¹ Amashiwi yakwa Nehemia umwana umwaume uwakwa Akalia: Nomba cacitike mu mwenshi wa kisilebu, mu mwaka uwalenga amakumi ya bili, lintu nebo nali mumusumba wa susa, ² umo uwapali ba munyinane, Anani aishile na bantu bamo ukufuma kuli yuda, kabili nebo naipwishe bena palwa ba yuda abo aba punsumwike, abashelepo muba yuda abali kulya, na palwa yelusalemu. ³ Balandile kuli nebo, ''Bonse ababa mucitungu abapuswike mu busha baali mu bucushi ubukalamba na mu musebanya pantu icibumba camu yelusalemu cali bongoloka cashalafye, ne minshi yaliko ya lipya kumulilo.'' ⁴ Bwangu bwangu ilyo nebo naumfwile aya mashiwi, naikele panshi nalila, panshi ku ishingi natwalilile ukuba mubulanda no kufunga ukulya kabili na lepepa kuutanshi yakwa lesa wa mu mulu. ⁵ Elyo nebo nalandile ati, ''Mwebo muli yaweh, iesa wa mu mulu, lesa umukulu kabili uwakutinya, uusunga icipangano no kutemwa ukwashangila na bonse abatemwa ena no kubaka amafunde yakwe. ⁶ Kutikeni kwipepo lyandi, kabili isuleni amenso yenu, elo mumfwe ipepo lya mu bomfi wenu lintu ndepepa kuntanshi yenu akasuba no bushiku pa bantu abena isuleli aba bomfi benu. Nebo ndetumbu imembu sha bantu abena isuleli, isho twa bembukkila mwebo. Bonse nebo naba mu ng'anda ya kwa tata twalibembuka. ⁷ Natucita ububi sana kuli mwebo, kabili tatusunga na mafunde, ubupingushi, ne fipope fintu mwa konkomenshe umubomfi wenu muse. ⁸ Ibukisheni amashiwi ayo mwakonkomeshe umubomfi wenu mose, "Nga mwa bulwa icishinka, nebo nkamipashila mu bena fyalo, ⁹ nomba mwebo nga mwabwelela kuli nebo kabili mwakonka na mafunde yandi no kuya cita, nangu abantu benu abapaswa bengaba ukutali, nebo nkaba kolonganya bena ukufuma kulya no kubaleta bena ku cifulo uko nebo nasala kuntu ishina lyandi likala." ¹⁰ Nomba eko bali aba bomfi benu na bantu benu, abo mwapokolola kumaka yenu ayakalamba na ku kuboko kwenu ukwakosa. ¹¹ Yaweh, nebo ndelomba kuli mwebo, kutikeni nomba kwipepo lya mu bomfi obe na ku mapepo yaba bomfi benu abasekelela muku cindika ishina lyenu. Nomba peleni ubusuma ku mu bomfi wenu ilelo, no kumfwila bena uluse mu mense ya aba bantu. ''Nebo nalebomba ukulatwala ulukombo ku mfumu.