¹ Waminalji iako ino ljikade ljiaji Jeremías ljiawa ljipia ljialjedaokate ljiaji Joacim, ljiri ljiaji Josías, italjikanatakada aji Judáljiko, ljikaite kaiji. ² Pikapa naji ljikishi ñape ljiaji recabitas kakopia napiya. Pide naji nopanaljikolje, pikada naofa apana kuartoljiko, pia naira vino. ³ Nite nopa ljiaji Jazaanias, ljiri ljiaji Jeremías, ljirishaka ljiaji Habasinías nite nashaka naji ljikishi ñape, piomi naji nenipe, piomi nakishiñape iapiya naji recabitas. ⁴ Noa nodekana ljipanaljikolje ljiaji Waminalji, na cuarton ljikolje naji ljienipe ljiaji Hanán, ljienipe ljiaji igdalias, Dios iashiate. Ljiaji cuarto shomitsa ljioya ljiaji na cuartoni kakonaperi, ljicuarton ljiko ljiaji Maasías, ljiri ljiri ljiaji Salum, iwapakada ljiaji pantinama. ⁵ Nite nokada nakapa naji nanakoiteperi naji recabitas tazas nite copa pakamina vinosho, mitsa nokaitena: Ira ljiaji vino. ⁶ Mitsa nakaite kaiji: Korinshoka wadeweka apada vino, mitsa naji waferinaipe, Jonadab, ljiri ljiaji Recab, ljikaite washoka naji pinakoiteperi, kaidalji wetsa. ⁷ Kaitsaka, manaitasha apada panti, koritsaka itaita ipeko apada paniati ieke, korintsa ka liapanaka apana uva; korintsa pishowaljeka ljiaji. Pishokaroatsa aima jaljedaoka ara piofaakawas kaiji mani kadaljisho. Fepentsa ljiako ljiaji Jonadab, ljiri ljiaji Recab, waferinpia, piomi ljiaji ljinalji wanaitaka, kurin kuankaolji noiraka ljiaji vino ate panayete, faa, naji Waminai, natsaka naji wenipe, niteshoka naji waitonaipe. ⁹ Koritsa koankaolji wanaitaka panti waofaakaroda, korin pakapa naji uva, papanakawao. ¹⁰ Faa waofaka aji pantidaljiko nite fepentsaka nite fepatsaka piomi ljikaiteri ljiaji Jonadab, napia naka waferinaipe linalji wanaitaka. ¹¹ MItsa ljitalji kanatakadanako ljiaji Nabucodonosor taalji kanatikani aji Babilonialjiko, ljita ljiaji feepaite, wakaite kaiji: inojereji, washo wakao Jerusalén she napitokao naji sholjodaonai naji caldeonai niteshaka naji arameonai. Kaishopa akafaofaoni aji Jerusalénriko. ¹² Nite Dios iako ino ljikaolje ljiaji Jeremías, ljikaite kaiji: ¹³ Naminalji noaji sho ljodaonai, naa Diote naji Israelnai, ljikaite ljiaji: Ikapa ikaite naji ashianai aperiaji Judáaljiko Piomi naji aperiaji Jerusalén rikopen, ¿Korin ioma jiepaka ljiaji iakoti noo makantasho pashia korintsa jiepaka ljiaji noo kaiteri? ikatsa ljiomalji ljikaiteka ljiaji Iminalji . ¹⁴ Ljikaite ljiaji Jonadab, ljiri ljiaji Recab, ljia apada iakoti ljinaitaope, korikaro ljitaita ljiraka apada vino, opina nainita nawaopiaka panaya. Panayadekena nainitaka nepaka naoferinape ikaitenda misha noadekanta. Nowakasha inaita notatakaro akarotsa jia naine, mitsa curin jimika nasho. ¹⁵ Noa nomenaka ikaolje naji noshoperi naji profetanai, noa kaidaljitsaotsa nomenaka ljikuite karo jia: Piomiosha jia idiawatsa ljioya ljiaji inipo mashidalji inaita mashisdalji jidenikalje; korikaro apada iawa ídolo iapadan niteosho idiasha anaji noo kaiatalji isho jipaitewa ljiaji noanda isho iferinaipe iapiya, jiwaketsa korin ioma jimika nosho. ¹⁶ Mitsa naji ljinakaiteperi ljiaji Jonadab, ljiri ljiaji Recab, nepaka ljiaji naferinaipe ikadanda nepakano, mitsa naji ljimaika naoma nemika noosho. ¹⁷ Kaitsa ljiaji Naminalji, Dios nayadakan naji ejército nite na Diote katsakan naji Israelnai, ljikaite kaiji: Ikapake, noa nodeka ikaolje jia Judá nai nite jiatsaka iofaakape Jerusalén riko, piomiotsa naji ikaitekape matsi nanako Ima kai nokaiteka, mitsa korin; nowana nokaitena, mitsa korin nepanoa. ¹⁸ Ljikaite ljiaji Jeremías nashowale naji recabitas: Naminalji naji ejercitoonai, na Diote naji Israel nai , ljikaite kaiji: kapa jrimika ljiaji ljikaitenda ljiaji Jonadab, napia naka ljiferinaipe nepapiaka ljiaji ljikaiteri. ¹⁹ Kaitsa ljiaji na Diote naji ejército, na Diote naji Israel nai, ljikaite ljiaji; ljishotsaotsa ljishoka ljinakoiteperi ljiaji Jonadab, ljiri ljiaji Recab, noshodaljikao tsani.