¹ ¡Oh, a̧'a̧ mo̧ro̧jä̧ ba'ecuächö ja̧hua̧ta̧'a̧nö̧ juiächi'omȩnä̧mä̧! ucu juȩnȩ mȩyȩ'u̧ cu̧jä̧mä̧dö̧mȩnä̧ mu̧ä'quiyumä̧ tti̧ȩpu̧ a̧'nö̧ ja̧'a̧, ² ji̧yȩnö̧ dea isä'cua jo'ä'cua cu'upä örohuomȩnä̧ nȩba cuo'iä'a jä̧inö̧'a̧nö̧, ocurä mi̧ cu̧tta̧to̧mȩnä̧ cuo'ö dacua'a cuärä'a'a jö̧'a̧nö̧.¡ äyo'o, ucu cui̧mi̧mä̧ cuabo'iyotö'i̧nä̧ ttu̧huo̧jua̧ pä'ö ja̧'a̧, ucu mȩyȩ'u̧ ku̧jä̧mä̧do̧mȩnä̧ pi̧jä̧ o'cajuiyönä̧ ttö̧ja̧mä̧ tti̧ttä̧huä̧cuo̧tö̧ye'ecui'ö! ³ Acuo̧mȩnä̧ Ka̧ma̧dö̧ rötädipumä̧, ri̧ö̧'juȩ'i uhuäbe'inö̧jä̧ ujutu jahua'anö̧ jä̧cua̧'a̧ pä'ö a̧mu̧cuä̧rö̧ tta̧ttä̧ro̧cö̧ jue'i, ucumä̧ mȩyȩhui̧'ȩnö̧jä̧, ja̧hua̧ta̧'a̧nö̧ mu̧ä'quiyuma̧ tti̧ȩpi̧ȩna̧'a̧ ucu mȩyȩ'u̧ ku̧jä̧mä̧do̧mȩnä̧. ⁴ täbocö mo̧ro̧ päi'önä̧ ä̧ju̧cu̧'i̧nä̧, topu'i̧nä̧ topocotö pinä̧tö̧, ya̧tȩ i̧'ä̧re inä̧ to'oca'a ji̧'ȩna̧'a̧ ucu DIOS hua̧'a̧nö̧ hua̧'rö̧ ka̧ra̧rö̧mä̧, chu koro ju'i jȩpu̧ ja̧'u̧ru̧ tta̧'a̧rö̧n'mä̧. ⁵ Ucumä ichöjä ppä'ädu jitörö esehuättörö adiu jȩpu̧, ji̧tö̧ ju̧huä̧tö̧-mä̧ a̧mu̧cuä̧dä̧tö̧ U̧cu̧ cu̧mä̧nä̧ ja̧'hua̧ta̧'a̧nö̧ ä̧ju̧cuä̧tö̧. U̧cu̧mä̧ ra̧huä̧ri̧nö̧jä̧ ja̧u̧nö̧ u̧ju̧tu̧ su̧ro̧nä̧ jȩti̧nö̧mä̧. U̧cu̧ cu̧mä̧nä̧mä̧ 'cuä̧'o̧pu̧nä̧tä̧ u̧ju̧tu̧mä̧ cuȩmä̧cuo̧tö̧jä̧. ⁶ Ja̧'hua̧'a̧nö̧ ja̧'a̧nä̧ u̧ju̧tu̧ o̧'ca̧to̧'i̧ö̧nä̧ huo̧tö̧jä̧ ca̧ra̧ su̧ro̧pa̧ jä̧'i̧nö̧a̧nö̧, ja̧'hua̧ta̧'a̧nö̧ o'cajuiyönä u̧ju̧tu̧ jȩtö̧mä̧ a̧di̧hua̧'a̧ i̧sa̧ju̧ pu̧jä̧ta̧ ppä̧jȩ'cua̧'a̧ jä̧'i̧nö̧a̧nö̧. U̧ju̧tu̧ o'cato'iönä hgua'ätöjä isojä jä'inöanö; ujutu suronä jetömä, isoppa jä'inöanö, oto co'epä'ujä. ⁷ Yate'inä toa'a ucu cuiminä ucuocumä, di jätö jepumä ucucu ttö'cö pä̧'i̧a̧ pä'ö. Ja̧'hua̧'a̧nö̧ ja̧'a̧ttö̧ U̧CU̧MÄ̧ da̧ja̧huä̧ji̧jä̧ U̧CU̧ cui̧'ä̧ u̧ju̧tu̧ru̧mä̧ ja̧'hua̧ta'a̧nö̧ jȩpä̧ji̧jä̧ u̧ju̧tu̧tä̧ jä̧huä̧nä̧ su̧ro̧ juo̧tä̧chö̧nä̧. ⁸ Ja̧'hua̧nö̧ ja̧'a̧nä̧ TÖ̧Ä̧NÄ̧HUA̧MÄ̧, Tä'o jö̧nä̧ hua̧jä̧; ujutumä redä'catä huotöjä. Ucu ja̧'a̧ redä'cattö ku adicuä i̧sa̧mä̧; ja̧'hua̧ta̧nö̧ ujutu o'catoi'önä̧tä̧ ucu cuaditähuotötä huotöjä. ⁹ TÖ̧Ä̧NÄ̧HUA̧ rö̧ä̧nä̧mä̧ cu̧ra̧huä̧ri̧pä̧, ja̧'hua̧ta̧nö̧ surojö jȩti̧nö̧'i̧nä̧ 'cuäopönä̧tä̧ unichi'itö. O'catoi'önä̧rö̧tä̧ rȩrö̧jö̧nä̧ topitö, cu̧mö̧huäyotöjä. ¹⁰ Cuidepiyu surojö juiyomemä de'a jui̧yä̧jä̧ jö̧nä̧tä̧ juoächina'a; Sión'inä ja̧'hua̧nö̧tä̧ juoächina'a, Jerusalén ötahuiyämä ttö̧ja̧'i̧nä̧ toächome. ¹¹ Diosrö ucuocuäcuähuode a̧'cua̧cuode 'cä̧'ȩpö̧ ku̧nä̧huodemä, tä'otö̧ mi̧nä̧ Ucuru ra̧tti̧nodemä, ocurätä ku icu si'epö icuinode, ja̧'hua̧ta̧nö̧ o'cajuiyönä ujutu repetinö ji̧nö̧mä̧ toe'ächina'a. ¹² ¿TÖ̧Ä̧NÄ̧HUA̧ tocu pä'ö ucumä ppäcuäda pä̧cuo̧co̧u̧jä̧ttö̧? ¿Tocu pä'ö 'coruchi'ötä kä̧nö̧ yabonö ujuturumä ro̧cuȩpa̧'a̧ttö̧?