¹ Ja̧'hua̧'a̧nö̧ ja̧'a̧nä̧ ji̧tä̧mä̧ pi̧yȩ pä'ö TTÖ̧Ä̧NÄ̧HUA̧MÄ̧, chu̧mä̧ ucuru uhuäbe'inömä, Jacob, ja̧'hua̧ta̧'a̧nö̧ Ja̧u̧mä̧ di̧jä̧ ucuru aditinö̧mä̧, Israel; '' Yoriso yecuecuä, ja̧'hua̧nö̧ ja̧'a̧ttö̧ mi̧ttä̧hui̧nö̧sä̧; huo̧chä̧jä̧cu̧jä̧ cui̧mi̧nä̧, i̧jtä̧mä̧ ttö̧cu̧ttä̧ to̧dȩpa̧jä̧. ² Ja̧u̧nö̧ ucu ajiyanä̧ 'cuä̧co̧pomȩnä̧, ucutäcu chöjäcuasä; ja̧'hua̧ta̧nö̧ ajenä̧'i̧nä̧, juä̧ttö̧mä̧ ubara ttuttepo'cöcujä. Ja̧'hua̧ta̧'a̧nö̧ ocurä'inättö'inä co'ocöjä. ³ Ja̧'hua̧nö̧ ja̧'a̧ TTÖTTÄSÄ ucu CUIÄNÄHUA DIOS-MÄ, Israelttö surojönä jui'amä, ucuru ppä'ädumä. TTÖMÄ iyäjisä Egiptorö ucunämä, Etiopia ja̧'hua̧ta̧nö̧ Seba ucuru'i̧nä̧ päroumä. ⁴ jahuanö̧ i̧nä̧ ri̧ä̧nä̧ mi̧cuä̧huä̧ cua'anä̧ ä̧'cua̧cua̧jä̧ jahuata'a̧nö̧ ttö chi'ärenä̧ tochomȩnä̧ chu'a̧cua̧jä̧, ttö re'tochäcujä; jua'a yabocumä̧, ucuru päro'umä̧ chi̧yä̧cua̧sä̧to ttö̧ja̧rö̧, jahuta'a̧nö̧ cua̧'cua̧rö̧nä̧mä̧ koro ötahuiyä ttö̧ja̧rö̧ chi'ärohuä̧cua̧sä̧. ⁵ yecuecuättö, a̧'a̧ ucutäcu chö̧jä̧cua̧sä̧; ttö chi'cächäcua̧sä̧to cuahuaruhuä kottörö kä̧hua̧ rä'opomȩ päte'öttö röttädipu, jahuta'a̧nö̧ chö̧ca̧ca̧tä̧cua̧sä̧ ka̧hua̧ ieruhua'acuttö rötädipu. ⁶ Ttömä̧ ka̧hua̧ u̧huo̧jua̧'a̧cu̧ttö̧ rötädipu jidähuäcuasä: ppa̧'a̧dä̧tu̧cui̧tö̧ pä'ö; jahuata'a̧nö̧ ka̧hua̧ mo̧'po̧'ä̧cha̧'a̧cu̧tu̧mä̧: ' ya̧tȩrö̧'i̧nä̧ 'chu̧'ä̧dö cujunätucuo̧.' i'cächijo chi̧tti̧mu̧rö̧ oto'ottö ca̧ca̧tö̧ rötädipu, jahuata'a̧nö̧ chi̧tti̧mu̧ nä̧ttö̧rö̧mä̧ pi̧jä̧ rȩjȩ be'ipomȩttö̧ rötädö ca̧ca̧tö̧, ⁷ jittö o'cato'iönä ttö chi̧mi̧nä̧ huochä'u̧ru̧mä̧, jitö ttö chuhuäbe'inä̧u̧mä̧ ttö chö'adihuä jȩttä̧ pä'ö jä'ä, ttö uhube'ö chu̧ju̧ni̧nä̧'u̧mä̧, a̧'a̧ dirö jä̧ttö̧ uhuäbe'ö jȩpu̧ chu̧ju̧ni̧na̧mä̧. ⁸ Pocu i'chächi ä̧to̧cä̧tö̧rö̧, tti'äriyä ttu̧ju̧nä̧ra̧'a̧nä̧, ja̧'hua̧ta̧'a̧nö̧ ä̧ju̧cuo̧co̧tö̧rö̧'i̧nä̧, ttä̧ja̧hui̧yä̧ ttu̧ju̧nä̧ra̧'a̧nä̧. ⁹ O'cajuiyönä tti̧rȩji̧yä̧ pö̧nä̧ ko̧cuä̧tö̧ ji̧nä̧ pä'i'ätö, ja̧'hua̧ta̧'a̧nö̧ ttö̧ta̧hui̧yä̧ pö̧nä̧ ko̧cuä̧tö̧'i̧nä̧ ji̧nä̧ yo̧mȩtȩ pä'i'ätö. ¿Di jä̧ttö̧ ja'huätöttö