¹ Moab-rö jä̧cuä̧ ucuocuinö. Isopäi'önätä, Ya'ute yodotä si'epö pparopö icuähuäcua'a Ar de Moab-mä; Isopäi'önätä, Ya'ute yodotä si'epö pparopö icuähuäcua'a Ar de Moab-mä. ² Ja'huätömä 'cha'chepätö Dios ö̧jodera̧'a̧, Dibón ötahuiyä ttö̧ja̧'i̧nä̧ jua'a 'cha'chepö ajähuätö; Moab rö̧nä̧ a̧'cua̧ tta̧'ȩcu̧ Neborö ja̧'hua̧ta̧'a̧nö̧ Medebarö 'cuäopa'a topö. O'catoi'önärö̧ ttuhuo'che'inä kirö icuähua'a ja̧'hua̧ta̧'a̧nö̧ ttä 'cähuiyä'che'inä kiro icuähuotötä ja̧'a̧. ³ Ttu̧mä̧nä̧ttö̧mä̧ 'ca̧tä̧huä̧tö̧ sacuyuttu 'cuiocua'atä; ttojusode dȩa̧'a̧ttö̧ ja̧'hua̧ta̧'a̧nö̧ ttö̧jo̧mȩttö̧mä̧ o'catoi'önä ajahuätö' tti̧'chȩrȩja'inä dahuipönä. ⁴ Hesbón ja̧'hua̧ta̧'nö̧ Eleale'inä ppättädätö pä'ö jä'epätö; Ttajahuomenämä Jahaza jubu rä̧mi̧pö̧nä̧ ajahuätö, Ja̧'hua̧nö̧ ja̧u̧ttä̧ Moab su̧ru̧do̧u̧mä̧ ppättädatö pä'ö jä'epätö; ja'huätö jacuänämä ye'ecu ttö̧'ä̧huä̧tö̧. ⁵ TTÖ̧ cha̧'cua̧ tta̧'ȩcu̧sä̧ Moab'rö̧ amucuädö; juorö töipächö chä̧tö̧ Zoar'ra'acu ja̧hua̧ta̧nö̧ Eglat Selisiyacu'inä. Jahuätö 'chä̧tö̧ Luhit'ra̧'a̧cu̧ ajahuönö ; Horonim mä̧nä̧cu̧ jahuätö baracuä̧u̧ pä̧i̧cu̧nä̧ huopätö surojuoächa'a amucuädö. ⁶ Nimrim ajehuiyä'inä joipächa'a; isotö ttucuä'cua'inä joipächa'a ja̧'hua̧ta̧nö̧ jareönä bacuä'cua'inä 'corujuoächa'a; jä̧ttu̧huä̧'cua'inä juiya'a. ⁷ Jahuätö rö̧ä̧ö̧nä̧ baunä jȩtti̧nö̧'i̧nä̧ juiya'a ja̧'hua̧ta̧nö̧ ca̧ca̧tö̧ ttu̧ju̧ni̧nö̧'i̧nä̧ álamos ajetä ȩmi̧pi̧yä̧u̧. ⁸ Moab rȩjȩttö̧ ajau huottömä rȩmi̧pä̧cua̧'a̧; otó päiönä rä̧mi̧pä̧cua̧'a̧ Eglaim'ra̧'i̧nä̧ ja̧'hua̧ta̧nö̧ Beer Elim jubu. ⁹ Ja̧'hua̧nö̧ ja̧'a̧nä̧ Dimón ajemä ttucuojatä su̧ppȩnö̧ ja̧'a̧; ja̧'hua̧nö̧ ja̧'a̧nä̧'inä TÖMÄ Dimón ttö̧ja̧rö̧mä̧ juhua'a yabocu ttusurähua pä'ötä jȩ'chä̧cua̧sä̧. Moabttö̧ töipächätörömä mu̧ yähuitä ucuiäcuotö ja̧'hua̧ta̧nö̧ jitö juä̧jä̧ rȩjȩnä̧ ka̧cui̧pä̧tö̧rö̧'inä