¹ Babilonias ttö̧ja̧ ttötö'cö jiäcuähuia'a, Amós i̧tti̧ Isaíasmä ä̧ju̧cui̧nö̧: ² Mö̧ä̧'ca huäjuä'camä banderata̧ ku̧nä̧hua̧'a̧ jä̧cuȩ jiähua'a jö̧nä̧tä̧, jahuätörö pä̧i̧cu̧nä̧ huopi, cu̧mö̧nä̧ jȩpö̧ ji'ähuitö ruhuotö ttäpatenä dodettäcua'anö. ³ Ttömä hue'äjisä pojopö chu̧ju̧ninä̧u̧rö̧, isopäi'önä̧tä̧ chahuaruhuä juruhuätörö chö̧'ä̧i̧nä̧ ro̧ttȩpa̧ pä'ö huochäjittömä, jitö chucuo te'äu jȩpä̧tö̧rö̧'i̧nä̧. ⁴ Mö̧ä̧'cara̧'a̧ttö̧ recuätö huotta'a rä̧mi̧pa̧'a̧, ttö̧ja̧ recuätö huotta'a jä̧'i̧nö̧'a̧nö̧! ¡recuätö ruhuotö ca̧ca̧cu̧ huotta'a rä̧mi̧pa̧'a̧ jä̧'i̧nö̧a̧nö̧ ja̧'a̧! Su̧ro̧da̧u̧ ttu̧ru̧hua̧mä̧ u̧mö̧huäyotö su̧ro̧da̧u̧ curä tturohuähua pä'ö ä̧tȩpö̧. ⁵ Jahuätömä pi̧jä̧ pä̧cuä̧jö̧ttö̧ ichätö, pocöra̧'a̧ttö̧. TÖ̧Ä̧NÄ̧HUA̧ ro̧ȩpa̧ pä'ö ji̧yȩnä̧tä̧ jȩpö̧, pi̧jä̧ ttö̧ja̧ o'catoi'önä̧rö̧ si'epö icumä. ⁶ Ajahui jati'ii, tu̧ru̧hua̧ u̧mo̧ro̧mä̧ tä̧kö tä'cöhuächia; ujurucu ichö täcö jȩpu̧'icu siepu icua päö. ⁷ Yabocumä̧, o'cato'iönä̧ ttömu̧pi̧yä̧mä̧ yecuecuiätucuomȩnä̧ 'cuäcuächiäcuotöjä 'cuäppi jönä päiönä̧, jahuata'anö̧ ya̧cu̧nä̧ ttami̧'iso'quimä̧ jahuächiäcua'a isoya päiönä̧tä̧. ⁸ Juätömä̧ yettecuä'chäcuotöto; Ubara i̧nä̧ hua'are inä̧ juruhuäcuä̧u̧ juätömä̧, isaju kumodö barahuäcua jä̧i̧nö̧'a̧nö̧. Juätömä̧ ka̧ra̧'ka̧ra̧nö̧ topäcuäu no̧ä̧chi̧pu̧ tottächäcuähuäcuotö, ttiäpiyämä̧ cuoipunä̧ ba̧ra̧huä̧cuä̧u̧to. ⁹ Topi'i, tu̧ru̧hua̧mä̧ u̧mo̧ro̧ mo̧ro̧mä̧ täcö öä̧i̧cu̧ ichö jahuata'a̧nö̧ ri̧ä̧'i̧nä̧ ö̧ä̧i̧ suädiö ' toä̧huä̧rö̧nä̧ päiönä, pi̧jä̧ rȩjȩnä̧ ka̧cua̧tö̧ro̧ juatädö siepu icua päö. ¹⁰ Mo̧ro̧jä̧nä̧ rö̧jä̧tö̧ si̧ri̧'cö̧ ' i̧nä̧ kä̧hua̧tö̧'i̧nä̧ yo̧ä̧cua̧'a̧ tti̧tȩa̧mä̧. kä̧huä̧mä̧ yö̧ä̧cua̧'a̧to päö mö̧ro̧ päiomȩttö̧ rötädipö kä̧mä̧dö̧, jahuata'a̧nö̧ yodo kä̧hua̧ i̧nä̧ kä̧dȩpi̧yä̧cua̧do. ¹¹ TTÖTÄ ro̧dȩpä̧cua̧sä̧ pi̧jä̧ ttö̧ja̧rö̧ suronä jȩtti̧nö̧ micuämä ja̧'hua̧ta̧'a̧nö̧ suronä jȩpä̧tö̧rö̧mä̧ suronä rö̧ä̧nä̧ surono jȩti̧nö̧tä̧. Tötä si'epö chi̧cuä̧cua̧sä̧ tta̧mo̧nä̧ ucuo te'ähuätörömä ja̧'hua̧ta̧'a̧nö̧ 'cu̧'u̧ chicuäcuotö juiyo jarodö ttötäsä pä'ätömä. ¹² Oro adihuäjuä juiya'a jä̧'i̧nö̧'a̧nö̧ jȩchä̧cua̧sä̧ ttö̧ja̧sa̧rö̧mä̧ ja̧'hua̧ta̧'a̧nö̧ ttö̧ja̧rö̧mä̧ päcuäi oro pȩjo̧mȩ Ofir ttö̧'o̧cui̧'o̧ca̧'a̧ jä̧'i̧jö̧'a̧nö̧. ¹³ Ja̧'hua̧nö̧ ja̧'a̧nä̧'i̧nä̧, TTÖTÄ jȩchä̧cua̧sä̧ mo̧ro̧jä̧'i̧nä̧ ttö̧'ȩpö̧nä̧, Pi̧jä̧ ku̧nä̧ro̧mȩttö̧'i̧nä̧ ttö̧'ȩpä̧cua̧'a̧, recuätö TÖ̧Ä̧NÄ̧HUA̧ ujuruttu, ja̧'hua̧nö̧ jä̧cua̧'a̧ amisurächi'omenämä. ¹⁴ Ttö̧ja̧mä̧ jottä'chäcuotö tȩu̧rä̧ ru̧ttä̧rä̧cu̧ joa'cha'a jä̧'i̧nö̧'a̧nö̧ ko̧ro̧no̧mä̧ ohueja u̧ru̧hua̧ to̧'a̧ jä̧'i̧nö̧'a̧nö̧, ya̧cu̧pö̧nä̧ ppa̧ttä̧chä̧cuo̧tö̧ ttahuaruhuä ttö̧jo̧mȩcu̧ ja̧'hua̧ta̧'a̧nö̧ tti̧rȩjä̧ pö̧nä̧cu̧. ¹⁵ O'catoi'önä ttö̧'o̧cui̧'ä̧u̧mä̧ hua'ö tticuäcuotö, ja̧'hhua̧ta̧nö̧ 'chu̧ttä̧u̧mä̧ o'catoi'önä̧tä̧ curä'chunä 'cui'ö icuähuäcuotö. ¹⁶ Tti̧tti̧mö̧rö̧mä̧ ttä'ca jo̧mȩttö̧ ttidepä 'toruhuächönä 'cui'ö tticuiyäcuotö. Ttojusode jacuä jähuä rö̧ä̧nä̧ micuä'i̧nä̧ ttȩmi̧pi̧yä̧cuä̧u̧ ja̧'hua̧ta̧nö̧ tti̧rȩcua̧mö̧rö̧'i̧nä̧ suronä jȩtti̧yä̧cuo̧tö̧. ¹⁷ Topittö, Ttömä Medos ttö̧ja̧rö̧ tturohuöhua pä'ö huedometä̧ päia'a, pärätä'i̧nä̧ recuärö̧jo̧co̧ö̧rö̧tä̧, oronä̧'i̧nä̧ esecuäcuähuocotörö. ¹⁸ Möäyotörömä 'po'obönä 'po'ö tticuäcuotö. ja̧ppo̧ä̧rä̧cuä̧huo̧tö̧rö̧'i̧nä̧ rȩrö̧jö̧nä̧mä̧ topocotö ttäcuotö ja̧'hua̧ta̧nö̧ ppo̧'ä̧tö̧rö̧mä̧ 'cuä'äu tticuäcuotö. ¹⁹ Ja̧hua̧'a̧nö̧ jo̧mȩnä̧, Babilonia̧mä̧, ruhuo ucuo tettähuä'ijomȩmä̧, Caldeo ötahuiyä ttö̧ja̧ i̧jȩcuä̧chä̧rö̧nä̧ tejädönä kä̧dȩpä̧'i̧jö̧mä̧ Sodoma, Gomorra i̧nä̧ DIOS mo̧ro̧jä̧rä̧'ä̧ttö̧ ocurä ichönä̧ jȩpu̧ cuo'ö tticunä̧ siepu icu ro̧ȩpä̧cua̧do. ²⁰ Ttidepiyu päiönä̧ i̧nä̧ kä̧cuä̧huo̧co̧mȩ jä̧cuö̧mȩdo ya̧tȩ ahuaruhuä o'cotö'i̧nä̧, jua'a yabocu ahuaru'i̧nä̧. Juätö arabe ttiäre järe rä̧tä̧rö̧ aditapä'ömä̧ juiyäcuomȩ juȩnȩmä̧.oveja̧tö̧rö̧ yoecuä ttö̧ja̧ i̧na̧ 'cuä'ächö ttö̧a̧ paömä̧ jui̧yä̧cuomȩdo juä̧jä̧ rȩjȩnä̧mä̧. ²¹ Jahua'a̧nö̧ ja̧'a̧nä̧ dea ruhuämä̧ juȩnȩtä̧ dea juiyä̧jä̧nä̧ ttä'ähuariyä jȩpu̧ cuä'ipu ttö̧'ö̧jä̧cuo̧tö̧. Ttoju'odehuiyänämä̧ juarara̧tö̧ suhuädiönä̧ ttöja̧cuä̧cuo̧tö̧; jahuata'a̧nö̧ i̧ju̧ru̧ a̧nö̧ huotö tä̧mu̧ avetrus päö mi̧cuätö jahuata'a̧nö̧ yä̧mä̧'ä̧nö̧ huotö dea ruhuä cabra paö micuätö tö'ö ttesehuäcuotö juȩnȩmä̧. ²² ähui̧ri̧tö̧ a̧nö̧ huotö hiena päö micuätömä̧ ttiärö̧cä̧ ttö̧ȩpä̧rä̧bi jacuättö huottäcuotöto, jahuata'ä̧nö̧ buo ähui̧ri̧tö̧mä̧ ruhuotö ttoju'odehuiyä bäreu jacuätö känö huottäcuotö. ja̧u̧ u̧mö̧ro̧mä̧ täcö tö'cö ja̧'a̧, jahuata'a̧nö̧ pätetö päö u̧ju̧ni̧nö̧ mo̧ro̧mä̧ ruppohuiyäcua'ado.