pi̧yȩ huȩnȩ ji'ähuäjimä ja̧'hua̧ta̧'a̧nö̧ ujutu jȩtä̧cuä̧ ä'canä ji'ähuäjimä? Ja̧'a̧tä̧ topätucuitö topätörö tti'chächa'anä iso päi'önä juiö jittähua pä'ö, ja̧'a̧tö̧ totötucuitö tottäji jitähua'anä: 'Iso päi'önä ja̧'a̧.' ¹⁰ Ucutu ja̧'a̧ jȩ'chö̧ topinätömä, "pä'ö TÖ̧Ä̧NÄ̧HUA̧MÄ̧:" Ttörö ucuo tecuähuätucua pä'ö pojopö chȩmi̧nä̧u̧mä̧, ja̧hua̧nö ja̧'a̧ topö ttörö cuesetätucua pä'ö, cu̧huo̧juä̧chi̧'ä̧tu̧cuä̧cua̧'a̧nä̧ iso päi'önä TTÖTÄ ja̧'a̧. TTÖ chä'ca jo̧mȩttö̧mä̧ ya̧tȩ'i̧nä̧ toa'a dios'anö hua̧mä̧. ¹¹ Ttö, TTÖTÄ ja̧'a̧ TÖ̧Ä̧NÄ̧HUA̧MÄ̧, ka̧ra̧ surojöttö ttö̧ji̧mö̧nä̧ ppä'ädömä ttoa'a TTÖ'ANÖ. ¹² Ttömä huopönö ji'ähuinö̧sä̧: cu̧ji̧pä̧tu̧cu̧nä̧ ppä̧dä̧di̧nä̧u̧jä̧, ja̧'hua̧nö̧ jo̧mȩttö̧ ka̧ra̧ Diosmä toa'a. Ucutumä täcö topätöjä, pä'öto TÖ̧Ä̧NÄ̧HUA̧MÄ̧: Ttömä cu̧ru̧hua̧ Diosä. ¹³ Pi̧yȩ mo̧ro̧ttö̧ yabocumä 'cuäopönä̧tä̧ kö̧sä̧, ja̧'hua̧nö̧ ja̧'a̧ttö̧ ya̧tȩ'i̧nä̧ toa'a chu̧mö̧ttö̧ rä'epö icu'anö hua̧mä̧. Ttö jȩchö̧mä̧ ¿Ditä jȩpö̧ icu'anö ja̧'a̧ttö̧? ¹⁴ Pi̧yȩ ja̧'a̧ TÖ̧Ä̧NÄ̧HUA̧ päömä, ucuru ppädäcuähuä i̧sa̧, Israel ttö̧ja̧ ttu̧ru̧hua̧ surojö jui̧'a̧mä̧: ucutä jähuänä Babiloniara̧'a̧ huedäcujä ja̧'hua̧ta̧nö̧ jahuätörömä dö'ecuächätörö 'cua̧rö̧nä̧ odipä̧u̧, Babilonia ttö̧ja̧tä̧ jä̧cua̧'a̧ pärocua'acu ttesehuäcuotö rä̧'ö̧tä̧ ttajahua'anä̧. ¹⁵ Ttötäsä TTÖ̧Ä̧NÄ̧HUA̧MÄ̧ cu̧hua̧tu̧cu̧ surojö jui̧'a̧mä̧, Israel ttö̧ja̧rö̧'i̧nä̧ cu̧ru̧hua̧ru̧cu̧ ru̧hua̧rö̧'inä uhuäbe'inö̧rö̧." ¹⁶ Pi̧yȩ ji̧na̧'a̧ ja̧'u̧ tu̧ru̧hua̧ ti̧ä̧nä̧hua̧ päinö̧mä̧( di, ji̧nä̧ttö̧ deähuoto dubora kä'conä̧ mä̧nä̧ pä'iönä̧ ba'epinö̧mä̧ juoya ajiya juruhuoyatömä, ¹⁷ di, ji̧nä̧ttö̧ caruquiyä'i̧nä̧, ca̧hua̧yu̧tu̧'i̧nä̧ räepu icuinö̧mä̧, curä rohu'u juruhuätörö'inä, isoppa huottörö'i̧nä̧ rä'epu icuinö̧mä̧. Juätö o'cato'iönä̧ ji̧nä̧jiyutena̧ mo̧'o̧po̧'ä̧chi̧nä̧tö̧; täcö yorö'iso ppa̧'a̧chö̧mä̧ ppa̧'a̧cho̧tö̧ tta̧ra̧'mi̧yä̧cuo̧tö̧; täcö be'ipächinä̧tö̧, tejähuore cuo'ö o'ca'a na̧hui̧'ä̧i̧na̧'a̧nö̧tä̧.) ¹⁸ pi̧yȩ täbocö 'cuä'opinö̧mä̧ cuamu̧cuädä, täbocö