¹ Ko̧ro̧mu̧tö̧nö̧ pa̧ja̧cuä̧nö̧ duo jo̧mȩnä̧ ru̧hua̧ Ezequias huȩi̧nö̧ pä̧nä̧, Senaquerib, Asiria ru̧hua̧, senaquerib, Asiria ru̧hua̧mä̧, ro̧huä̧hui̧nö̧ o'ca juiyönä bäre'u ötahuiyä Judasttö 'quiecuä ja̧'hua̧ta̧'a̧nö̧ u̧mu̧huä̧yo̧tö̧ su̧ro̧da̧u̧cu̧ 'chä̧nö̧ ro̧huä̧hui̧nö̧. ² Ja̧'hua̧'a̧nö̧ ja̧'a̧ttö̧ Asiria ru̧hua̧-mä̧ huȩ'i̧nö̧ su̧ro̧da̧'u̧ ttu̧ru̧hua̧ru̧ Laquis-ttö kä̧mä̧du̧ Jerusalenbu ru̧hua̧ Ezequias-rö suroda̧'u̧ recuätöcu. Ja̧u̧mä̧ ttö̧'cö̧pä̧chi̧nö̧ ajiya suhuädomȩ huä̧mȩnä̧, mä̧nä̧ tti̧ä̧ba̧ri̧yä̧cu̧ 'chä̧mä̧nä̧ ttö̧'cä̧huo̧mȩ, ja̧'hua̧ta̧'a̧nö̧ juȩnȩtä̧ kä̧mä̧di̧nö̧. ³ Su̧ro̧da̧u̧ ttu̧ru̧huo̧tö̧ Israel-ttö räopinätömä ötahuiyättö juä̧tu̧cu̧ ttu̧cuo̧'cua pä'ö ji̧na̧'a̧ Eliaquim Hilcias i̧tti̧, ru̧hua̧ o̧ju̧so̧dȩnä̧ huȩi̧nö̧,huȩyu̧cuä̧ i̧sa̧ ru̧hua̧ u̧mu̧hua̧ya̧, ja̧'hua̧ta̧nö̧ Joa, Asaf, i̧tti̧, ja̧u̧mä̧ huȩyu̧ti̧nö̧ ru̧hua̧ ö̧ta̧hui̧yä̧nä̧ hue'ö pä'ö huene. ⁴ Su̧ro̧da̧u̧ ttu̧ru̧hua̧-mä̧ pä̧i̧nö̧ juä̧tö̧rö̧; ji̧ä̧huä̧tu̧cui̧ Ezequias-rö ru̧hua̧ buomä, Asiria ru̧hua̧-mä̧, pä'ö: ¿TTi̧yȩjä̧tö̧ ucu cua̧'cua̧ cuä̧nä̧ru̧mä̧? ⁵ Ucumä cuihuänä yorö'iso micuähuocötä ucuocujä, pä̧'ä̧'chö̧ huȩnȩ ro̧ȩcuä̧mä̧ ka̧'a̧ ja̧'hua̧ta̧'a̧nö̧ tu̧ju̧ru̧ ttu̧ro̧huä̧cua pä'ö. Jitämä, ¿dirö cua̧'cua̧ cuhuänärä? ¿Di iyäcu cujurumä ttö̧rö̧ cu'aroda pä'ömä? ⁶ Topihuä, ucumä̧ cua̧'cua̧ huȩnä̧ro̧jä̧ Egipto'ra̧'a̧tä̧, juä̧na̧ na̧ja̧na̧ ttȩ'ä̧dä̧cuä̧huä̧na̧mä̧ ucu cuitta'cuä'camä̧ i̧tta̧cuä̧rö̧ 'chö̧jä̧, jahua̧'a̧nö̧ ja̧'a̧nä̧ ya̧tȩ ubo juo̧'quȩnä̧ i̧tta̧cuä̧rö̧mä̧, u̧mu̧nä̧ bä̧i̧'ä̧cua̧ jahuata'a̧nö̧ ppura päi'önä̧ ' ttä̧huä̧cua̧jä̧to. ja̧'u̧ EGIPTO ru̧hua̧ farao̧mä̧ churutä ttä̧'cua̧ huȩnä̧rä̧tö̧rö̧mä̧ jahuaa̧nö̧tä̧ jȩpu̧. ⁷ jahua'a̧nö̧ ja̧'a̧nä̧ ttörö jicuähuätucuttumä̧, '' ujutumä̧ ta̧'cua̧ huȩnä̧rä̧tö̧jä̧ ttu̧ru̧hua̧ tti̧'ä̧nä̧hua̧ DIOSRö,''¿Ja̧u̧mä̧cö̧ ji̧na̧'a̧ juȩnȩ juttoju ji̧nö̧mȩttö̧ 'cho'ipinö̧mä̧ jahuata'anö Ezequias ttiäre ku'icu iyähuä o'ca 