¹ Waminajli yako ino noiaojle, jlikaite: ² Inuena itata Jerusalen. iwaketakaka nako, jliako jliaji wamianajli nowaopientsa koamipiaka piyenpetika pikaiterri ajadajli, koampiaka pipeyoka noa, wajikaojlewa pia, piakaojli noapodan maminajlinakawale, jipai mapananakanaka watsa. ³ Israel shenitakakada Waminajli irso, napji namatsiaka na pipania! piomi napji iñakape na kamatsikana perriwatsa; matsirri inowatsa naocaojle ikatsa jlikaitejlika jliaji Waminajli. ⁴ Jimi jliako jliaji Waminajli, apji Jacob ipanajliko piomi napji jlikitsiñape Israel nai. ⁵ Waminajli ikaite; ¿kokapa naoketa matsiarri nanako napji pinirri imajli kurrika nano nuapodan? ¿ nakarrowa mikatsa nadiote inai nini miperrikatsana? ⁶ Ima kai nako warso; ¿akerre jliaji Waminajli, jitajli fa jipaai Egipto rikuite? ¿akerre jliaji Waminajli, iderri faa maminajlina werikojle, napaite npji Arabenai tewakapekawa, kadaukaweriko, meyapakana kawa kurritsa koka yuwawa nini,? ⁷ Mitsa nodeena Carmelo jipaitenakojle, ¡naiñakarro matsiaperri paniati nite apadatsaka matsiaperri; inokadanakotua, imatsika jliaji nopaite, ikadafiajle kata jliaji nakadanda irso. ⁸ Napji kakonape nako norso; ¿ akerre jliaji Waminajli? nite napji yanikape yakoti naako matsia namakua datatsakan! nite napji pastornai nadiatsacawa naakuemawa, nite napji ikaitekape iakoti panishopa, nakaite Ball nako matsia, nite nawa midajlitsa shapodan. ⁹ Nini watsa nokaiteka yacona, jliaco jliaji waminajli, nokaite watsa nacona tsaka , napji pienipe. ¹⁰ Nini piyoenawa jliajlapi jliaji Quitim (Chipre) nite ikapa imenakaka apada icapa ikawa, nanaitakada kapji nanaitakapishopia. ¹¹ ¿Kapa apada ino ipadameta idiotewa, kurri kadanatua dios perrinantana, mitsa napadame takapua noa matsiadajli nini corrin notaita nokitsindatakana. ¹² ¡Iwietakenawa, eenojliko jlikaute jliaji! ikapanina, nite rometeta kenawa, jliako jliaji Waminajli. ¹³ Ima nanaitakena yamapia matsi napji nonaikite; namaka kapia jliaji oni matsiakai kawidajli, nite nameko apada oni iofakarrodao jajladalimitsa ¹⁴ ¿Ikatsa israel apada narsodajlika? ¿imotokada jliminali ipatajlico? ¿kuada, nañaitoni? ¹⁵ Yawi ienipe iyaka nakuete nemasho nafiokawa nite nakadaka napaite nawakatsa, jliwayakawa jliaji nayakajle kurrittsa kokan yofaka nini. ¹⁶ Natsaka napji Menfis perri nite Tafnes tsaka nayuawatsa pitsikojle. ¹⁷ ¿Korrin nanaitaka kaishaji imakakadanako jliaji piminajli Dios, jlianikadanacutua piapiya?. ¹⁸ Nite panaya, ¿kuada yawa Egipto yapowajliko nite irraka oni Nilo rrikoda? ¿kuada yawa Asiria yapowajliko irrakaro jliaji oni Eufrates rricoda?. ¹⁹ Pimatsikana ima, nite kanaikaikapoa piepaka nini piwanaka pikaojlewa jliaji matsijli, jipitidajlikani pimakawerico jliaji piminajli Dios mafiotsawa jliako jliaji tsolodaunai itajlikana. ²⁰ Nini noa nomatenina opikain piñadaa pioyaa; mikatsa pikaute; kurritsaotsa naitaka! pinitakarromi piurrokueta kakawa jipanada pekuani, jaiko yapiterrima jlinapedaliko, jliaji