¹ Äyo Ariel ötahuiyä hue, Ariel, ötahuiyä David 'cuä'ächö ö̧'i̧nä̧mȩ! yabocutä jȩpä̧tö̧jo̧ a̧'ȩ jö̧ta̧'a̧nö̧; pä'carimä̧ yabocutä jȩpö̧ ko̧cuä̧tu̧cui̧. ² Ja̧'hua̧nö̧ ja̧'a̧nä̧ TTÖTÄ jȩchä̧cua̧sä̧ Arielrö suronä̧ jö̧nä̧, ja̧'hua̧nö̧ jä̧cu̧ ja̧u̧mä̧ a̧'cua̧ tta̧'ȩcu̧ a̧ja̧huä̧cua̧; Arirlmä TTÖ chiäre iyähuometä jä̧cua̧'a̧. ³ TTÖ chö̧jä̧cua̧sä̧ cuabo iyotucu isobö jacuä päcui'önä ja̧'hua̧nö̧ jȩpö̧ tto'epö chu̧ju̧nä̧cua̧jä̧, Ttötä tto'epö chu̧ju̧nä̧cua̧jä̧. ⁴ Ucumä rȩjȩtä̧ ki'opö i̧cuä̧hua̧ pä̧nö̧ cu̧cuo̧cuä̧cua̧jä̧, cucuocumä rȩjȩ i̧sa̧ppȩ jacuättötä jä̧cua̧'a̧. Cui̧huȩnȩmä̧ hua'inätö rȩjȩ jacuättö ttucuocua'a ja̧'i̧nö̧'a̧nä̧ jä̧cua̧'a̧, ja̧'hua̧nö̧ ja̧'a̧ttä̧ ucumä 'cuä̧rä̧nö̧tä̧ cu̧cuo̧cuä̧cua̧jä̧ rȩjȩ i̧sa̧ppȩttö̧mä̧. ⁵ "Cho̧i̧pä̧rä̧cuä̧huä̧ ttö̧ja̧ recuätömä rȩba̧ i̧sa̧ppȩ a̧'u̧cua̧ppȩ jä̧'i̧nö̧'a̧nö̧ ttäcuotö, ja̧'hua̧nö̧ huotömä recuätömä döttecuächäcuotö isä'cua coächa'a jä̧'i̧nö̧'a̧nö̧. ⁶ TÖ̧Ä̧NÄ̧HUA̧ o'cajuiyönä ju̧ru̧hua̧mä̧ ucu cu̧ja̧'a̧cu̧ i̧chä̧cua̧ cu'upä urohuöcu, rȩjȩ ma̧ä̧chö̧cu̧, rö̧ä̧nä̧ rä̧mi̧pö̧nä̧, rö̧ä̧nä̧ kä̧rö̧'cö̧huö̧nä̧ ja̧'hua̧ta̧nö̧ kä̧rö̧'coppa ttahuipönä̧ juhua'atäcu ocuräma rö̧ä̧nä̧ cuo̧ä̧ma̧nä̧. ⁷ Ttu̧'cua̧ti̧cua̧'a̧ jä̧'i̧nö̧'a̧nö̧tä̧ jä̧cua̧'a̧, yodo i̧jȩcuä̧chö̧mä̧: Yotöte rö̧ä̧nä̧ recuätö o'catoi'önä Arielcu'i̧nä̧ ja̧hua̧ta̧nö̧ ahuaruhuäcu'i̧nä̧ tturohuähuäcuotö. Jahuätömä juȩnȩ ttö̧ja̧cu̧ tturohuähuäcuotö ja̧'hua̧ta̧nö̧ ttahuaruhuäcu'i̧nä̧ tta̧'cua̧ tta̧ttȩcu̧nä̧ jȩtta̧ pä'ö. ⁸ Ucua ppä̧i̧cua̧ ucua'acu u̧'cua̧ti̧cua̧'a̧ jä̧'i̧nö̧'a̧nö̧tä̧ jä̧cua̧'a̧, ja̧'hua̧nö̧ ja̧'a̧nä̧ ö'orächi'omenä, u̧cuä̧mä̧ u̧cuä̧ba̧nä̧mä̧ juiyäcua'a. Ahua a̧di̧rö̧jä̧cu̧ ahua'acu u̧'cua̧ti̧cua̧'a̧ jä̧'i̧nö̧'a̧nö̧ jä̧cua̧'a̧, ja̧'hua̧nö̧ ja̧'a̧nä̧ ö'orächi'omenämä ijiyuhuächä̧cua̧ ahua a̧di̧ttö̧tä̧. Ttö̧ja̧ recuätömä pa̧'a̧nö̧tä̧ ttäcuotö