¹ Katsa jliaku jliaji waminali jlikaiteli jlisru jliaji Jeremias iinuparutakaita jnanaku jnaji yakale . ² Egipto iisruwale jliaji: jlitsuludautenaku jliaji Necao Faraon, jliminali jliaji Egipto , yufakadan aaji Carquemis jlikuemajle jliaji iinipu Eufrates jnapia jnaji tsuludaunai Nabucodonosor . jliminali jliaji Babilonia, jliametanipen kuadaka kamui jliyadana jliaji Joacim , jliri jliaji Josias, jliminali jliaji Juda ³ .Iiwaketaka njaji nadanatakapishupa njaji inuakakape tsuitepe jnite makaitepe, yakaru iinuakau. ⁴ Iimatsieta naaji iicaballuni yufa nanaku jnite irueta jiwidanaku jnaji iibunen; iikemataka iimatsetani jnite shetaka iitsayani inuakakaruda. ^{5 6} Kuaka nukapali aaji? pakjankana matsidalishuna njite napitukau. jnaa kjeyape kurin nataitaka jnapitukau kjaida njaji tsuludaunai njewanjikau inaruemete jnite jnewakau jlikuemale jliaji uuni makapawan Eufrates. ⁷ Kuaka jliaji jirali kainji uuni Nilo shu, jliyayakau yenunsre jnite liurukukau kainji uunishu. ⁸ Egipto jirakau kainji Niloshu kainji uuni jirakadanaku liuruku tsakja. Egipto ikaite:" njurawa njite jnuyanpaka jiipai. nuwayaketa yakalelima njite njaji naiki yufali nini. ⁹ jirakautsa caballonai keruatsasha kaiperi carroshu imutuwa inuakakape kainji nakashu jnaji cus njite put atsianaiinaruema idanatakakape njite jliaji lut atsia inaruemadali itsikeretakada liyaitashupa." ¹⁰ Jliawatsa jaledauka jlinukana jliaji jnaminali jnaji tsuludauna, jlinikautsa jnaji likuema katimakautsa jliaji jlimatseta linushupana, kepinautsa jliraka nairanami nakadakautsa matsiadali jlisru jliaji waminali jliaji jnaminali jnapaite nakjuite jnaji yufakape inaruemjete Eufrates isru. ¹¹ Pjiraka Galaad sre, piumakaru taape ,pjia mjapakanadarutua Egiptuite. maruetatsa jure taape pinaku. kuritsa kataapena karupjia. Jnaji pana yakale jneminina pimatsikakakau. kajlaimi ¹² jnaji yakale jnemikena piyaka, njaji tsuludaunai natudaka njepjiwidau nainewaka jnite yamadape jnewakau . ¹³ Katsa jlikaitelika jliaji waminali jlisru jliaji iinuparutakaita Jeremias , Nabucodonosor, jliminali jliaji Babilonia, jlinukauli jlinuka jliaji Egipto. ¹⁴ iikaiteka Egiptoriku , Yatsaka Migdol iikaujle, Menfis jnite Tafnes jiipaka iinani yapakakau jlimatseta iinukautsa kalaimi jnaji tsumipetsa pjiuya, ¹⁵ Kuami jnaji kjaidape jnatudaa jnekua jiipai nakule kuritsa jnenkukaru, jnua iiminali jnukadaka jnekua. ¹⁶ Jlikada jnatauña aimau njaji muyepetsa yemakau kaidali mayamika jnaji tsuludaunai jnakaitepeka, fenkuwemau , wadiaka wapanikule wadiaka wanaiikite ikjaule fapaitenakujle wapekuka jnaji wamatsetan ,jnainukafa. ¹⁷ Nakaitepeka jliadanaku: Faraon jliminali jliaji Egipto pjemikatsa jliakuna tekjuite. ¹⁸ Kaiji jnufakapishu jlikaiteka jliaji iiminaliti, jlipitana jliaji jnaminali jnaji tsuludaunai, aapewatsa iinuatsa kaiji awakadatsu Tabor jnite awakada Carmelo jlinumapisre jliaji uuni makapawan. ¹⁹ Iideka iinaniwa yakarua , sha yufakape aaji Menfis jliwaketsautsa, kenaa kautsa jliufakau. ²⁰ Jliaji Egipto yenpetina vaca jmatsiepalikanu, paapa mafikali yarakapa inaruemjetedali inuatsa itudana. ²¹ Jnaji tsuludaunai kafainanipepja kepewatsana kainji toroshu, jnatsakautsa iifiuwa jnite napitukau . kurintsa jnenkukarua pakuakatsa. jnamatsikana iima jnanukena jnawayaketana. ²² Egipto iwanaka kainji aapishu jnite jliekukau naikjaute jnaji jlikuema yali jlikjaule. jnaka jlikjaule kaiji yumakapeshu natiyenaniwa. ²³ Jnayuakautsa jliaji awakada kaiji jliaku jliaji waminali, jnintatjatsa matsika pjamika juruetsa jnaji likuema kainji kpjetashu kuriutsa pataita paniwetakana. ²⁴ jlitu jliaji Egipto jnapaimanietautsanu nakautsanu jlisru jliaji inukada atsiamjete. ²⁵ Jnaminali jnaji tsuludaunai , jlidiote jliaji Israel jlikaiteka: "Iikapa tsuwetsa jnumenakakaru matsiadali jnaikjaule jnaji Amon de Tebas, Faraon Egipto jnite jlidiutenai , jnainaiperi jnaji faraones , jnite jnaji iikadape jnaikjaule nanaku. ²⁶ jnuakanashu jnaji yajnikape yumana jnite jlikapiriku jliaji Nabucodonosor , jliminali jliaji Babilonia jnite jlinaiperi jliapudanwatsa jliaji nadiawatsa jnaufau egiptoriku kainji uupishu kai jliaku jliaji waminali. ²⁷ Jnite pjia jnuinaidali Jacob, jmafiutsau jmewanitsau , Israel jpikapa, tsumitsa jnudieta kasru pjia tekjuite , jnite jnaji pienipe jnupekupiali jnawa jnite kuriutsa kuka ifietakan. ²⁸ Pjia jnuinaidali Jacob , jmafuitsau, jliaku jliaji waminali, jnuakatsa pinai, jnuinukautsa kalaimi jnaji yakale kerepiaka jnuaka pisru kutsautsa jnuinuka pjia kalaimi. jnumatsietakautsa pjia jnite kuriutsa jnumenakaka matsiadali pjikaule.