piwiijle. ²¹ Nuapananda pia, kaiji jlinakasho noniwanda, jliwakadajlitsa jliaji jlieke, ¿kuani jliaji piemakawa apada jlinaka matsiadajlisho makuadada jlimitsa.? ²² Ninitsa pipiyuaka kawa onirrio o pikutsoaka kawa abonisho, jliaji pimatsikana kaikarronjlitsa norso, jliako jliaji Waminajli Dios. ²³ ¿ Kuani pitaita pikaiteka: ¡noa mamatsikana dajlitsa! kurripa noakayanka napodan napji baales nai! ¡pikapa jliaji pinaitajli jamajlianrriko yakajlefepe kawa! pijipena jliaji pinaitajli, kaika piaji camellosho keyadajli shekonikawa jaitenji jarrenaji, ²⁴ Apanaa burroshoni awakadana jlirri yetsikanetsa maminajli nakawa, jirrakada ikaojlewa jamokaw kaojli! ¿cuandajli! paa jliataita jiawantaka jliaji jlirrua? mapiwatsa napji atsinai narruka jliapodan, jliawajli watsa kainokenani nauketani. ²⁵ Pirso sha pifaarroka pipaa pishopa matsapatutsa, nite mekawa tsaka piwedajliko! mitsa pikaiteka; napeyo napji tekojlepetsa nite nuakawa napodan. ²⁶ Kaiji kapaimannaka pisho jliaji iñaitokada nauketawerrikon, kiwatsa kapaimanka jliaji Israel ipanaima namintsa jliaji tajlikanatinai, naminanai nite yakape matsiadajli nite ikaitekaita apada iakoti. ²⁷ Ikatsa ikaitekape jaiko irso; ikatsa nonirrika pia, nite jipaada irso: nako piatsakakamarrainorso, pidanite takapua nua korrin piekua shoka, neyapawerriko matsiwa nakaite; pinukuenawa pimanako takaro faa.! ²⁸ Mitsa panaya. ¿akerrena napji idiote jinaitani irsowawa? ikadena nanikokawa nataitaka datsa namanakota katsa jlirrapitajli yoyaa, ima kaika namaimaa napji piomani jlimaimakasho jliaji piyakajle.Juda. ²⁹ Nite kuada, ¿pikaiteka nonaitaka matsi? piomi shaa kamatsika naperrika shaa norso, jliako jliaji wamianjli. ³⁰ Norrapiteta pia mikapantsa napji pinaikite, mitsa kirrika nepa namayakan takakawa; pimatsetamsho iwayaketa napji napji ikaitekape ikoti, kaiji apaana yawi imatsiketaka dasho. ³¹ Jiamitsa jliakaji napekipenaite! piwapa pimi norso, jliaka jliaji wamianjli! ¿ikatsa kai nuaji maminajina kawasho Israel sho? o ¿apada jipai kadaukaweriko? ¿ima naka napji yakajle, wenawa akerrekatsa, mitsa kurritsa koankaojli nadiaka pikaojle? ³² ¿Capanta rsoani wajlidarro romawadaka kaka nauya napji rsuetaka shopa, apama naino ruitaka roitaka shopa? mikatsa, namawada kaka noya aima jajledauka naniweta kana litsa ³³ Kuami pimatsie taka piapuwa pioketa karro ipeyokadaa pia, kaitsaka pikañata inipo rsotso rsuaji inarro matsite. ³⁴ Nerrana pia napji mamatsi kanapetsa, kenaperrin tsaka, naukketa niaji pinaninako, kurripetsa nauketa nañaitu kadanako. ³⁵ Mikatsa nakaite: curritsa koka nanaita; opina paa pirrua yawa teeo nooya, mitsa pikapa nodewatsa pikaojle pikaiteka wautsa; mamatsi kanadajlitsa nua . ³⁶ ¿Kuaada keyana datsa shenitaka jliaji piapowa? kapaimana watsa shaa Egito sho kaitsa kaji Asiria sho. ³⁷ Kaiwatsa pimutokawa pikapisho piwida nako nite, ima jliaji waminajli jlimakua datakka napji piepaani, curriwatsa nakitsin dataka pia nite.