¹ Matan Paulus, nang menjadi rasul Yesus Kristus dagana parintah Allah, Juru Salamat kita, wan Yesus Kristus, pengharapan kita. ² Gasan Timotius, anak nang sah dalam iman. Anugerah, belas kasih, damai sejahtera matan Allah Bapa kita wan Yesus Kristus, Tuhan kita. Paringatan Malawan Ajaran Sesat ³ Nangkayaapa aku mamohon lawan ikam wayah aku tulak ka Makedonia, tataplah badiam di Efesus supaya ikam kawa manasihati babarapa urang supaya buahannya kada mangajar ajaran -ajaran nang lain, ⁴ atawa mamusatakan perhatian buhannya lawan kisah-kisah wan silsilah-silsilah nang kada ada habisnya. Itu justru mandatangakan pasalisihan, kadanya manjalanakan tugas palayanan Allah nang digawiakan oleh iman. ⁵ Tatapi, tujuan dari parintah itu adalah kasih nang baasal dari hati nang murni, nurani nang baik, wan iman nang tulus. ⁶ Beberapa urang sudah manyimpang dari tujuan ini wan tasasat dalam panderan nang sia-sia. ⁷ Buhannya handak manjadi ahli hukum Taurat, tatapi kada mamahami apa nang buhannya panderakan atawa hal-hal nang buhannya yakini. ⁸ Tatapi, kita tahu Hulum Taurat itu baik pabila urang manggunaakan nangkayaapa mestinya. ⁹ Wan manyadari bahwa Hukum Taurat kada diulah gasan jurang bujur, tatapi gasan buhan nang malanggar hukum wan buhan pambarontak, urang fasik wan urang badosa, urang nang kada kudus wan duniawi, buhannya nang mambunuh abah wan umanya saurang, pambunuh ¹⁰ urang dursila nang maulah dosa seksual lawan siapa haja nang malawan ajaran nang sehat, ¹¹ yaitu ajaran Injil nang mulia matan Allah Sumber Barakat, nang sudah dipercayaakan lawanku. Ucapan Syukur Paulus atas Rahmat Allah ¹² Aku basyukur lawan Sidin nang mambari kakuatan gasanku, yaiytu Yedsus Kristus, Tuhan kita, lantaran Inya maanngap aku setia dengan maandakakan aku intang pelayanana ini. ¹³ Walaupun dahulu aku urang nang mahujat, manganiaya, wan urang nang kejam , tatapi aku manarima belas kasih lantaran dahulu aku maulahnya rahat kada paham wan balum percaya. ¹⁴ Tuhan mambariakan aku anugerah nang malimpah, taimbai lawan iman wan kasih dalam Yesus Kristus. ¹⁵ Panderan ini kawa dipercaya wan layak ditarima sapenuhnya bahwa Yesus Kristus datang ka dunia gasan manyalamatakan urang-urang badosa, diantara buhannya, akulah nang paling badosa. ¹⁶ Gasan alasan inilah, aku mandapatakan belas kasih, yaitu supaya intang aku , urang nang paling badosa ini, Yesus Kristus manunjukakan kasabaran-Nya nang sampurna sabagai contoh gasan buhannya nang cagar percaya lawan-Sidin gasan mandapatakan hidup nang kekal. ¹⁷ Gasan Raja atas segala zaman, nang kekal, wan nang kada kalihatan, satu-satunya Allah, hormat wan kamuliaan sampai salawasannya.Amin. ¹⁸ Parintah ini kubariakan wanikam, Timotius, anakku, sasuai wan nubuatan nang sudah dibariakan taentang ikam, wan lawan nubuatan itu berjuanglah dalam perjuangan nang baik, ¹⁹ sambil bapingkut wan iman wan hati nurani nang baik. Bebaerapa urang sudah manulak maulahnya sahingga kandaslah iman buhannya. ²⁰ Di antaranya adalah Himeneus wan Aleksander, nang sudah kusarahakan lawan setan supaya buhannya balajar gasan kda mahujat.