¹ Pa cikomeneno aba fwatike bali ni Nehemia, uwali kateeka, umwana umwaume uwa kwa Hakalia na Sedekia, ² Selaia, Asalia, Yelemia, ³ Pashuhu, Amalia, Malikiya, ⁴ Hatitushi, Shebania, Maliluki, ⁵ Halimu, Melemoti, Obadia, ⁶ Danieli, Ginetoni, Buruki, ⁷ Menshulamu, Abiya, Miyamini, ⁸ Maasia, Biligayi, na Shemaia. Aba eba shimapepo. ⁹ Abena Lebi nabo bali: Yeshua umwana umwaume uwa kwa Aania, Binui uwa mulupwa lwa bena Henadadi, kadimiele, ¹⁰ naba munyina abena Lebi, Shebania Hodia, Kelita, Pelaia, Hanani, ¹¹ Mika, Rehobu, Hashbia, ¹² Sakuli, Shelebia, Shebania, ¹³ Hodia, Bani, na Binuni. ¹⁴ Intungulushi shabantu bali, Paloshi, Pahati-Moabu, Elamu, Satu, Bani ¹⁵ Buni, Asigadi, Bebai, ¹⁶ Adonia, Bigivai, Adini, ¹⁷ Ateli, Hesekia, Azuli, ¹⁸ Hodia, Hashumu, Besai, ¹⁹ Halifa, Anatoti, Nebai, ²⁰ Magipiashi, Meshulamu, Hesili, ²¹ Meshesabeli, Sadoki, Yadua, ²² Peletia, Hanani, Anaia, ²³ Hoshea, Hamania, Hashubu, ²⁴ Haloheshi, Piliha, Shobeki, ²⁵ Rhemu, Hashabina, Maseia, ²⁶ Ahia, Hanani, Anani, ²⁷ Maluki, Halimu na Baana. ²⁸ Elyo abantu bambi, abali niba shimapepo, abena Lebi, abakelinda pamwinshi, bakemba, ababomfi bamucilonganino, na bonse abaipatulwile abena ukufuma mu calo cabdena mupalamano no kulaya abene ku malayo ya kwa Lesa, ukubikapofye na bakashi babo, abana babo abaume na bana babo abanakashi, bonse abali na mano ya kwishiba no kwiluka, ²⁹ Baikatene pamo na ba munyinabo, abasambashi babo, kabili ba kakililwe bonse ku citipu na mukulapaukulaenda mumalango ya kwa Lesa, ayo apele kuli Mose umubomfi wakwa Lesa, ukumona nokubeela amafunde yonse aya kwa Yaweh shikulu wesu kabili ne fipope fyakwe nefyabu pingushi fyakwe. ³⁰ Twalaile ukuti tatwapele abana besu abanakashi kubantu ba mu calo nangu abana babo kubana besu abaume. ³¹ Twacilaile kabili no kuti nga cakuti abantu ba mucalo baleta ifisuma nangufye ifya mumbuto shimbi isha kushitisha pa bushiku bwe sabata, tatwakashite kuli bena pa bushiku bwe sabata nangu pa bushiku bumbi ubwa mushilo. Cila mwaka uwalenga cine lubali tukalaleka amabala yasu ukutusha, kabili tukafuta ne nkongole shonse. ³² Twalipokelele na amafunde aya ku peela amasheekele aya lenga butatu cila mwaka ukubomfya ku ng'anda ya kwa Lesa wesu, ³³ Ukulafwaila umukate wa pa cinso, kabili na pa mutulo wa mumbuto uwa cilanshita, imitulo ya koca pa ma sabata, ukusefya imwenshi uupya ne mitebeto iya sontwa, ne mitulo ya mushilo, kabili ne mitulo ya pa lubembu iyakufutilako abena Isuleli, na pa mulimo onse uwa mu ng'anda ya kwa Lesa wesu. ³⁴ Bashi mapepo, abena Lebi, kabili abantu abengi baposele imitulo ya nkuni. Abengi abasalilwe aba mundupwa shesu baletele inkuni mu ng'anda ya kwa Lesa wesu panshita iya sontelwe cila mwaka, ukuti boce pa cintamba cakwa Yaweh Lesa wesu, ifyo calembwa mu malango. ³⁵ Twalilaile ukuleta ku ng'nda ya kwa Yaweh ifisabo fyakubalilapo ifyakula ukufuma mu mushili wesu, ne fisabo fyakubalilapo ku cimuti conse cila mwaka. ³⁶ Ifyo calembwa mu malango, twalilaile ukuleta mu ng'anda ya kwa Lesa na kuli bashimapepo abalebombela mulya, amabeli ya bana besu abume na kumikuni na kufitekwa. ³⁷ Tukalaleta ubunga bwesu ubwakubalilapo ne mitulo ya mumbuto shesu, ne fisabo fyakuli cila cimuti, umwangashi uupya na mafuta twakulaleta kuli ba shimapepo, ku cumba cakusungila ica mu ng'anda ya kwa Lesa wesu. Tukalaleta kubena Lebi icekumi icikafuma mu mushili wesu pantu abena Lebi eba kolonganika icekumi mu misumba yonse umo tubomba. ³⁸ Shimapepo uwa mulupwa lwakwa Aaroni, afwile aba nabena Lebi ilyo alepokelela icekumi. Abena Lebi nabo bafwile baleta icekumi icapafyekumi ku ng'anda ya kwa Lesa wesu mu cumba cakusungilamo mubutala. ³⁹ Pantu abantu abena Isuleli no lupwa lwa bena Lebi bakulaleta ifyo bakulasangula ifyo bakulasangula ifya mumbuto, umwangashi upya, na mafuta mu cumba cakusungilamo umo fipe ifya cakwikalamo fisungilwa kabili umo bashimapepo babombela, naba kasunga bapa minshi, na ba kemba bekala. Tatwakalekeleshe ing'anda yakwa Lesa wesu.