¹ Ja̧'hua̧nö̧ ja̧'a̧ ángel ttöcu ucuocuäji päjimä ttö chö̧ja̧'a̧ ichinö, ja̧u̧mä̧ ö'orädinäcu̧sä̧ ä'ätörö ttö'oräda'a jä̧'i̧nö̧'a̧nö̧. Ja̧u̧mä̧ päinä̧cu̧sä̧: ¿Ucumä däje to'cuättö? ² Ttömä pä'inö̧sä̧: Topösä cuo'ö kä̧dȩpö̧nä̧ jö̧ ku̧nä̧huäcä o'cajuiyönä orottötä adicuäcä, huä̧mȩnä̧ o̧'ta̧hui̧yä̧ ka̧'a̧. Ja̧u̧ o̧'ta̧ jacuämä cuounä rȩdȩcuä̧ sietenö cuoa'a ka̧'a̧, ja̧u̧ huä̧mȩnä̧ sietenö ona ka̧'a̧ cuounä̧ kä̧dȩpö̧nä̧ ka̧cu̧ o̧na̧mä̧. ³ Ju̧huȩnȩ tö'cönämä olivo dau toire ka̧'a̧, ya'utemä i̧so̧'ta̧ u̧huo̧jua̧'a̧cu̧nä̧ ja̧'hua̧ta̧'a̧nö̧ kara'atä ö'ohuecunä." ⁴ Ja̧'hua̧nö̧ ja̧'a̧ ttömä ángelcu ucuocuinö̧sä̧ ttöcu ucuocuäjicu. Ttömä pä'inö̧sä̧: CHUÄ̧NÄ̧HUA̧ pi̧yȩmä̧ däje jiähua'attö. ⁵ Ángel ttöcu ucuocuäjimä ädätömä päinä̧cu̧sä̧: ¿Huo̧jua̧jä̧ pi̧yȩmä̧ pa̧'a̧nö̧ pä'ö jiähua'a pä'ömä? Ttömä jȩru̧pa̧sä̧ CHUÄ̧NÄ̧HUA̧ pä'inö̧sä̧. ⁶ Ja̧u̧mä̧ pa̧'a̧nö̧ päinä̧cu̧sä̧: Pi̧yȩ ja̧'a̧ TÖ̧Ä̧NÄ̧HUA̧ i̧huȩnȩ Zorobabelrö ucuocumä̧: Su̧ro̧da̧u̧ ttujurunä̧mä̧cö̧, ja̧'hua̧ta̧'a̧nö̧ cua̧mö̧nä̧ cujurunämä̧cö̧, ja̧'hua̧nö̧ ja̧'a̧nä̧ TTÖ CHA̧'CUA̧RU̧HUA̧NÄ̧TÄ̧, pä'ötó TÖ̧Ä̧NÄ̧HUA̧ o'cajuiyönä ju̧ru̧hua̧mä̧. ⁷ ¿Möä'ca rö̧ä̧'ca ucumä däje cua'attö? Zorobabel ä'ca jo̧mȩttö̧mä̧ mȩji̧yä̧ jö̧nä̧tä̧ cu̧'ä̧ro̧huä̧chä̧cua̧jä̧ ja̧'hua̧ta̧'a̧nö̧ ja̧u̧mä̧ ido'qui röjinä huo'qui ȩmö̧ icuomenä huottäcuotö "¡Adihua'a pä'ätöjä! ¡Adihua'a pä'ätöjä juhuo'quirö! ⁸ TÖ̧Ä̧NÄ̧HUA̧MÄ̧ Ttörö ucuocumä pa̧'a̧nö̧ pä'inö: ⁹ Pode isode 'chu̧huä̧ro̧mȩmä̧ Zorobabel ja̧'a̧ 'quiyunä 'chu̧huä̧rö̧nä̧ jȩpö̧ ku̧ni̧nö̧mä̧ ja̧'hua̧nö̧ ja̧'a̧ttö̧ aditö jo̧mȩnö̧ cä̧dä̧cua̧. Ja̧'hua̧nö̧ jo̧mȩnä̧tä̧ cu̧huo̧juä̧cua̧jä̧ ttö chö̧ja̧'a̧cu̧ piderö hue'inömä TÖ̧Ä̧NÄ̧HUA̧TÄ̧ ja̧'a̧ pä'ö. ¹⁰ ¿Dijä̧ttö̧ ö̧jä̧mä̧dö̧ mo̧ro̧ a̧'u̧cu̧ ji̧yä̧cu̧ kö'cocö pinömä? Pitö ttö̧ja̧mä̧ ttesehuäcuotö Zorobabel jo̧mȩnö̧ cäda'a topömä. (Sietenö jo̧mȩnä̧ cuou kä̧dȩpö̧mä̧ TÖ̧Ä̧NÄ̧HUA̧ pi̧jä̧ o'cajuiyönä cue'ächö i'äre ja̧'a̧.) ¹¹ Ja̧'hua̧nö̧ ja̧'a̧ ttömä ángelrö ja'epö ä̧ju̧cui̧nö̧sä̧: ¿Däjettö̧ pi̧yȩ olivo dauhuiyämä cuo'u kä̧dȩpö̧ u'ohuecu'inä, u̧huo̧jua̧'a̧cu̧nä̧'inä ka̧cu̧mä̧?" ¹² ji̧nä̧ pä̧'ä̧ji̧tä̧'a̧nö̧ pä̧'a̧nö̧ jäepäjisä ja̧u̧ro̧mä̧: " ¿ däjetö ä̧najuȩ tä̧juȩrȩ oro adihuä ppeyänä kä̧cu̧mä̧ a̧dȩja jäiyä̧'a̧nö̧ jö̧ jäyänä huerächina'a̧.? ¹³ ja̧'hua̧nö̧ ja̧'a̧ ja̧u̧mä̧ pä'inö ttöru: " pi̧yȩmä̧ juo̧u̧ ja̧'a̧ pä'ömä jȩru̧ pä̧jä̧?" ttömä̧ pä'inö̧sä̧:" Jȩru̧pä̧sä̧, CHU̧RU̧HUA̧. ¹⁴ Ja̧'hua̧nö̧ ja̧'a̧ pä'inäcu̧sä̧ ja̧u̧mä̧: " pitö ta̧ju̧ ja̧'a̧ i̧tti̧mo̧ olivos isoya jareoyanä̧ daepu pojopu ȩminä'ömä̧, juätöja̧ TÖ̧Ä̧NÄ̧HUÄ̧ ä'ca jo̧mȩ ka̧cuä̧tö̧mä̧ pi̧ja̧ O'cajuiyunä̧.''