba ukuti alesesema pali nebo. Tobia na Sanibalati ebamwimishe. ¹³ Ebamwimishe ukulenga nebo mbe no mwenso, elo ukuti ncite ifintu alelanda ukuti imembuke, elo ukuti bapele nebo ishina ilibi pakuti nebo inginashe. Ibukisheni Tobia na Sanibalati, mwe Lesa wandi, napali fyonse ifyo balencita. ¹⁴ Ibukisheni pamo n kasesema umwanakashi Noadia nabambi bakasesema abalesha ukupanga nebo umwenso. ¹⁵ Elyo icibumba calisukile calipwile pa bushiku ubwa lenga amakumi yabili nashisano mu mwenshi wa Eluli, panuma yanshiku amakumi yasano na shibili. ¹⁶ Ilyo abalwani besu baumfwile ifi, abena fyalo abtushingulwike , baishileba no mwenso kabili baishile aba cepa sana mu menso yabo. Pantu balishibe umulimo wabomblwe ukuti ni Lesa wesu ewatwafwile. ¹⁷ Munshita shilya shine abasambashi ebena Yuda b atumine amakalata ayengi kuli Tobia, na ma kalata ayalefuma kuli Tobia yaleisa kuli bena. ¹⁸ Pantu mwali abengi mu ba Yuda aba kakililwe ku mulapo kuli ena, Pantu ni wishifyala wakwa Shekania umwana umwaume uwakwa Ala. Umwana wakwe umwaume Yehohanani abulile umwana umwanakashi wa kwa Meshulamu ukuba umukashi umwana umwume wa kwa Belechia. ¹⁹ Kabili balelanda kuli ne bo pa lwafisuma fintu alecita kabili amashiwi yandi balebwesesha isebo kuli ena. Ama kalata balentumina aya lefuma kuli Tobia aya kucinya nebo.