¹ Ru̧hua̧ Uzías 'corupäi'inö pä̧nä̧mä̧, ttömä̧ TÖ̧Ä̧NÄ̧HUA̧ ruhuo deäcänä ö̧'a̧'a̧ topinösä̧; Ja̧u̧mä̧ böo ja̧'a̧nä̧ juruhuinö, juhua'atäcu ö̧'ca̧tä̧huä̧ta̧ beipomemä Diosrö ucuocuäcuähuodemä a̧ttä̧chi̧'ö̧nä̧tä̧. ² Ja̧u̧ u̧huä̧mȩ jo̧mȩmä̧ serafines pä̧ttä̧u̧ ka̧cui̧nä̧tö̧, ya̧cu̧nä̧mä̧ ttujuabiyämä 6nö abä ku̧nä̧ri̧nä̧tö̧; ttabärenämä ttö'ä a̧tto̧cui̧nä̧tö̧, koro todäre abänämä ttö̧jä̧pi̧yä̧ a̧tto̧cui̧nä̧tö̧ ja̧'hua̧ta̧nö̧ koro todäre obänämä ko̧'ä̧ri̧nä̧tö̧. ³ Ka̧ra̧ ka̧ra̧nö̧ pä'ähuinä̧tö̧: "Surojö jui̧'a̧mä̧, Surojö jui̧'a̧mä̧, Surojö jui̧'a̧mä̧, TÖ̧Ä̧NÄ̧HUA̧ o'cajuiyönö ju̧ru̧hua̧ ja̧'a̧! Pi̧jä̧ pa̧ja̧cu̧nä̧ Ja̧u̧ öadihuätä i̧jȩcuä̧ra̧'a̧." ⁴ Jitö rö̧ä̧nä̧ eseu huottomȩnä ra̧huä̧pi̧jä̧chi̧'i̧na̧'a̧ isode apate doächäcuähuomȩ tto̧ȩpä̧rä̧bä yö̧ȩpä̧rö̧ o'ca borepu̧ 'chorähuächa'anö päi'önä tti̧'ȩpö, ja̧'hua̧ta̧nö̧ isodemä̧ 'teyu joppa 'cho'opu suädi'ome jacuätä päi'önä̧ huina̧'a̧. ⁵ Ja̧hua̧nö̧ ji̧yä̧cu̧ topö pä̧'inö̧sä̧: ''¡äyo'o ttöhue'e! A̧ Ttöhue adihuomȩttö̧mä̧ tto'opu do'opu i̧cuä̧hua̧tä̧ hua̧sä̧ tocu pä'ö, ttö chämä̧ suropa̧sä̧ surojötä ucuocusä, Jahuata̧nö̧ ttömä̧ ötahuiyä ttöja̧ tä'ä suropätö ttö'cä̧tȩnä̧ kö̧sä̧, dä̧'ä̧bö̧ttö̧ chi'äremä̧ Ru̧hua̧rö̧ toinäre, chu̧ru̧hua̧rö, curä rohuäu juruhuätö ttu̧ru̧hua̧rö̧!''. ⁶ Ja̧'hua̧nö̧ jö̧mȩnä̧ ya̧tȩ i̧sa̧ serafin pä'ö mi̧cua̧ ttö chö̧jö̧mȩcu̧ co'ö ichi'inö̧, ja̧u̧mä̧ ocu'que säröcänö cuo̧'quȩ 'chu̧'ä̧ri̧nö̧ u̧mu̧nä̧,ttöäre ku icu iyähuomȩttö̧ ppi̧ȩcuäcänä̧ ppi̧'ȩpu̧ ȩmä̧ji'ca̧. ⁷ Ja̧u̧mä̧ ttö chänä mȩcuä̧chö̧nä̧ 'ti̧'i̧nö̧ juo'quȩ ucu'quȩ cuo̧'quȩnä̧ ja̧'hua̧ta̧nö̧ päinä̧cu̧sä̧: 'Topi, pi̧yȩ jä̧jä̧'a̧ ucu cuänä̧ mȩcuä̧chä̧ji̧mä̧; ucu cuieruhua'ara̧'a̧ suronä̧ jȩ'cuä̧'i̧jö̧mä̧ 'cho'ipu si'epu icuähui̧ya̧ pä'i'öjä ja̧'hua̧ta̧nö̧ suronä̧ jȩ'cui̧nö̧'i̧nä̧.'' ⁸ Ä̧ju̧cuä̧ji̧sä̧ tu̧ru̧hua̧ i̧huȩnȩ pa̧'a̧nö̧ päa'a: ''¿Dirö huedäcua'a jä̧ttö̧?