pänä̧ ko̧ro̧juȩi̧ 'cuä'opinö̧ i̧nä̧ . ¹⁹ topi'i, täcö jitätä jareönä̧ jȩcha̧pä'ö kösä; jitä rötädipäcua'ato 'cuä'opapäömä̧;¿ to'cuätucuoca'adi̧? dea jui̧yä̧ra̧'a̧mä̧ mä̧nä̧ ji̧mä̧tȩ baepu rö̧nö̧ jȩcha̧cua̧sä̧to jahuta'a̧nö̧ dea teyococojä̧nä̧ a̧jȩmä̧ pu̧nä̧ mä̧'ö̧ rä̧cua̧'a̧. ²⁰ Dea isotö ye'ecuättö-mä meje'canä ca̧cuä̧tö̧'i̧nä̧ ttȩsȩhuä̧cua̧sä̧, cä̧cä̧'u̧, ejotö̧ ja̧'hua̧ta̧'a̧nö̧ avestruces'inä, juhua'amä TTÖ̧ iyu̧sä a̧ji̧ya̧-i̧nä̧ rȩjȩ su̧rojäjänä, ja̧hua̧ta̧'a̧nö̧ aje'inä huerachunä jepumä meje'canä'i̧nä̧, cha̧hua̧ru̧huä̧ cho̧'o̧ji̧nä̧-u̧ tta̧hua̧ pä'ö. ²¹ Pittö ttöja̧-mä̧ TTÖTTÄ chu̧huä̧bȩ'i̧nä̧u̧ TTÖTTÄ chu̧mu̧huä̧yo̧ttö tta pä̧'ö̧, ju̧hua̧'a̧mä̧ adiu ttucu'ocua TTÖRÖ esecuähuä. ²² Ja̧hua̧'a̧nö̧ ja̧'a̧nä̧ ucumä TTÖ-RÖ huöpocö pä'ö, Jacob; TTÖ-cumä ttäcö ucumä 'cuä'ächiäjijä, Israel. ²³ I'cächocö päjijä ya̧tȩ cuä̧ji̧ ohuejarö-i̧nä̧ cui̧ä̧rȩ ku̧i̧cu̧ i̧yä̧huä̧, TTÖ̧RÖ̧MÄ̧ ȩsȩhuä̧ji̧jä̧ ucu-mä kuicu iyähuänä. TTÖ-MÄ ucuru hueo'cö pä̧ji̧sa̧ kuicu iyähuä o̧du̧mä̧, ja̧'hua̧'a̧nö̧ ja̧'a̧nä̧ 'cuä̧'ä̧chi̧'ö̧cö̧ pä̧ji̧jä̧ i̧yä̧'chu̧ a̧mȩ'u̧ isoya. ²⁴ Na̧ja̧ a̧dö̧ttö̧ mi̧tömä cuȩmi̧yo̧co̧cu̧ pinösä, a̧dȩu̧ juäittö ku icu'i̧nä̧ cuiäre iyähuä cuiyococusä, ja̧'hua̧nö̧ ja̧'a̧nä̧ suronä jȩ'cu̧tä̧ rö̧ä̧cha̧'a̧, ja̧'hua̧nö̧ ja̧'a̧ttö̧ ucu surojö jȩ'cu̧ttö̧mä̧ cha̧'cua̧ chȩmö̧ juiyönä jȩ'cuä̧cu̧sä̧. ²⁵ Ttömä ya̧tȩtä̧ hua̧sa̧, suronä jȩ'cu̧'i̧nä̧ Ttötä jähuänä si'epö icusä; ja̧'hua̧nö̧ jo̧mȩnä̧ ja̧u̧ surojömä täcö a̧mö̧cuä̧ro̧cö̧ chä̧cua̧sä̧. ²⁶ Cha̧mö̧cuädi'önä jȩpi̧ttö̧ 'cuäopinö. Yo̧mȩtȩnä̧ ti̧'cha̧ ka̧cuä̧mö̧ tottatö; jȩ'cui̧nö̧ cui̧jȩpa̧ja̧, surojö jui̧'a̧ jö̧nä̧ räcuo'a ja pä'ö. ²⁷ Ucu ä̧cuo̧mȩnä̧ cuäomä̧ suronä̧ jȩpi̧nö̧, jahuata'anö ucututtö ä'canä̧ o'icuä ttö̧ja̧ ttörö suronä̧ jȩpi̧'ȩnä̧tö̧. ²⁸ jua'a ya̧bo̧cu̧mä, surojöttö 'quȩ'ȩpu̧ ku̧nö̧ adicuä ttö̧ja̧rö̧ suronä̧ chu̧co̧cuä̧cua̧sä̧; Jacob'römä̧ be'ipächö yorätehuächi'önä̧ pä'iönä̧ iyöchicua̧cua̧sä̧to, Israel'römä abora'a̧ pä'iönä dä'ä ttudepäcuotö.