¹ Jati jitöhue Egipto ttö̧ja̧ ppättädatö pä'ö usätö ja̧'hua̧ta̧nö̧ caballotö̧ ppättädäcuotöjä̧ pä'ö a̧mö̧cuädätö juhua'atäcu caruquiyätä tta̧'cua̧ huȩnä̧rä̧tö̧ (juhua'amä ttirecua'attö) ja̧'hua̧ta̧nö̧ jahuätönä huȩjä̧tö̧rö̧'i̧nä̧ (juätö'i̧nä̧ ttirecua'attö). Ja̧'hua̧nö̧ ja̧'a̧nä̧ jahuätömä Israel ttö̧ja̧ ttu̧ru̧hua̧ Surojö jui̧'a̧rö̧mä̧ tta̧'cua̧ ro'ecuocotö, ja̧'hua̧ta̧nö̧ ¡TÖ̧Ä̧NÄ̧HUA̧RÖ̧'i̧nä̧ usocotö! ² Ja̧'hua̧nö̧ ja̧'a̧nä̧'i̧nä̧ Ja̧u̧mä̧ huo̧juȩcu̧nä̧ a̧mö̧cuädö, ja̧'hua̧nö̧ jo̧mȩttö̧ surojötä i̧'cä̧chä̧cua̧, Ja̧u̧ jȩchä̧cua̧sä̧ päinömä jȩä̧cua̧. Ja̧u̧mä̧ ro̧ȩpä̧cua̧ surojö jȩpä̧tö̧rö̧mä̧ ja̧'hua̧ta̧nö̧ jitö suronä jȩttö̧nä̧ ppä̧'ä̧dä̧rä̧tö̧rö̧'i̧nä̧. ³ Egiptomä ttö̧ja̧sa̧ jö̧nä̧tä̧ hua̧, ja̧u̧mä̧ ttö̧ä̧nä̧hua̧mä̧cö̧, a̧ji̧mö̧ caballotö̧mä̧ ttidepänätä̧ huotö tta̧'cua̧rö̧ i̧sa̧mä̧cö̧. TÖ̧Ä̧NÄ̧HUA̧ ja̧u̧rö̧ u̧mö̧nä̧ mȩo̧mȩnä̧mä̧ ta̧ju̧cuäyotö ppä'ädö'i̧nä̧ ppädäcu'i̧nä̧ ppetötö pä'i'önä mattä̧chä̧cuo̧tö̧, ta̧ju̧cuäyotö tottepächäcuotö. ⁴ TÖ̧Ä̧NÄ̧HUÄ̧MÄ̧ pa̧'a̧nö̧ päinäcusä̧: '' Jochäyu jä'i̧nö̧'a̧nö̧ hua̧ pä'ö mö̧ä̧ya̧ juo'ömä̧, u̧cuȩ idepä yu̧'ä̧ru̧ durupö, jitöte isäsa ovejatö̧ tturuhuotö jahuätörö cuä'äu tticua pä'ö a̧mu̧cuädö ichätö, ja̧'hua̧nö̧ ja̧'a̧nä̧ i̧huȩnȩ rä̧mi̧pa̧'a̧ ä̧ju̧cuä̧tö̧mä̧ ttö̧'ä̧huo̧co̧tö̧, rä̧mi̧pö̧nä̧tä̧'i̧nä̧ ye'ecui'ocotö ttäcuotö; Ja̧'hua̧nö̧tä̧ TÖ̧Ä̧NÄ̧HUA̧ o'cajuiyönä̧ ju̧ru̧hua̧mä̧ i̧mȩyȩhui̧'ä̧cua̧ Sión mö̧ä̧'canä kä̧tu̧cu̧ rȩjȩ po̧ri̧yä̧'ta̧ päi'omettö̧ örohuähua pä'ö. ⁵ PPi̧yu̧ jo'töjunä̧ co̧'ä̧rä̧tö̧ jä̧'i̧nö̧'a̧nö̧, TÖ̧Ä̧NÄ̧HUA̧ o'cajuiyönä̧ ju̧ru̧hua̧mä̧ Jerusalén ttö̧ja̧rö̧; Ja̧u̧ tta̧'a̧rö̧mä̧ ttö̧ji̧pu̧nä̧ ppä̧dä̧cua̧ juätö ttö̧huä̧mȩnä̧ 'cuä'opö kä̧nö̧mä̧ tta̧huä̧rä̧cua̧ Ja̧u̧mä̧. ⁶ Pä'äjita'anö̧ Ja̧u̧cu̧ ppa̧'ä̧chä̧tu̧cui̧, Ucututä Israel ttö̧ja̧ rö̧ä̧nä̧tä̧ oto 'cä̧cui̧pä̧chi̧nä̧tö̧cuä̧cu̧rö̧. ⁷ Ja̧'hua̧nö̧ ja̧'a̧ ji̧yȩnö̧ mo̧ro̧ ucutu ya̧cu̧nä̧mä̧ cu̧ä̧nä̧hua̧tu̧cu̧ o'ca plata'inä̧ orottö'inä̧ cu̧mö̧tu̧cu̧nä̧ adicuä'canä̧ suronä̧ jȩpi̧nä̧tö̧jä̧. ⁸ Asiriamä̧ curä'chunä̧tä̧ cuä'ö tticuäcuotö; ttö̧ja̧sa̧ u̧mu̧nä̧ 'chu̧huä̧ro̧co'chunä̧tä̧ cuä'äu icuäcuotö. Ttöttipächäcuotö curättömä, Ja̧'hua̧ta̧nö̧ mu̧ä̧yotömä̧ pä̧i̧cu̧nä̧ a̧mä̧cö̧ jähuätä ttaditönä̧ huettäcuotö. ⁹ Jahuätömä̧ yecuäcuähuättö tta̧'cua̧ ttu̧huȩnä̧rö̧mä̧ to̧ȩpä̧chä̧cuä̧u̧, ja̧'a̧hua̧ta̧nö̧ TÖ̧Ä̧NÄ̧HUA̧ curä urohuäu banderata̧ topötä'i̧nä̧ yettecuäcuotä ruhuotömä, pä'ö huäjuetö ucuocu TÖ̧Ä̧NÄ̧HUA̧MÄ̧, Ja̧u̧ ocurä Siónä̧tä̧ ka̧'a̧ ja̧'hua̧ta̧nö̧ Ja̧u̧ ocurämä Jerusalénä̧mä̧ ka̧'a̧.