¹ Nini linu yakuti Naminali yada liisu liaji Jeremías yamuda likaitekan, naitakapuani namuliun rikhuite jnaa iwakapeni likaitenaa: ² "Naminali jinaitakada pjiumi likaite, liaji Naminali liaji taradali iufakau - Naminali lipitana. ³ Iwanaa jnua jnite jnua iwapa jimi ishu nukanda ikapa makadalipe kukakatsa, kuri piajinda. ⁴ Nini Naminali, Dios Israel yada, likaitei nanaku jnaji panti yakale rikupe jnite napana jnaji reyenai Judá yape, nawayaketanpen nama jnaji rampas asedio yape jnite matseta . ⁵ Tnaji caldeos nai nanu nainuakau jnite napjakanta jnaji panti mayanpen shu jnaji naiki nuinukape wasa nuirua riku, nudawakaru nuekua liuya liaji yakale namatsikana ima. ⁶ Mitsa pikapa tamjia nude nashu matsiadali nutupekarunaa, jnua watsa imatsietana, nude nashu juredali, kurinkaru nainuakau jnite naufa karru tara nunalka. ⁷ Nudieta watsa nashu nanani kakuadaperi Judá yape jnite Israel tsakja; nudenji nanaku nainikapishu jnunaitan. ⁸ Nini numatsietanaa namatsikana yuya jnanaitando nunaku, nuperdonanaa namatsikana ima jnunaitundo nunaku, jnite jnunaita kapishun nunaku. ⁹ Liaji yakale kaiwatsani pjanaitanda katimadali ishu, apada canción pakaulerikjuitedali jnite jnunaitando matsiadali nanaku jnaji yakale jiipairikupe, jimikape kukatsa matsiadali jnunaitanda rushu. Nini nafiuwatsa, naatetje watsa nanaku jnaji jnanaitunpe matsia, metadali nakaure nuanda watsa nashu. ¹⁰ ikaite Naminali ikaite: Panaya linaku liaji yufali nini:" Kurin kuka pakapa aaji, kurin tsaka mafikali, judá iyakale riku jnite Jerusalén jnite Judá icallen riku kurin kuka pakapali, kurin pakapa aatsiana kurin tsaka mafikali kurin pjemi tsenakja. ¹¹ Apada pjeminda katimadale, pjeminda katimadali, pjemi liaji runovio jnite shuaji linuwa, pjemi tsaka jnaji ikaiteli, jnaji idekape ofrenda na kapua matsidali lipanaliku liaji Naminali: " ¡Yaa matsiadali iminali ishu, matsiadali kapua Iminali, jnite liaji ipeyukjeti mawayakakjadali liufa tara kaidaliwetsa! jnuatsenakja jinaita nanali kakuadape upidalishu jiipai rikui, kainji liaku Naminali. ¹² Naminali litsuludaute yapiya likaite kainji: "Aaji kuriweriku jluka pakapa, aaji kuriweriku pakapa aatsianai jnite mafikalinanaku jnaji yakale nini tsekakja pakapa malitsi jipuledali nataitakaru jnaji pastores nakada nawafetau jnaji naowejapere.

¹³ Jnaji yakale jipanakupe, jnua llanura jnite neguev riku, Benjamín jiipaite riku jnite lidanan liaji Jerusalén jnatsakja liyakale liaji Judá, jnayapeta watsana nakapi riku jnaji ikuntakape jnuji oveja, kainji liaku Naminali. ¹⁴ ¡Ikapa!, jnaji jaledauka nanuka - kainji liaku Naminali - jnunaitakaru liaji nukaitenda jnunaitaka watsa lipana likuliaji Israel jnite Judá iipana riku.

¹⁵ Apada juledauka jnite apada watsa tiempo jnunaita watsa litauña liaji liki David ishu, jnite lidé liaji justicia jnite mayakandali jiipai riku.

¹⁶ Apada jaledauka naasalva watsa Judá jnite Jerusalén namauduka watsa naufau ninwatsa nawananu: "Liaji Waminali pakua kadali washu. ¹⁷ Naminali ikaite kainji: Ape aatsia David ilineari kudali kjeyapi watsa naufawa lipanaliku liaji Israel.

¹⁸ Kunrintsu dekja ape aatsia sacerdotenai levita kurin lireta ofrenda limaitanpen, njamaita ofrenda naijaunda shu jnite ofrenda liekje shudali jale kakuan. ¹⁹ Liaji yakuti Naminali yada linu Jeremías ishu; ²⁰ Likaite Naminali kainji: "Pja pidaija pitserentaka nukaitenda ishu jaleweriku jnite Deepi yiku kurin karu pakapa jalee weriku jnite Deepiriku jaledauka yada. ²¹ Nini pitaita pjitserentaka nukaitenda David yapiya, idenjikada nushu, kurin karu lishu lienipe yufakada litronanku, jnite nukaitenda nashu jnaji sacerdotenai levita, idenjikape nushu. ²² Kuinji nakashu jnaji eenu itsu ludaute kurin pataita pakuentakana, kain likashu liaji kaida yufakada linumapi liaji uuni makapawan kurin pataita pamedikan, kainji jnureta lienipe liaji David, idenjikada nushu jnite jnaji levitanai idenjikape nushu. ²³ Naminali yaku inu Jeremías ishu, likaite: ²⁴ ¿Pja kurinka pikaite lisu liaji yakale nakaitenda kainji jnaji yamada ikitsinape liniwananpe liaji Naminali ¿Panaya kuada kurin piumana' "lima liaji yamada yakuti kurin naumaka jnu yakale, kurin kalikapan penaa. ²⁵ Jnua Iminali, nukaite ishu kainji: "Ajadali kurinka nukada taradali yakuti nukaitenda jaleweriku jnite deepi riku, kurin katua nu matsieta jnaji leyes eenulikupe jnite jiipai rikupe. ²⁶ Nini kurintsu numaka nenipe jnaji Jacob jnite David yape, Idenjipe nushu kurin tsakja nude ape nanakjuite italkanata nenipe jnaji Abraham, Isaac jnite Jacob, jnumatsietaka watsa nanani kakuadape jnite nukade nakapa misericordia