'cho'ipi̧ni̧yä̧'u̧mä̧, jahuata'a̧nö̧ pä'inö̧ Judas'i̧nä̧ JERUSALEN'RA̧'A̧TTO̧Mä̧, '' Jerusalenttötä̧ tta̧'cua̧ ttu̧'ȩnä̧ra̧'a̧nö̧ ja̧'a̧di̧? ⁸ jitä, yabocumä̧, ttömä̧ kö̧'ca̧sä̧ adiunä̧ jȩpu̧ chu̧ru̧hua̧ ru̧hua̧ Asiria ru̧hua̧ i̧mi̧nä̧. Ttö̧mä̧ chi̧yä̧cua̧sä̧to 2000nö̧ ca̧hua̧yu̧tu̧ru̧, ucu juätö ca̧hua̧yu̧tu̧ru̧ huä̧nö̧ juȩ'ȩpä̧rö̧ huo̧juä̧tö̧rö̧ cu̧'o̧cui̧'ö̧ttö̧mä̧. ⁹ ¿Tta̧'a̧nö̧ pä'ö juiyo cuami'quicuächi'ättö su̧ro̧do̧u̧ a̧'u̧cuo̧tö̧tä̧ huotö CHÖ̧Ä̧NÄ̧HUA̧ u̧mu̧huäyotörömä? ¡Egipto su̧ro̧do̧u̧ru̧tä̧ cua̧'u̧ huä̧nä̧rä̧ji̧jä̧ carukiyä cu̧ju̧nä̧ra̧ pä'ö ja̧'hua̧ta̧'a̧nö̧ ca̧hua̧yu̧tu̧ ttö̧ja̧ ttu̧huä̧u̧ru̧! ¹⁰ ja̧'hua̧nö̧ ja̧'a̧ttö̧ jitämä, ¿Jitämä ichösä porö CHÖ̧Ä̧NÄ̧HUA̧ to'ötä chörouähua pä'ö pi̧jä̧cu̧ ja̧'hua̧nö̧ ro̧huä̧u̧ si'epö chicua pä'ö? CHÖ̧Ä̧NÄ̧HUA̧ päinäcu̧sä̧: "ja̧huä̧jä̧nä̧ ko̧cuä̧tö̧rä̧ rohuäu si'epä icui." ¹¹ Ja̧'hua̧nö̧ jo̧mȩnä̧ Hilcías i̧tti̧ Eliaquim'inä, Sebna'inä Joa'inä ji'ähuinätö su̧ro̧do̧u̧ ttu̧ru̧hua̧rö̧, "Ppä'ädipittö, cu̧muhuäyotörö ucuocui aram ttö̧ja̧ tti̧huȩnȩnä̧, ja'huätö tti̧huȩnȩmä̧ ä̧ju̧cuä̧tö̧jä̧ ujutumä, Judá ttö̧ja̧ tti̧huȩnȩnä̧mä̧ ujuturumä cucuocuä ttoecuäbänä ko̧cuä̧tö̧ ttä̧ju̧cua̧'a̧cu̧" ¹² Ja̧'hua̧nö̧ ja̧'a̧nä̧ su̧ro̧do̧u̧ ttu̧ru̧hua̧mä̧ pä'äji, "¿Hueäcusä chu̧ru̧hua̧ ucu cu̧ru̧hua̧rö̧ ucuru'inä pa̧'a̧nö̧ chucuocua pä'ö? ¿Ttörömä hue'ocö pinö tto̧ȩcuärä'canä ko̧cuä̧tö̧rö̧mä̧, tta̧mo̧nä̧ ttitetä ttucuäcuotörömä ja̧'hui̧a̧ta̧'a̧nö̧ tta̧mo̧nä̧ ttacuetä ttahuäcuotörömä?" ¹³ Ja̧'hua̧nö̧ ja̧'a̧ su̧ro̧da̧u̧ ttu̧ru̧hua̧mä̧ ä̧ra̧mi̧'ö̧ pä̧i̧cu̧nä̧ huopinö judios ttö̧ja̧ tti̧huȩnȩnä̧ pa̧'a̧nö̧ pä'önö: Ä̧ju̧cuä̧tu̧cui̧ Asiriattö ucuo ru̧hua̧ i̧huȩnȩ. ¹⁴ Hueähuä ru̧hua̧mä̧ pa̧'a̧nö̧ pä'ö: Ezequ'ias a̧mö̧nä̧ päömä cuesetätucuä ja̧u̧mä̧ ppädö juiyö'anö hua̧. ¹⁵ Ezequías pa̧'a̧nö̧ päömä̧ cuesetätucuä, TÖ̧Ä̧NÄ̧HUA̧TÄ̧ ja̧'a̧ ppä̧dä̧cua̧mä̧, TÖ̧Ä̧NÄ̧HUA̧RÖ̧TÄ̧ cua̧'cua̧ huȩnä̧rä̧tu̧cui̧; pi̧yȩ ötahuiyämä Asiriattö