¹ Liino nonaco liaco liaji waminalii picaitena: ² " Pia atsia irii picapaa nacoete ate liowalii niini liaji Seir pinoparotali icoete. ³ Picaite: Liaji waminalii Dios licaite atsa noa,notsa yemaa piicoete anaa piowalii niin liowali niini Seir, noawatsa noñawatsa pia; piipadamaawatsa apawee maaminaliicawatsa. ⁴ Nocaadawatsa piyacalee queenawatsa piatsa cautsa nirriwatsa piaquenawaatsa pia; piaanicadaa naatsa noaca waminalii. ⁵ Piatsa caidaliitsa maatsiaca pia naso piyacaleta Israelnai imaa pidietaapia naso nainoshoda liadapia nerapitacaolii pia nanacoqueyayanatsa. ⁶ Niiwatsa noawatsa, liaco liaji waminali Dios noa noma atsieta nootashopa nerranaa liawatsa neerrana watsalisho atsa neepondaata paotsa waa! ima maatsina nacapaawaa liicaote waapecoca nairrana, nini naanoca waapodan. ⁷ Noa waatsa naso liaji nayacalee Seir quenawaatsana ima noomacacana cocaacaotsa jiyapacawa coriwatsa liyapacawa noodietawaatsanii. ⁸ Ima noopacamitacaotsa liaji awacada, maallanperrisho piomi aji piowalii niini piomi naapia naaji mallamiripia mashetasho naainopiano. ⁹ Nocaadaana queenaana aperiweetsa pia yacalee corinatsa naowaa niini piatsa iani noaca waminali. ¹⁰ Piatsa:" Icaite llamacoa yacalee picaiteetsaca yaamaada jiipai icatsaotsa noyaapeca waawatsa waowacaotsa niini" niinicaadanaco waminaliitua waine. ¹¹ Noatoa yowaawa icatsa licaiterica waminalii Dios caitsa liaji piiroa liatsa piquerriaca liapisoli piimatsica piicapaca Israelnai picaitecaadanaco naa waapeeconiipen. ¹² Ianintsa noaca waaminali noomitsa piomi coamica ifiucawa caacoca jia naacoetee naowaocawa Israel nocaitecadanaco; natsa waamanipen noatsa nacadaqueeniina waso. ¹³ Pia pioma pianipaca nooya noocaiteri piomaa pimaimatacan liaji nocaiteri nocoete noomitsa piomi. ¹⁴ Liicaite waminali Dios liaco: noawatsa pisoquena calii niinicaatoatsa neepaite naowaa matsia. ¹⁵ Nooma maatsia naanaaniinaco nayacalen pia Israelniini ia nacadao naso cayotsa piawatsa quenecapia liipaite Seir liatsaca Edon piomina niiini watsaa naanica noaca waminalii.