¹ Matan Yudas, nang malayani Yesus Kristus wan saudara Yakobus, mambari salam gasan buhannya nang dipilih wan dikasihi Allah Bapa wan nang dipalihara Yesus Kristus. ² Kiranya belas kasih, damai sejahtera, wan kasih malimpah ka buhan pian. (Allah cagaran Mahukum Babuhannya nang Maulah Salah) ³ dingsanak-dingsanak tarkasih, pahadangan ulun manulisakan tentang kasalamatan kita sabarataan, ulun marasa parlu manulisakan gasan pian wan maminta buhan pian sungguh-sungguh barjuang gasan iman nang dipadahakan sakali gasan salawasan gasan urang-urang kudus. ⁴ Sabab urang-urang tartantu nang sudah manyusup kada katahuan, yaitu buhannya nang sajak bahari hudah ditant akan hagan dihukum, urang-urang nang kada bariman, nang manyalahgunaakan anugerah Allah kita hagan mamuasakan nafsu wan kada manarima satu-satunya panguasa wan Tuhan kita, Yesus Kristus. ⁵ Ulun handak maingatakan pian meskipun pian sudah tahu banar, bahwasanya Tuhan sudah manyalamatakan umat Sidin awan mangaluarakan buhannya matan tanah Mesir, tapi imbah ngitu Sidin mambinasaakan buhannya nang kada parcaya. ⁶ Wan, malaikat-malaikat nang kada patuh wan batas-batas kakuasaan buhannya, melainakan maninggalakan rumah buhannya, sudah Sidin ikat lawan rantai abadi dalam kegelapan nang paling gelap hagan panghakiman kaina. ⁷ Kaya itu jua Sodom wan Gomora wan kota-kota di sakitarannya, nang mamuasakan diri dalam dosa seksual wan mengejar nafsu nang kada wajar, sudah mananggung hukuman api kekal sebagai contoh. ⁸ Kaitu jua urang-urang ngini, mangandalakan mimpi-mimpi buhannya, mencemarakan tubuh, manolak kakuasaan, wanmahina sabarataan nang mulia. ⁹ Mikhael haja, nang paling bakuasa diantara buhan malaikat, katika bakalahi wan Setan tentang mayat Musa, kada wani mangaluarakan kata-kata hujatan ka inya, melainakan bapadah wara, "Sakiranya Tuhan manyariki ikam!" ¹⁰ Akan tetapi, buhan penyesat ngini mahujat hal-hal nang kada buhannya ketahui, nang buhannya ketahui berdasarkan naluri, kaya binatang nang kada bisi akal. Oleh hal-hal kainilah buhannya pacangan dihancurakan. ¹¹ Cilakalah babuhannya nang maumpati jalan Kain, wan buhannya nang tajarumus keserakahan nang diulah Bileam, wan binasa sabab pemberontakan nang kaya Korah. ¹² Buhannya inilah noda dalam perjamuan kasih pian, nang malahap makanan awan pian tanpa rasa takutan. paduli lawan dirinya sorangan. Buhannya ni kaya awan nang kada mambawa hujan, nang ditiup angin kesana kemari. Buhannya nang kaya pohon nang kada babuah pas musimnya, mati dua kali, wan dicabut seakar-akarnya. ¹³ Buhannya nang kaya gelombang laut nang ganas, nang mambuihakan kahinaan buhannya surangan. Buhannya kaya binatang-binatang nang mengembara, bagi inya kegelapan nang pekat sudah disediaakan gasan selawasan. ¹⁴ Sabab buhannya inilah Henokh, katurunan katujuh dari Adam banubuat,"Lihati, Tuhan datang lawan beribu-ribu urang kudus Sidin", ¹⁵ gasan manjalanakan penghakiman atas sabarataan urang mahukum sabarataan urang fasik sabab parbuatan fasik nang buhannya ulah, wan sabarataan ucapan kasar oelh urang-urang badosa nang fasik lawan Allah". ¹⁶ Buhannya urang-urang nang suka mangaluh, mancari kasalahan urang, wan manuruti hawa nafsu buhannya sorang; buhannya ni banyak pandir wan mancari muha gasan mandapatakan kauntungan. (Paringatan wan Nasihat) ¹⁷ Dingsanak-dingsanaknang kukasihi, pian musti maingat apa nang disambat rasul-rasul Tuhan kita, Yesus Kristus. ¹⁸ Buhannya ni sudah bapadah wan pian,"Pada zaman akhir, akan ada buhan pencemooh nang hanya maumpati nafsu buhannya nang fasik." ¹⁹ Buhannya ni urang-uragn nang manyababakan parpacahan, maumpati nafsu dunia, wan kada bisi Roh. ²⁰ Akan tetapi, pian, dingsanak-dingsanak nang kukasihi, bangunlah diri pian diatas iman nang paling suci wan bardoalah dalam Roh Kudus. ²¹ Peliharalah diri pian dalam kasih Allah sambil mahadangi rahmat Tuhan kita, Yesus Kristus, nang manuntun ka hidup nang kekal. ²² Baisilah kamurahan hati bagi buhannya nang ragu-ragu, ²³ salamatakanlah urang dengan marabut buhannya dari api. Gasan nang lain tampaiakanlah belas kasihan nang disertai rasa takut. wan membenci pakaian mereka nang dicemari hawa nafsu dunia. (Puji-Pujian gasan Allah) ²⁴ Gasan Sidin, nang bakuasa manjaga pian supada kada gugur wan mandatangakan pian tanpa cacat dihadapan takhta kamuliaan Sidin awan sukacita nang besar. ²⁵ Gasan Allah haja , Juru Salamat kita, malalui Kristus Yesus, Tuhan kita, kamuliaan, kaagungan, kakuatan, wan kuasa: bahari, wahini, sampai salawan. Amin.