¹ Mucitendekelo mwali ishiwi, neshiwi lyali pamo na Lesa, neshiwi lyali ni Lesa. ² Uyu ali mucitendekelo na Lesa. ³ Ifintu fyonse fyapangilwe muli ena, peka ukwabula ena ngata kwali icintu nangu cimo icapangilwe. ⁴ Muli ena mwali ubumi, nobu bumi bwali lubuto lwa bantu. ⁵ No lubuto lwabutishe umwa kufita, lelo ukufita takwa lwanshishe. ⁶ Kwali umuntu uwatuminwe ukufuma kuli Lesa, ishina lyakwe ni Yohane. ⁷ Aishilebo bunte nokulanga lubuto, ukuti bonse basumine ukupitila muli ena. ⁸ Yohane tali lubuto, nomba aishile ukuti alangishe ulubuto. ⁹ Ulu buto lwa cinshinka, ulupela ulubuto kubantu bonse, luli nokwisa mucalo. ¹⁰ Ali pano calo, necalo ca pangilwe ena, necalo taca mwishibe ena. ¹¹ Aishile kuba kwabo, nabakwabo taba musengelele. ¹² Nomba bonse aba musengelele, abasumine ishina lyakwe, abapele insambu isha kwitwa abana bakwa Lesa. ¹³ Aba abasha pangilwe ku mulopa, nanguku kupangwa kunsuna ya mubili nangu kuku fwayo kwa mwaume, nomba kuli Lesa. ¹⁴ Ishiwi lyaishilepo mubili nokwikala naifwebo. Kabili twa mwene ubukata bwakwe, ubukata ngo bwamwana bwawa fyalwa eka kuli wishi, Uwaisulamo ukusenama ne cinshinka. ¹⁵ Yohane apele bukambone palwa ena nokubilikisha, atile, ''Uyu eumo uyo nebo nalandile, uyo aleisa panuma yandi mukulu ukucila nebo, pantu ewabalilepo.''' ¹⁶ Ukutula mukufula kwa kwe twali pokelela ukusenama pa numa yakupalwa. ¹⁷ Pakuti ifunde yapelwe ukupitila muli Mose. Ukupalwa ne cinshinka fyaishile ukupitila muli Yesu kristu. ¹⁸ Takuli nangu umo uwingamona Lesa; Lesa fye eka, uwaikala kulubali lwakwa wishi, ewalenga Lesa ukwishibikwa. ¹⁹ Ubu ebu kambone bwakwa Yohane elo aba Yuda batumine ba shimapepo nabena Levi kuli ena ukufuma ku Jerusalemu ukwipusha ena, ''Ni webo nani?'' ²⁰ ELo asumine- tabafishible, nomba asumine- ''Teine Kristu.'' ²¹ Bali mwipwishe, ''Bushe niwebo nani? Niwebo Eliya?'' Alandile , ''Tenebo.'' ''Balandile, ''Uli kasesema?'' Aasuka, ''Awe.'' ²² Elo balandile kuli nebo, ''Bushe niwebo nani, pakuti tutwale ubwasuko kuli abo abatutumine? Bushe ulelanda shani wemwine?'' ²³ Alandile ati. ''Nebo ndishiwi, lya ulelila mu mutengo: 'Pangeni imisebo yakwa shikulu iya ololoka; Fintu Esaya kasesema alandile.'' ²⁴ Nomba line abafumine kuba Fariseyo batuminwe, ²⁵ nokumwipusha balandile kuli ena, ''Cinshi wibishisha nga cakuti tauli Kristu nangu Eliya nangu kasesema?'' ²⁶ Yohane ali baswike bena ati, ''Nebo ngibisha ku menshi. Bamo pali imwe abeminine tamwishibe. ²⁷ Eumo uuli nokwisa panuma yandi, elo no lushishi ulwa pansapato shakwe nebo nacepa ukukakulapo.'' ²⁸ Ifi fintu fyale citika mu Betani kulubali lubiye ulwa Jordani, kulya Yohane aleibisha. ²⁹ Ubushiku bumbi Yohane amwene Yesu aleisa kuli ena no