¿Di jä̧ttö̧ i̧'chä̧cua̧mä̧ ujututtu? Ja̧hua̧nö̧ ja̧'a̧ ädätinösä: ''Ttötä kö̧sä̧, ttörö hue'i.'' ⁹ Ja̧hua̧nö̧ ja̧'a̧ päinäcu̧sä̧: ''Ja̧hua̧nö̧ jö̧ttö̧mä̧ 'chä̧nö̧ ji'ähuäji ttö chu̧mu̧huä̧yotörö: 'Jahuätömä ä̧ju̧cu̧mä̧ ttä̧ju̧cua̧'a̧nä̧ ttu̧ttȩpä̧rä̧chi̧'ö̧ juiyäcuotö, jahuata'anö topömä totta'anä ttu̧huo̧juä̧chi̧'ö̧ juiyäcuotö.' ¹⁰ Pitö ttö̧ja̧rö̧mä̧ ttamöcuädönä̧ ttu̧huo̧jui̧pö̧ juiyönä jȩpi̧tö̧ ja̧'hua̧ta̧nö̧ ttä̧ju̧cu̧ juiyönä̧ juhua'atäcu tottö juiyönä̧'i̧nä̧. Koromenä̧mä̧ jahuätö ttö'ärenä̧ tottöttömä, ttä̧ja̧nä̧ ttä̧ju̧cu̧ttö̧mä̧ ja̧'hua̧ta̧nö̧ tta̧mi̧so'quinä ttu̧huo̧jui̧pö̧ttö̧mä̧, ppa̧'a̧di̧pö̧ tta̧mö̧cuädomenä aditö chicuatö pä'ötä huotö." ¹¹ Ja̧'hua̧nö̧ ji̧yä̧cu̧ ttömä pä'inösä̧: "Ttö̧ä̧nä̧hua̧, ¿Tta̧'a̧nö̧ mo̧ro̧ jä̧cua̧'a̧ttö̧? Ja̧u̧mä̧ ädätinä̧cu̧sä̧: Ja̧u̧mä̧ ädätinäcu̧sä̧: "Ötahuiyä si'epö icuähuome jubö päiö'önä ja̧'hua̧ta̧nö̧ ttö̧ja̧ toönä̧tä̧ päi'omenä ja̧'hua̧ta̧nö̧ isode'i̧nä̧ todetä päi'omȩnä̧ juhua'atäcu rȩjȩ'i̧nä̧ de'a jui̧yä̧jä̧ jä̧'i̧ja̧'a̧nö̧ päi'omä, ¹² ja̧'hua̧ta̧nö̧ TÖ̧Ä̧NÄ̧HUA̧ u̧mö̧huäyotörö oto hue'ö icuomenä juhua'atä rȩjȩ'i̧nä̧ rö̧ä̧nä̧ ttö̧ja̧ to̧ä̧jä̧tä̧ päi'omenä. ¹³ Recuätöttö ji̧nä̧ to̧mö̧rȩ jähuä huotötä ju̧huȩnȩ ttö̧ja̧cu̧ttö̧mä̧, juätö'i̧nä̧ si'epö icuähuäcuotö; ja̧'hua̧nö̧ ja̧'a̧nä̧ terebinto daucö̧ roble daucö̧ 'ku̧'u̧ tticuomenä uju'ca'canätä, adihuäjuäi u̧huä̧ju̧mä̧ ka̧'a̧.