¹ Ikatsa jliakuka liaji Jeremias jlirri jliaji Hilcias apaada wankauitedajli napji kakunanaperri Anatotrrika Benjamin jipaiterriko. ² Dios yako ino jlikaojle jliada jajledauka jliyada jlaiji Josias Amon irri, Juda itajlicana. trececayami kamui jlitalicanataca. ³ Linatsaka jliada jajledauka Joacin irso Josia irri, tajlikanati Judajliko, cincoka yaminja kerri, pemakayamina pakapi apewipa Sedequias irso, Josias irri. Tajlikanatikani Juda jliko, jliowali nepaca Jerusalen perri narrapitetawa. ⁴ Waminajli iako ino noikaojle, jlikaiteka: ⁵ Jlipeyatua nainitaka pai nawawajlico noniwanandena pia, jlipeyatua pimotukawa nueniita pia, noatsa ikada ikaitekaita iakoti jliaji panjirri yakajle makadajlipe irso. ⁶ ¡Ah nominaji Dios! korrin nianika kakoka noa, Ima yenpetika noa. ⁷ Mitsa jliaji nominajli jliako norso: makaitetsa yenpetikatua pia. pirso piakawa akerreka nomenaka pia, pirso pikaiteka piomi jliaji nomenakajli pinaita. ⁸ Mawiotsawa naiwana, noatsaotsa pinai nomanakotakarro pia; ikatsa jlikaiteka jliaji waminajli. ⁹ Nitedajli jlianji waminajli jlimeko jlikapi, nite jlinota nonoma, jliako: panaya nokada pinomajliko jliaji noako. ¹⁰ Panaya nokepitanataka pia narso napji yakajle nite tajlicanatinai makadajlipe, pimatsiketakarro, piduitakarro, piwayaketakarro, piemetakarro nite piapanakarro. ¹¹ Waminajli yako yokawa noikaojle, ¿koka pikapa Jeremias? nite noako, nokapa almendroikina. ¹² Waminajli yako norso: pikapentsa matsia, ima nua nowapentsa nokapawa uamika pideka noako. ¹³ Waminajli yako yokatsenka yamapia shopa, jliaco: ¿koka pikapa? nite noako: nokapa apada palangana jamodajli itsikada, jliyamawa jerri atseamete . ¹⁴ Waminajli yako norso: atsiemetawa jlinowatsa jliaji matsirri naikaojle piomi napji jajledaukajlikoperi. ¹⁵ Ima nowanaka piomi napji nakitsiñape napji itajlicanatinai aperriaji atsiametekawa jerri, jlikaitea jliaji waminajli. namotowatsao, namatsietawatsa naofakawawajlipananoma jliaji Jerusalen, papokon jliwaida nakoo, jlikuema piomi jliaji Juda. ¹⁶ Nokaitewatsa koajikana namakakapoa nua namatsicana ima, namaitakapoa pomenidajli nadiote irso, nakapua jlirso matsiadajli jlirso jliaji nanaitanda nakapisho. ¹⁷ Pimatsietakakawa! pinikowa pikaitena piomi noakatsa noakatsa imenaka piaa, mafiotsa naiwana , o noatsaotsa icadaka piofio nakapa. ¹⁸ ¡ Pikapa! panaya nokadenina pia apada yakajelwa itauñacadawa, apanaa tsipajla shoni, kaidajli iwaini tsipajla sho, nakuemawa piomi napji jipainakope, napji itajlikanatinai nite piomi jlinaikite Juda jlicope, napji naminanai ¹⁹ Nainoakawatsao pikuemawa, mitsa kuriwatsa nomaka pia, ima nowatsa pinai nomanakotakarro pia, ikatsa kai jliako Waminajli.