Sión ttö̧ja̧cu̧ tturohuäuttömä. ⁹ ¡Ucututä nö̧'ä̧chi̧pu̧ topu ye'ecui'ätucui; cua̧mö̧nä̧ pa̧ja̧tö̧tä̧ ä̧tö̧dä̧cuä̧huä̧tu̧cui̧ ja̧'hua̧nö̧ jo̧mȩnä̧ ä̧to̧cä̧chä̧tö̧jä̧! Tä'ämäcuähuätucui, ja̧'hua̧nö̧ ja̧'a̧nä̧ vinonä̧mä̧cö̧to; ppetö ppetö kä̧tu̧cui̧ cervesattömä̧cö̧. ¹⁰ Ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ ucuturu a̧'cua̧ru̧hua̧rö̧ iyinä̧u̧jä̧ täcunä cuä'ätucunä̧ päi'önä̧. Ja̧u̧tä̧ cui'äriyätucu mu̧chö icuäjäu̧jä̧, Dios päö huȩnȩ jiäcuähuätö, ja̧'hua̧ta̧nö̧ cupiyätucu cuamu̧cuätucu mu̧ȩpu̧ i̧cui̧nä̧u̧jä̧ ucutu Dios päö ji'ähuätö'i̧nä̧. ¹¹ O'cajuiyönä ya̧na̧ jä̧huä i̧jȩcuä̧chä̧ji̧mä̧ ucuturumä̧ cu̧yäru'tänä̧ huȩyu̧tu̧ rötähua'a ja̧'a̧ ucuturumä̧, jitö u̧mä̧tö̧rö̧mä̧ ttiyö'anö̧ja̧'a̧ yä̧tȩrö̧mä̧ tide huo̧juȩcuä̧ ja̧'a̧ pä'ö:'' ucuocui pi̧yȩ.'' Ja̧u̧'i̧nä̧ pä̧cua̧: '' chucuocu juiyö'anö̧ ja̧'a̧, 'quiyönä̧ mu̧ȩcuä̧ra̧'a̧.'' ¹² Ja̧u̧ttö̧mä̧ juä'tä cuyäru'tä ucuocu juuiyö'a̧nö̧ huä̧rö̧ ttiyöttömä̧, ucuocuijo pä'ö: ädätäcua̧ ja̧u̧mä̧, ''chucuocu juiya'anö̧ ja̧'a̧ jerupä̧sä̧.'' ¹³ TÖ̧Ä̧NÄ̧HUA̧ pä'ö: ''Pitö ttö̧jä̧mä̧ tti̧huȩnȩnä̧tä̧ esetätöjä pä'ätö ja̧'hua̧ta̧nö̧ tättötä ucuo teähuätöjä pä'ätö, ttamiso'qui jahuättömä TTÖTTÖMÄ ototä huätö . TTÖRÖ ucuo tteäumä ttö̧ja̧ hueö huo̧jȩcuä̧tä̧ ja̧'a̧. ¹⁴ Ja̧'hua̧nö̧ ja̧'a̧ttö̧, topätucui, TTÖMÄ adihuä juai jȩchä̧cua̧sä̧ pitö ttö̧ja̧rö̧mä̧, adihuä juäi ttu̧ttȩpä̧ri̧o̧'cö̧. Huo̧jä̧tö̧jä̧ pä'ätö'inä ttu̧huo̧jo̧cö̧, ja̧'hua̧ta̧nö̧ juiyo huo̧jä̧tö̧jä̧ pä'ähuätö'inä toäcua'a. ¹⁵ Äyo juätöhue TÖ̧Ä̧NÄ̧HUA̧ ä'cattö jitötä ttamucuädö jȩttä̧ pä'ätä hue, jȩttö̧mä̧ yo̧ö̧tä̧ huotö. Ja'huätö pä'ätö: "¿Di toatö, ja̧'hua̧ta̧'a̧nö̧ ditä u̧huo̧jua̧tö̧?" ¹⁶ ¡Ucutumä jȩpä̧tö̧jä̧ ko̧ro̧mä̧ aboja̧'cu̧ ¡Rȩdä̧'ca̧ kö̧icu adicuhuä i̧sa̧mä̧ tu̧huä̧netö̧'a̧nö̧ hua̧ rȩdä̧hua̧nä̧, jȩtö̧mä̧ pättö'anö ja̧'a̧ jȩpi̧nö̧ ö̧ttö'cö̧,'' Ja̧u̧mä̧ jȩpo̧'cö̧ pä̧ji̧'', ja̧hua̧ta̧'nö̧ ko̧ro̧ ji̧nö̧mä̧ ji̧ä̧hua̧'a̧ ttö̧'cö̧ di aditina̧'a̧ttö̧. ''Ja̧'u̧mä̧ huo̧ji̧'cö̧'' ¹⁷ Yaute jo̧mȩnä̧ ju̧ru̧nä̧tä̧, Libano-mä ppärotäcuähua'a jäcua'a isarä jönä, ja'huata'nö isarämä ppärotö icuähua'cua'a dȩa̧nä̧ttä̧. ¹⁸ Ji̧yȩnö̧ mo̧ro̧ ja̧ri̧yä̧hua̧mä̧ ä̧ju̧cuä̧'cua̧ cu̧yä̧ru̧ huȩnȩ, ja̧'hua̧ta̧'nö̧ i̧'ä̧rȩnä̧ ä̧to̧ca̧-mä̧ to̧'ä̧cua̧ yo̧mȩ ju̧cuä̧nä̧nö̧. ¹⁹ su̧ro̧nä̧ jȩpu̧ cuä̧cuä̧tä̧cu̧mä̧ esehuäcua TTÖ̧Ä̧NÄ̧HUA̧NÄ̧, ja̧'hua̧ta̧'a̧nö̧ u̧su̧rä̧ i̧sa̧mä̧ ahuaruhuä u̧mä̧tu̧cu̧ esehuäcua suroju jui'a Israelttö. ²⁰ Ja̧'hua̧nö̧ ja̧'a̧ ja̧'u̧ rȩrö̧jö̧nä̧ topäcuähuocömä̧ hua'ö icu beipä̧chä̧cuä̧, ja̧'hua̧ta̧nö̧ jeruseu yä̧'a̧huä̧'chö̧mä̧ ja̧u̧'i̧nä̧ hua'ö icuä̧cua̧. ²¹ jitö o'cato'iönä̧ suronä̧ jȩä̧cuä̧huä̧ repeätömä̧ si'epu icuähuäcuotöto, jitö u̧mä̧tö̧ ji̧yȩtȩ ttucuocu huȩnȩnä̧ ttö̧'ä̧i̧cuä̧chi'̧ö̧nä̧ jȩpä̧tö̧mä̧. Juätömä̧ yapare ucuocu korojua̧'a̧rö̧ 'cä̧rö̧ca̧ ku̧to̧bu̧ ttötä'ina̧'a̧nö̧ rötä'chätö ja̧u̧ru̧mä̧, jä̧u̧ apate'cattö adiu usurumä̧ ja̧'hua̧ta̧nö̧ adiu jȩpu̧ kö̧rö̧mä̧ yapare huȩnȩ jiäu jȩpu̧ juruhuätö. ²² Jua'a yabocumä̧ pi̧yȩ ja̧'a̧ TÖ̧Ä̧NÄ̧HUA̧ Jacob ojuisode ötö'cö päinö̧mä̧---- ja̧u̧ ru̧hua̧, chu Abrahamrö surojö hua'arettö ö̧ji̧pu̧nä̧ mi̧tau ppa'ädinö̧mä̧: '' jacobmä̧ yabocumä̧ dä'ä ttöhuiyacua̧, i'ä'i̧nä̧ teätti päi'iyäcua̧. ²³ Ja̧'hua̧nö̧ ja̧'a̧ itti̧ ̧mu̧rö̧ topumä̧, ja̧u̧ u̧mö̧nä̧ aditahuä topu, ttö surojö jui'̧a̧ chi̧mi̧ jȩttä̧cuo̧tö̧. Jacob i̧mi̧ surojö jui'a̧ pä'ö jȩttä̧cuo̧tö̧ juätömä̧ ja̧'hua̧ta̧nö̧ juätö Israel ttö̧ja̧ TTÖ̧Ä̧NÄ̧HUA̧ ö̧rö̧ä̧ tottäcuotö. ²⁴ Jittö tta̧'cua̧ jacuänä̧ ttö̧ja̧sa̧ a̧'cua̧ru̧hua̧nä̧ jäyä jȩpu̧sä̧ ttö̧mä̧ pä'ö amu̧cuädömä̧ bahuecuächäcua̧to tä̧'cua̧ huȩnä̧rä̧cuä̧huä̧, ja̧'hua̧ta̧nö̧ ajahuätömä̧ ttu̧huo̧juä̧chi'̧ä̧cuo̧tö̧to huo̧juä̧chä̧cuä̧huä̧rä̧.