¹ Sabarataan urang nang baisi beban sebagai budak haruslah maanggap tuannya sabagai urang nang pantas mandapatakan sagala hormat supaya ngran Allah wan pangajaran kita kada dicela. ² Edangkan buhan budak nang tuannya adalah urang p[ercaya, jangan mangurangi rasa hormat gasan buhannya lantaran buhannya adalah dinsanak-dinsanak saiman. Sabaliknya, buhan budak harus malayani tuannya dengan labih baik lagi dagana nang manarima berkat palayanan adalah urang-urang percaya wan nang buhannya sayangi. Ajarakan wan nasihatakan hal-hal ini ka buhannya. Tentang Ajaran Lain wan Cinta Duit ³ Pabila ada urang nang maajarakan ajaran nang lain nang kada sasuai wan panderan yang bujur dari Tuhan kita Kristus Yesus wan kada sasuai wan ajaran kasalehan, ⁴ inya adalah pembual nang kada paham apa-apa. Inya hinggan tatarik wan bahual nang kada sehat, nang hinggan bahual wan kata-kata nang manimbulakan iri hati, perpecahan, fitnah, wan kacurigaan nang jahat. ⁵ balalu tarus-tarusan maulah perselisihan di antara urang-urang nang pikirannya sudah rusak wan manulak kebenaran, nang mangira bahwa kasalehan adalah ara gasan mandapatakan kauntungan. ⁶ Tatapi, kasalehan wan disertai rasa cukup cagar mambari akan manfaat nang ganal, ⁷ Sabab, kita kada mambawa apa-apa wayah masuk ka dunia wan kita jua kada kawa mambawa apa-apa pas maninggalakan dunia ini. ⁸ Pabila sudah ada makanan wan pakaian, kita cagar marasa cukup. ⁹ Urang nang mahandaki sugih pacangan gugur ka dalam pencobaan wan jebakan, imbahnya bamacaam nafsu nang bungul wan mambahayaakan nang cagar maninggalamakan urang-urang ka dalam kahancuran wan kabinasaan. ¹⁰ Sabab, manyangi duit adalah akar matan sagala kajahatan. Urang-urang nang mamburu duit sudah manyimpang adri iman wan manyiksa diri inya saurang lawan bamacam kasusahan. Beberapa Hal nang Harus Diingat ¹¹ Tatapi, ikam sabagai manusia dari Allah, jauhakan diri ikam matan samuaan itu. Sasahi kebenaran, kasalehan, iman , kasih, katabahan,wan kalembutan ¹² Bajuanglah intang perjuangan iman nang baik wan bapingkutlah intang hidup nang kekal nang gasannya ikam dikiau pabila ikam mambariakan pangakuan nang baik dihadapan banyak saksi. ¹³ Di hadapan Allah nang mambariakan hidup gasan sabarataannya wan di hadapan Yesus nang mambariakan pangakuan nang baik rahat bahadapan wan Pontius Pilatus, aku mamarintahakan ikam, ¹⁴ Kiranya ikam manjalanakan parintah ini wan kada bacacat wan kada bacela sampai kadatangan Tuhan kita Kristus Yesus. ¹⁵ Pas rahat nang ditantuakan-Nya, Inya cagar mamparhatiakan dir-Ny ialah satu-satunya Panguasa, Raja atas sabarataan raja, wan Tuan atas sabarataan tuan. ¹⁶ Inya haja satu-satunya nang kekal, nang badiam intang tarang nang kada kawa diparaki atawa kawa malihat-Nya. Gasan Inya, sagala hormat wan kuasa nang kekal! Amin. ¹⁷ Pahadangan itu, parintahakan urang-urang nang sugih wayahini supaya buhannya kada sombong atawa manaruh harapan intang kasugihannya nang kada pasti, tatapi andaklah harapan wan Allah, nang wan limpuar manyadiaakan sabarataan gasan kita supaya dinikmati. ¹⁸ Parintahakan buhannya supaya manggawi nang baik, manjadi urang nang murah hati, wan siap babagi. ¹⁹ Imbah kaitu, buhannya cagar mangumpulakan harta gasan wayah diri buhannya saurang sabagai dasar nang baik gasan masa nang kenanya sehingga buhannya kawa bapingkut wan hidup nang sabujurnya. ²⁰ Timotius, jagai apa nang imbah diparcayaakan wan ikam. Hindari pamanderan nang duniawi wan bakaramput wan basalisih nang sacara salah nang disambat "Pengetahuan". ²¹ nang lawan maakuiinya, iman beberapa urang jadi manyimpang. Anugerah mairingi ikam.