¹ Matan Paulus, rasul Yesus Kristus oleh kahandak Allah. ² Anugarah wan damai Sajahtara gasan ikam matan Allah, Bapa kita, wan Tuhan Yesus Kristus. Barkat-Barkat Rohani dalam Kristus ³ Tapujilah Allah wan Bapa matan Tuhan kita Kristus Yesus, nang sudah mambarkati kita dalam Kristus lawan satiap barkat rohani di tampat surgawi. ⁴ Sabab, Sidin mamilih kita dalam Kristus sabalum parmulaan dunia supaya kita manjadi kudus wan kada bacacat di hadapan Sidin. Dalam kasih, ²² Sidin manaklukakan sagala sasuatu di bawah kaki Sidin wan mambari diri Sidin manjadi kapala atas sagala sasuatu gasan jamaat, ²³ nang adalah awak Sidin, dimana kapanuhan Sidin mamanuhi sabarataan wan sagalanya. ⁷ Dalam Sidin, kita mandapat panabusan malalui darah Sidin, yaitu pangampunan atas palanggaran-palanggaran kita sasuai lawan kakayaan anugerah Sidin, ⁸ Nang Allah limpahakan ka kita dalam sagala hikmat wan pangartian. ⁹ Sidin mamadahakan ka kita rahasia kahandak sidin sasuai lawan maksud baik nang Sidin rancanakan dalam Kristus, ¹⁰ nang pacang dijalanakan waktu kapanuhannya tiba gasan mamparsatukan sagala sasuatu dalam Kristus, nang ada di surga wan nang ada di bumi. ¹¹ Dalam Kristus, kita jua sudah manjadi bagian dari warisan nang sudah ditatapkan Sidin matan dahulu sasuai lawan rancana Sidin, nang manggawiakan sagala sasuatu dalam kaputusan kahandak Sidin ¹² supaya kita nang partama-tama manaruh pangharapan pada Kristus pacang manjadi puji-pujian gasan kamuliaan Sidin. ¹³ Dalam Sidin, ikam jua, imbah mandangar firman kabanaran, yaitu Injil kasalamatan ikam, wan parcaya lawan Sidin, di mataraikan lawan Roh Kudus nang dijanjiakan. ¹⁴ Roh Kudus adalah jaminan atas warisan kita, sampai panabusan tajadi atas buhannya nang manjadi ampun Allah saurang -- gasan pujian kamuliaan Sidin. Doa Paulus ¹⁵ Oleh sabab nitu, waktu ulun mandangar manganai iman ikam dalam Tuhan Yesus wan kasih ikam ka sabarataan urang kudus, ¹⁶ ulun kada ampih-ampihnya basyukur gasan ikam saat ulun mangingat ikam dalam doa-doa ulun. ^{17 16} Ulun badoa supaya Allah dari Tuhan kita, Kristus Yesus, Bapa dari kamuliaan, manjulung ikam roh hikmat wan panyataan dalam pangatahuan akan Sidin. ¹⁸ Ulun badoa supaya mata hati ikam ditarangi sahingga ikam kawa mangarti pangharapan nang takandung dalam panggilan Sidin, kakayaan nang takandung dalam warisan Sidin nang mulia gasan urang-urang kudus, ¹⁹ wan kakuatan besar nang kada taukur gasan kita nang parcaya, nagkaya ditujukakan dalam kemahabesaran kakuatan Sidin. ²⁰ Kemahabesaran kakuatan Sidin ini Sidin tunjukakan katika Sidin mambangkitakan Kristus dari antara urang mati wan mandudukakan Sidin di higa kanan Sidin di tampat surgawi, ²¹ nang jauh labih tinggi dari sabarataan aturan, kakuasaan, kakuatan, pamarintahan, wan labih tinggi dari sabarataan ngaran nang ada, bukan wayahini ja, tapi masa nang pacang datang. ²² Sidin manaklukakan sagala sasuatu di bawah kaki Sidin wan mambari diri Sidin manjadi kapala atas sagala sasuatu gasan jamaat, ²³ nang adalah awak Sidin, dimana kapanuhan Sidin mamanuhi sabarataan wan sagalanya.