¹ Salam matan Paulus, nang dipanjara sabab Yesus Kristus, wan Timotius, dingsanak seiman kita, gasan Filemon, sahabat wan rekan pelayanan nang kami kasihi, ² wan Apfia, dingsanak kita, wan Arkhipus, kawan saparjuangan kita, wan jemaat nang bersekutu di rumah pian. ³ Anugerah wan damai sejahtera gasan pian matan Allah, Bapa kita wan matan Tuhan Yesus Kristus. (Ucapan Syukur Atas Iman wan Kasih Filemon) ⁴ Ulun basyukur awan Allah katika ingat pian dalam satiap doa ulun, ⁵ sabab lun mandangar iman wan kasih nang pian miliki dalam Tuhan Yesus wan sabarataan urang kudus. ⁶ Ulun bardoa supaya persekutuan iman pian manjadi efektif gasan pengetahuam nang penuh akan hal baik nang ada lawan kita demi Kristus. ⁷ Ulun basukacita banar wan tahibur ulih kasih pian sabab melalui pian dingsanak ai, hati urang-urang kudus disigarakan pulang. (Permohonan Paulus Mengenai Onesimus) ⁸ Karena itu, meskipun ulun baisian kayakinan besar dalam Kristus wan kawa memerintahkan pian malakukan apa nang manjadi kawajiban pian, ⁹ tapi oleh karena kasih, lebih baik amun ulun mamintanya ka pian. Ulun, Paulus -- nang sudah tuha, wan wayah ini manjadi urang nang dipanjara karena Kristus Yesus -- ¹⁰ mamohon ka pian gasan anak ulun, Onesimus, nang ulun dapatkan selawas ulun di panjara, ¹¹ nang dahulu kada baguna gasan pian, tapi wayah ini baguna banar, baik gasan pian maupun gasan ulun. ¹² Ulun mengutus inya, buah hati ulun, bulik ka pian, ¹³ nang sabanarnya handak ulun tahan gasan badiam wan ulun supaya inya kawa manggantiakan pian malayani ulun dipanjara karena Injil. ¹⁴ Amun kadada parsatujuan pian, ulun kada handak melakukan apapun supaya kebaikan nitu pian lakukan lain karena kaharusan, melainakan ulih kasanangan. ¹⁵ mungkin alasan Onesimus dipisahakan matan pian gasan sementara waktu adalah supaya pian kawa manarimanya pulang sampai salawasan, ¹⁶ tapi lain lagi sabagai budak, melainakan labih matan nitu, yaitu sebagai dingsanak nang terkasih, kada khusus gasan ulun haja, labih lagi gasan pian, baik dalam daging atawa dalam Tuhan. ¹⁷ Jadi, amun pian meanggap ulun sabagai rekan sekerja pian, tarimaakan Onesimus sabagaimana pian manarima ulun. ¹⁸ Amun inya telah bersalah ka pian atawa bahutang apa haja ka pian, tanggungakanlah nitu ke ulun. ¹⁹ Ulun, Paulus, manulis ini awan tangan ulun saorang: ulun akan malunasinya -- tanpa manyambat apapun tantang hutang pian ke ulun, yaitu hidup pian saurang. ²⁰ Ya, dingsanak ulun, biarlah didalam Tuhan ulun mandapatakan kabaikan matan pian. Sigarakanlah hati ulun didalam Kristus. ²¹ Karena kayakinan ulun wan kataatan pian, ulun manulis surat ini ka pian, sabab ulun tahu pian akan malakuakan labih matan nang ulun minta. ²² Samantara nitu, tolong siapakan kamar gasan ulun, sabab ulun baharap malalui doa-doa pian, ulun akan diparkananakan bulik ke pian. (Salam nang Pahabisan) ²³ Epafras, kawan ulun sapanjara dalam Yesus Kristus, mangirim salam gasan pian, ²⁴ damikian jua Markus, Aristarkhus, Demas wan Lukas, rekan-rekan sapalayanan ulun. ²⁵ Anugerah matan Tuhan kita, Yesus Kristus, kiranya manyartai roh pian.