¹ ¡O'cato'inä ttahua a̧di̧ri̧jä̧u̧mä̧ ichi ajiya ahuatucui! Ja̧'hua̧ta̧'a̧nö̧ ucututtö pärätä jui̧a̧'i̧nä̧, ichö ȩpu̧ tätucui vino isoya ja̧'hua̧ta̧'a̧nö̧ päcäyä isaju katate isoya'inä micuä juiyönätä̧ cucuätucua peö. ² ¿Pärätämä ä̧mä̧cö̧ cuäcuähuocö ja̧'a̧ttö̧? ¿ ja̧'hua̧nö̧ ja̧'a̧ttö̧ esehuo ca̧a̧ra̧'a̧tä̧ aditö? ja̧hua̧nö̧ ja̧'a̧ttö̧ ttö̧ȩpä̧rö̧ ä̧ju̧cuä̧tu̧cui̧ deättö'inä nöö̧nä̧ cuätucui adiumä. ³ ¡Ppa̧'a̧di̧pö̧ a̧ju̧cu̧ ttöcu ichätucui! ¡Ä̧ju̧cuä̧tu̧cui̧, cu̧jä̧tu̧cuä̧cua̧'a̧nö̧! Ttömä ucutucu chutodecumä beipocö jä̧cuȩ; Ttö cha̧'cua̧ chu̧huȩnä̧rö̧, repeäcuähuä iya päinö'a̧cuä̧tä̧ Davidrö. ⁴ Topätucui, Ttömä ja̧u̧rö̧ ku̧ni̧nö̧sä̧ ttö̧ja̧ jȩttö̧ toa pä'ö, ttu̧ru̧hua̧ jö̧nä̧tä̧ ja̧'hua̧ta̧nö̧ ttö̧ja̧ ttu̧ru̧hua̧ jö̧nä̧tä̧. ⁵ Topittö, ucumä ttö̧ja̧ cui̧ȩru̧huä̧u̧rö̧ huo̧'cua̧jä̧; ja̧'hua̧ta̧nö̧ ttö̧ja̧ cui̧ȩru̧huä̧u̧mä̧ cu̧ja̧'a̧u̧ jottäcuotö TÖ̧Ä̧NÄ̧HUA̧ Dios jähuänä̧mä̧, ttö̧ja̧, Israel ttö̧ja̧ ttu̧ru̧hua̧ surojö'i̧nä̧ jui̧'a̧rö̧, usärötä i̧jȩcuä̧cha̧'a̧. ⁶ Tu̧ru̧hua̧ ti̧ä̧nä̧hua̧ro̧ usi jitä cuo̧cui̧'a̧nö̧ jä̧'i̧tä̧; huopirö jitä tö'cönä̧nö̧ ö̧jä̧'i̧tä̧. ⁷ Suronä̧ jȩpu̧ cu̧ji̧nä̧mä̧ cu̧mä̧nä̧ jaropi'i, jahuata'a̧nö̧ ja̧'u̧ ubo suronä̧ a̧mu̧cu̧ädö jȩ'ä̧cuä̧huä̧ ttö̧ja̧sa̧mä̧. Cu̧ru̧hua̧rö̧ cua̧'cua̧ cu̧huȩna̧ra̧ pä'ö amu̧cuädö päro'u amu̧cuädi, Jahuata'a̧nö̧ ja̧'u̧mä̧ re, topu ja̧'u̧ru̧mä̧, jahuata'a̧nö̧ ujutu tti̧'ä̧nä̧huä̧ DIOS, riänä surona̧ jȩ'cui̧nö̧ u̧ni̧chi̧'ä̧cuä̧hui̧yä̧'cua̧jä̧to. ⁸ A̧'a̧ ttö chamö̧ cuädömä̧, ucu cuamu̧cuädö̧mä̧ ttö chamucuädö'a̧nö̧ jö̧'kö̧ ja̧'a̧, yorö'iso ucu cu̧mä̧na̧mä̧ ttö chu̧mä̧nä̧mä̧ kö̧'ja̧'a̧-- pi̧yȩ ji̧na̧'a̧ TU̧RU̧HUA̧ jiähuinö̧mä̧ ⁹ Pi̧ja̧ rȩjȩmä̧ mo̧ro̧jä̧'a̧nö̧mä̧ ju̧'ttoju'jö̧'a̧nö̧ jo̧ca̧'a̧ ju̧'ttoju ja̧'a̧, ja̧hua̧'anötä ja̧'a̧ ttö chumä̧nä̧mä̧ ju'ttoju jönä ucu cu̧mä̧nä̧ jö̧'a̧nö̧mä̧'cö̧, jahuata'a̧nö̧ ttö chamu̧cu̧ädö'mä̧ yabocutä ri̧'a̧'a̧ ucu cuamu̧cuädömä̧cö̧ päi'nö̧ DI̧O̧SMä̧. ¹⁰ Ajiyamä ichaa ja̧'hua̧ta̧'a̧nö̧ diyä̧hua̧ppȩ'i̧nä̧ moro̧jä̧ra̧'a̧ttö̧tä̧ ja̧'hua̧nö̧ ja̧'a̧nä̧ ppa̧huä̧cho̧ ca̧a̧ ju'tojucumä rȩjȩ jo̧mȩnö̧ riripu ȩ'u̧ oba'inä jacuäjuä o̧bi̧'i̧nä̧ baunä päi'omebu ku̧nähuä̧'i̧sä̧ u̧ju̧näji̧mä̧ juo̧u̧ttö̧tä̧ ttucuäcua'anö, ¹¹ ja̧'hua̧nö̧tä̧ ja̧cua̧a̧ ttö chihuȩnȩ'inä chättö räopumä: juiömä ppa̧huä̧chi̧yä̧cua̧a̧, ja̧'hua̧nö̧ ja̧'a̧ttö̧ ttö chöjö'cömä pätecuächäcuaa ja̧'hua̧ta̧'a̧nö̧ ttö huedininäcu̧mä̧ jo̧mȩnö̧tä̧ isonö u̧ju̧nä̧rä̧cua̧. ¹² Ja̧'hua̧nö̧ ja̧'a̧ttö̧ räcu'opäcuotö̧ja̧ cua̧'cua̧ adihuaatä huȩnȩ juiyönätä̧ oicu'otö cui̧jä̧cuo̧tö̧jä̧; muä̧'qui̧yu'inä muä̧tȩ jö̧ o'ca'inä topu eseu ra̧'ttä̧cuo̧tö̧ ucutu cuä'ca jo̧mettö̧ ja̧'hua̧ta̧'a̧nö̧ dea ka̧cu̧ dahuiyä'inä ttu̧mu̧pi̧yä̧nä̧ eseu 'pȩttä̧cuo̧tö̧. ¹³ So̧'ö̧ bahuájimä pino dahuiyätä bahuäcuaa; ja̧'hua̧ta̧'a̧nö̧ so̧'ö̧ bahuajimä mirto dautä bahuäcuaa, ''pa̧'a̧nö̧ ja̧cua̧'a̧ TÖ̧Ä̧NÄHUA̧ i̧mi̧nä̧, i̧jȩcuä̧ päi'önämä i'co'i̧sä̧ ujuru öadihuättömä̧ 'cui'opu icuähuiyä̧cuȩi̧.''