¹ Ji̧yȩnö̧ mo̧ro̧ Ezequías na̧'a̧chi̧nö̧ 'corupäi'ö'anä jönä. Ja'huanö jiyäcu Amos i̧tti̧ Isaias, profeta hua̧, ja̧u̧ru̧ ichö pä'inö: "TÖ̧Ä̧NÄ̧HUA̧ pa̧'a̧nö̧ pä'ö, jo̧mȩnö̧ jȩpö̧ ku̧ni̧ cuijusode, täcö 'cortu juo̧cuä̧chä̧cua̧jä̧, jua'a yabocumä ko̧cö̧ cuä̧cua̧jä̧." ² Ja̧'hua̧nö̧ ä̧ju̧cu̧ Ezequías räbäcu kärächi'ö Ö̧Ä̧NÄ̧HUA̧CU̧ ocuocuinö. Ja̧u̧ pä'inö: ³ CHÖ̧Ä̧NÄ̧HUA̧, ppä'ädittö, chamucuädönä jȩpi̧ttö̧ ucuru chamiso'qui jacuänä repe'önö chi̧'chä̧'i̧jö̧, ja̧'hua̧ta̧'a̧nö̧ ucu tocu'omenä adiunä jȩchä̧'i̧jö̧." Ja̧'hua̧nö̧ ja̧'a̧ Ezequías pä̧i̧cu̧nä̧ huopö ajuäjuinö. ⁴ Ja̧'hua̧nö̧ jo̧mȩnä̧ TÖ̧Ä̧NÄ̧HUA̧ i̧huȩnȩ rä̧bȩhui̧na̧'a̧ Isaíasrö, pa̧'a̧nö̧ pä'ö: ⁵ Ji'ähuäji Ezequíasrö, ttö chunuhuäyotö ttu̧ru̧hua̧rö̧: TÖ̧Ä̧NÄ̧HUA̧ pa̧'a̧nö̧ pä'ö, cuä̧do̧mi̧nä̧ David-inä Ö̧Ä̧NÄ̧HUA̧ ponömä, pa̧'a̧nö̧ pä'ö: TTömä ucu jäcuepö ä̧ju̧cu̧sä̧, ja̧'hua̧ta̧'a̧nö̧ cui̧'chȩrȩjä'inä topösä. Topi, yabonänö 15nö a̧'ȩ cua̧'cua̧rö̧ rö̧dä̧di̧pä̧cu̧jä̧. ⁶ Ja̧'hua̧nö̧ ja̧'a̧ttö̧ ttötä ppä̧dä̧dä̧cua̧jä̧ ja̧'hua̧ta̧'a̧nö̧ pi̧yȩ ötahuiyä'inä Asiria ru̧hua̧ u̧mu̧ttö̧, TTötä tto̧dȩpä̧rä̧cuä̧ pi̧yȩ ötahuiyämä ⁷ TÖ̧Ä̧NÄ̧HUA̧TTÖ̧ i̧jȩcuä̧ pä'iönämä pa̧'a̧nö̧ jä̧cua̧jä̧, jȩchä̧cua̧sä̧ pä'inömä jȩä̧cua̧. ⁸ Topi, TTÖTÄ jȩchä̧cua̧sä̧ 'chähuächäcuähuä öcä Acaz aditinö oca to̧mu̧rȩnö̧ jo̧mȩ o'ca'acu ppa̧huä̧chi̧'ö̧nä̧." Ja̧'hua̧nö̧ jo̧mȩnä̧ma̧ 'chähuächäcuähuä öcä tto̧ȩpä̧ro̧mȩ'i̧nä̧ ppa̧huä̧chi̧'ä̧cua̧'a̧ o'ca'acumä to̧mu̧rȩnö̧ jo̧mȩ aditäjomettömä ⁹ Pa̧'a̧nö̧ ucuocu huȩyu̧ti̧nö̧ Judá ru̧hua̧ Ezequías, na̧'a̧chö̧ rä̧nö̧mä̧ ja̧u̧nu̧ o'ca'a na̧huä̧chä̧ji̧ pi̧'i̧pi̧nö̧: ¹⁰ "Tömä pä'inösä̧ cha̧'cua̧rö̧ kä̧'co̧pa̧ 'chi̧'chä̧cua̧sä̧ Hua'are reju apate 'cuä'o'ö; ttömä jua'atä huȩ'ä̧hua̧sä̧ cha̧'cua̧ro̧mȩ jubumä. ¹¹ Ttömä pä'inäsä̧ CHÖ̧Ä̧NÄ̧HUA̧RÖ̧MÄ̧ topocö chä̧cua̧sä̧, pi̧jä̧nä̧ ko̧cuä̧tö̧ TÖ̧Ä̧NÄ̧HUA̧RÖ̧MÄ̧; täcö 'corujuo'ächocä kä̧cua̧sä̧ ttö̧ja̧ tti̧mi̧nä̧mä̧ ja̧'hua̧ta̧'a̧nö̧ pi̧jä̧ ttö̧ja̧ tti̧mi̧nä̧'i̧nä̧. ¹² Jurunä jȩpi̧cu̧ ȩmi̧pä̧cu̧sä̧ ttö chä'cuarömä, ovejatö̧rö̧ tta̧hua̧rä̧cuä̧huä̧ i̧sä̧ ojusode i̧sä̧ta̧ jurunä ejädoö to̧rä̧dö̧'ö̧ ȩmi̧pa̧a̧ ja̧i̧nö̧'a̧nö̧; pu̧jä̧ta̧ ti̧ä̧huä̧'i̧sä̧ pu̧jä̧ta̧ i̧to̧rä̧ya̧'a̧nö̧ ttö cha̧'cua̧rö̧mä̧ to̧ro̧ cuicuinäcu̧sä̧; ucumä 'cui'ö cuicuäcusä pu̧jä̧tä̧ 'cuittaa jä̧i̧nö̧'a̧nö̧; moro̧'i̧nä̧ yodo'inä 'cui'ö cäcuhuädäcusä. ¹³ ttömä Moro̧ jomebu suräusä; chihue'quiyu o'cajuinönä barahuaa, mu yähui 'te'chicuaa ja̧i̧nö̧'a̧nö̧. Moro̧'i̧nä̧ yodo'inä ja̧'hua̧nö̧ jȩpu̧ cäcuhuädäcusä ttö cha̧'cua̧rö̧. ¹⁴ 'Cärä̧ri̧'cha̧'inä unucu'inä huottä'ianö; cha̧'cua̧ chȩmi̧yö̧nä̧ jä̧cu̧sä̧ chumäriche'ittö, ttö ju'tojucutä to̧pä̧rö̧ kö̧sä̧ ppäcuädattö pe'ötä, TÖ̧Ä̧NÄHUA̧. ¹⁵ ¿Päda pe'ömä jo̧ca̧a̧? Ucutä ttörö päcuinömä ja̧'hua̧nö̧ ja̧'a̧ttö̧ jȩ'cui̧näcu̧sä̧; a̧'cua̧pu̧nä̧tä̧ cuȩdä̧chä̧cua̧sä̧ ttömä o'cajuiyönä a̧'ȩ cha̧'cu̧ro̧mȩbu rö̧ȩnä̧ cha̧'cua̧ tta̧dȩcua̧'a̧ttö̧. ¹⁶ TTÖ̧Ä̧NÄ̧HUA̧,usurä chȩmä̧hua̧ pä'ö ucu ttö̧rö̧ huȩcu̧mä̧ adicua'a; ppa̧cua̧dä̧cu̧sä̧ chö̧jö̧ ttö̧ru̧mä̧; Ucumä ttö̧ chä̧'cua̧rö̧ pä̧ro̧tä̧ji̧jä̧ ja̧'hua̧ta̧'a̧nö̧ ese'u chöjö. ¹⁷ Ja̧u̧ ja̧'a̧ ttö adiu ka̧cuä̧mu̧ chö̧jä̧mä̧dä̧ji̧mä̧ ubara. Ucumä ttörö ȩmä̧ji̧jä̧ reju jacuä'ätö siäpu icuähuäjutö; ja̧'hua̧'a̧nö̧ ja̧'a̧ U̧cu̧mä̧ o'ca juiyönä suronä jȩchi̧nö̧ kä'ö icuäjijä cuabo ja̧'a̧ttä̧. ¹⁸ Ja̧'hua̧'a̧nö̧ ja̧'a̧ 'co̧rö̧ ju̧'o̧'ä̧chu̧mä̧ ȩsȩhuo̧cö̧; hua'aremä esehuoca'a ucurumä; juhuättömä rejunä 'tturu tticuä'u̧mä̧ ta̧cua̧ huȩnä̧rä̧cuä̧huä̧mä̧ jui̧'ä̧ttö. ¹⁹ Ttö̧ja̧ ca̧cu̧'ä̧tö̧mä̧, kö̧mä̧, ja̧u̧tä̧ ja̧'a̧ eseumä, ja̧'hua̧'a̧nö̧ ttö jȩchu̧'a̧nö̧ ji̧tä̧ mo̧ro̧; ttä̧'o̧mä̧ jȩpu̧ i̧tti̧mu̧ tu̧huo̧ju̧hua̧ pä'ö ucu jue'önä jȩ'cu̧. ²⁰ "TÖ̧Ä̧NÄ̧HUA̧MÄ̧ ra̧huä̧pi̧jö̧ttö̧ rä'epö icuometä päi'äcusä, ja̧'hua̧ta̧nö̧ ujutumä 'cuäopönä̧ mo̧ro̧tä̧ TÖ̧Ä̧NÄ̧HUA̧ ojusodettö ji̧nä̧ pi̧jä̧nä̧ tö̧jä̧i̧mä̧ pä'cäritö jȩtä̧cuo̧tö̧jä̧." ²¹ Ja̧'hua̧nö̧ ja̧'a̧ Isaíasmä pä'inö: "Trigo isähua a̧'u̧cu̧nä̧ ȩmi̧ ja̧'hua̧nö̧ ȩmö̧ öttahuiyänä ȩ'i̧, ja̧'hua̧nö̧ cuȩ'o̧mȩnä̧ hua̧huä̧chi̧pä̧cua̧." ²² Ezequíasmä pä'ö: "¿Tocu i̧jȩcuä̧cha̧'a̧ tochäcua'attö TÖ̧Ä̧NÄ̧HUA̧ o̧jo̧decu 'chadächa pä'ömä?"