kutila, ''Moneni, umwana wa mpanga wa kwa Lesa uule fumya imembu shaba pano cola! ³⁰ Euyu uo nebo nalumbwile ati, 'Uyo aleisa panuma yandi mukulu ukucila nebo, pantu aliko kale; ³¹ Pantu nebo nsha mwishibe, lelo nimukuti asokoloke kuli Isreali ukuti naishile mu kwibisha mu menshi,'' ³² Yohane amwiminine mucishinka, ati, ''Namwene umupashi uleisa ngenkunda ukufuma mu mulu, nokwikala pali ena. ³³ Naine wine nshamwishibe, lelo uwantumine mukwibisha mu menshi atile kuli nebo, 'untu wanono mupashi uleikala pali ena nokwikalilila, Euyo aleibishisha no mupashi wa mushilo; ³⁴ Naine namona nokushimike mushinka ati uyu emwana wakwa Lesa.'' ³⁵ Peka ubwakonkapo elo Yohane naiminina nababili abamu sambi, ³⁶ Ba mwene Yesu aleenda, naYohane atile, ''Moneni, umwana wa mpanga wakwa Lesa,'' ³⁷ Nabasambi bakwe babili bamumfwile alelandafi elo bakonkele Yesu. ³⁸ Elo Yesu apilibwike nokumona bena balemunkonka elo alandile kuli bena, ''Bushe cinshi mulefwaya?'' Balandile, ''Rabbi'' )Icalola mukutila ''kafundisha'') ''Nikwi mwikala'' ³⁹ Alandile kuli bena, ''Iseni mumone.'' Elo baishile nokumona uko baleikala; baikele nabo pamo bulya bushiku, Inshita yali mupepi ikumi limo. ⁴⁰ Umo uwa mulyabo babili aumfwile Yohane alelanda peka akonkele Yesu ni Andrew, munyina wakwa Simon Petelo. ⁴¹ Asangile munyina Simon ukutila kuli ena, ''Natusanga- umupusushi'' (ica pilibula ati Kristu). ⁴² Amuletele nakuli yesu, peka Yesu amuloleshe nokutila, ''Niwe Simon umwana wakwa Yohane. Wa kulaitwa Kefa'' (icakupilibula mukuti Petelo). ⁴³ Ubushiku bwa konkelepo, elo Yesu afwaile ukufuma ukuti aye ku Galili, asangile Filipi nokutila kuli ena, ''Nkonka.'' ⁴⁴ Filipi alefuma ku Betsaida, Icalo cakwa Andrew na petelo. ⁴⁵ Filipi asangile Nataneli peka alandile kuli ena, ''Untu Mose alembele muma funde, naba kasesema, natumusanga: Yesu umwana wakwa Yosefe, Ukufuma ku Nazaleti.'' ⁴⁶ Natanali alandile kuli ena, ''Bushe ifintu ifisuma kuti fya fuma mu Nazareti?'' Filipi alandile kuli ena, ''Isreali mumone.'' ⁴⁷ Yesu amwene Natanaeli aleisa ena nokutila pali ena, ''Moneni umu Isreali wa cishinka, muli ena tamwaba bucenjeshi!'' ⁴⁸ Natanaeli alandile kuli ena, ''Wangishiba shani?'' Yesu amwaswike peka alandile kuli ena, ''Elo filipi akwitile, webo wali mwisamba lya cimuti, nali kumwene.'' ⁴⁹ Natanaeli ayaswike, ''Rabbi, uli mwana uwa kwa Lesa! uli mfumu ya bena Isreali!'' ⁵⁰ Yesu alyaswike peka alandile kuli ena, ''Pamulandu wakutila; nandile kuli webo, Nakumwene ulu mwisamba lya cimuti; bushe wasumina? Uli nokumona ifintu ifikulu ukucila palifi. ⁵¹ ''Elo alandile, mucinshika ndesosa kuli mwebo, mukamona umulu nawisuka, peka naba malaika ba kwa Lesa balenina peka balekonka pa mwana wa muntu.''