^{2 1} Ikatsa nuinadalji nuwapjanda; nuniwananda, ikatjimatakaita, nukada nuespíritu ljidewatsa matsiadalji nakuana nañji jipai makadaljipe. 2 Kurriwatsa ljiematjaka menljanadalji tsaka, kurriwatsa njemi ljiamán yakalijekuarriku. ³ Kurriwatsa ljimatsikaka ljiwayaketaka ljiarrukawa, ljiañji ljipika jakadalji tjakadljitsa kurriwatsa yaljinkáro; kaidaljitsa ljideka jinaitjaka matsiadalji. ⁴ Kurriwatsa mapjikán kurrin inunakani ljiwayakutsa ljinaita, matsikawa matsiadalji añji jipainako; ljinakuitewatsa nawapa yakuti ajadali. ⁵ Ikatsa ljikaiterrika ljiañji waminalji Dios - ljiñji initakaitaa Eno ljiko nite ljimakaitetjan, ljia tsaka initakaita jipai piomi nañji pjakapalji, ljiatsa yanakauleo pjomi nañji inaiki aperria añji. ⁶ Noa iiminalji, nowana matsiakalji sho noawanta watsa pikapii, nomatsieta watsa pjia narso walje nañji yakalje, kamarraikarro pjia narso nañji mepjakaoerri, ⁷ pjimeko natji nañji matjiperri, pjitakarrro presonai nerrapjitja kawa naitakawa naufau panti kadukawerriko ⁸ Natsa ljiñji iminalji, ikatsa noipjitanaka, kurriwatsa noaka matsaidalji narso nañji ipeyokapje apada. ⁹ Ikapja, ljiyapjeninao ljiaka opidaljin, panaya nokaiteke nautsa ljiañji waljidalji inulji, nokaitje linako jipeyatua ljiyapakau. ¹⁰ Ikanta waljinadalji canción wanalji irsa, yakarro matsiadalji ljiwayakakawa ljia jaljeduka, natsaka nañji tjewakaperri oni makapawán piomi nañji yufakapje ninii. ¹¹ ¡Naa yakalje nematja ljiukau jaljapuulsi rriku, atsaka ljiufakawa ljiañji Kedar, shematja itjimasho! natsaka nañji yufakapje Sela rriko ikauta, njematatza tsapa awatsadatjicutje. ¹² Nakarro matsiadalji waminalji irsu, nakaitekarro matsiakawa añji ljialjapii. ¹³ Ljiañji waminalji mutuatsau kaijii kaidadalji shoo, kaiñji kerruadalji atsia yakada owirriko shematjamatja kada jidatji sho, ljikañatjakarro ljidaa ljipjunda peé irú. ¹⁴ Opinaa makukatsa pjia katsa noa, mananipjitsa noa, ponaya, njuematautsa kaiñji kaiwidarro inarru kenipjekadanaku, nowayaketjawatsa nite namakawatsa.

¹⁵ Nometjatautsa piomi awakada jipjanadapje nowayaketsia watsana, nopjadametuaba nañji oni kadunuljiu nite nometatjausa. ¹⁶ Nite nodewatsa nañji mapjerri inipuljiku kurri kawa nañji, kurrikawa nañji inipju nudena, nopjiadametautsa kadaukadalji kamarraiwa narsu, nomayakautja watsa nañji tsikerrepjekawa, ikatsa notjaljika, kurriwatsa nomakakana. ¹⁷ Nadiwatsa napjondanljeo kapaimanawatsa najiakakau, nañji ipeyokapje ljiañji ljinapjian tsipalja shodalji, nakaitekarro ikatsa idiote kafa. ^{19 18} Jimi shaa menakuljikupe, ikapja shaa matjiperri, ikapjakarru. 19 ¿Kaitjirri ljiañji matjidalji ljimintsa nonakitjeshoo? ¿O kaidaljiañji nomenakanda shoo mjenakuljiku dalji? ¿Kaidaljiañji nokitsinda matjidaljin shoo o matjidalji kaiji wanimalji inaiketje shoo? ²⁰ Ikapjen jurre kuanpjetsa, mitsa kurrika yañji; jaljamitja jinakuljiku mitsa kurridatsa jimii. ²¹ Ljipeyo ljiñji waminalji waka matsiadalji ljiakunaku. ²² Mitsa nañaitjundan ljianji yakalje nitee napjuetjandan, nadanatjañji pjiomi narrudjaljiko, naitjañi ikau presodapjanaliku, nepjekujin moukanaperritsa, kurrin pjakapaka ikeitjefada: "idietjenana!" ²³ ¿Kaiterrida inakuitje jimii ljiañji? ¿Kukautsa jimii ljiañji inulji? ²⁴ ¿Kukau yaljiñji Jacob kañaitjiperri isro, ljioñji Israel napjuetjakarruni? ¿Kurri waminalji yandaka, kukaisro wanaitja wamatsikanawa, kurrikapue nauma naka ljinai, kurrikapua nauma nepjakatsa ljiaku? ²⁵ Nini lriarru ljirrua nanaku, ljipjakauta owishona, ljikerratja nawaida, kurrimintua nañjika, ljiwayaketjana mitsa kurrutua nepjakan.