hueähuä ru̧hua̧ u̧mö̧nä̧mä̧ iyähui'oca'a jä̧cua̧'a̧." ¹⁶ Ezequías i̧huȩnȩmä̧ cuä̧ju̧cuä̧tu̧cuä̧, isopäi'önä̧ pi̧yȩ ja̧'a̧ Asiriattö hueähuä ru̧hua̧ pa̧'a̧nö̧ pä'ö: Ttöcu huȩnȩ juiyönä esecuätucui, ttö chö̧ja̧'a̧cu̧ ichätucui. Ja̧'hua̧nö̧ ja̧'a̧ ucutu yotucu pönä̧mä̧ tta̧mö̧nä̧ ttu̧cuä̧ vinotä̧ ttucuäcuotö ja̧'hua̧ta̧nö̧ tta̧mö̧nä̧ ttu̧cuä̧ higp dauttötä juhua'atäcu tta̧mö̧nä̧ ttirejuttötä ttahuäcuotö ajiyamä̧. ¹⁷ Ucutumä pi̧yȩ jȩ'cuä̧cuo̧tö̧jä̧ chichome jubö päi'önä ja̧'hua̧ta̧nö̧ cua̧mö̧nä̧tu̧cu̧ cui̧rȩjä̧tu̧cu̧ 'cua̧rö̧nä̧ ttȩpä̧cuo̧tö̧jä̧, rȩjȩ u̧huä̧ju̧ odö'i̧nä̧, vino jareö'i̧nä̧, pan'i̧nä̧ ja̧'hua̧ta̧nö̧ uva'i̧nä̧ kä̧jä̧nä̧. ¹⁸ Ezequias yapare ucuocu jiähua'anä pa̧'a̧nö̧ pä'äji pä'ö, ' ja̧'u̧ tu̧ru̧hua̧mä̧ ppa̧dä̧cu̧ato pä'ö jiä'u.'¿ Ya̧cu̧nä̧ ötauiyä ttöja̧ ttu̧mä̧ri̧mu̧ juätömä̧ Asiria ru̧hua̧ u̧mu̧ttö̧ ppadinä̧'u̧ ji̧nä̧'u̧di̧'i̧? ¹⁹ ¿ to'o ttö̧ja̧cuä̧ttö̧ Hamat'i̧nä̧, Arfad'i̧nä̧ tti̧'ä̧nä̧huo̧tö̧mä̧?¿ to'o ttö̧ja̧cua̧'a̧jä̧ttö̧ Serfavaim i̧'ä̧nä̧huö̧tö̧mä̧?¿ Samariamä̧ ttö chujurutö ki̧'a̧ pä'ö ppä'ädinä̧ttö̧di̧? ²⁰ ¿ Pi̧jä̧ rȩjȩnä̧ ka̧cuä̧tö̧ttö̧ o'cato'iönä̧, ya̧tȩ di̧o̧s kö̧'di̧ tti̧rȩjä̧ 'cho'ipu ppäda'anö̧ hua̧ ttö chujuruttömä̧, ja̧'u̧ TU̧RU̧HUA̧ jerusalen 'cho'ipu ppadö'anö̧ hua̧ ttö chujuttumä̧'ä̧? '' ²¹ jahua'anö̧ ja̧'a̧nä̧ ötahuiyä ttö̧ja̧mä̧ u̧cuo̧cuä̧ro̧'co̧tö̧ pi̧nä̧tö̧ ädätö ina̧ ädatocötö pinä̧tö̧ jäȩpä̧ra̧'a̧nä̧, ru̧hua̧ hue'ö u̧ju̧ni̧nä̧u̧ ji̧na̧'a̧, '' ja̧'u̧ru̧mä̧ cuädätätucuo pä'ö. '' ²² jahua'anö̧ jo̧mȩnä̧ Hilcias i̧tti̧, Eliaquim'mä̧, chutä ji̧na̧'a̧ isode ru̧hua̧ pä̧i'önä̧ hua̧mä̧, ja'u̧ Sebna̧'mä̧ huȩyu̧tä̧rö̧ adicuä ttö̧ja̧sa̧ ji̧na̧'a̧ jahuata̧'a̧nö̧ Joamä̧, Asaf i̧tti̧ ji̧na̧'a̧, ja̧'u̧mä̧ mo̧ro̧ ji̧nö̧ a̧'u̧cuä̧ 'cuä̧'o̧pu̧ huȩyu̧tu̧ adicuä ttö̧ja̧sa̧ ji̧na̧'a̧, ichinä̧tö̧ Ezequias ö̧ja̧'a̧cu̧ tti̧ä̧rȩti̧yu̧tä̧ rä̧'chȩ'ȩ jö̧nä̧ huotö ichinä̧tö̧, curä rohuähuätö tturuhuotö jua'a yabo ttu̧rhua̧rö̧ ji'äu.