¹ ljipietatsenaka ljinoka nuikaoljie ljiako ljiañji WAMNALJI, ljikaite: ² Atsianai yenipe, inoparsutena nakuete nañji inparsutakape israelrsiko ,ikaitena nañji inparsutapetsa nawaupiakeshotsa.. jiminaa ljiako ljiañji WAMINALJI. ³ Kayo ljiako ljiañji WAMNALJI DIOS, Kenaperriwatsa nañji inparsutakape mañjikaperritsa jinaitakape kaiñji Naespiritu yumakapisho, mitsa kurrin nakapaka kokakan! ⁴ ISRAEL Nañji inoparsutakape pirso kaipersitsañji Mawikalji kashapersisho, ⁵ iikatsa shaaka ljiañji Imoyetakapeka Paree ljiapana Iwaida ljiañji ISRAEL imatsietakarsuni, ljiada ljinoakakawa ljiañji WAMINALJI. ⁶ Nañji Inaiki nakapa midaljitsa ,nite nakaitepee midaljitsa .Nakaiteka, kayo ljikaite ljiañji WAMINALJI.,nite ljiañji WAMINALJI kurritsa ljimenakenka,mikatsa pakuakatsa nakadaka nañji inaiki nawapakarsu nakapa ajadaljika ljiañji nakitersi. ⁷ kurritua nakapenka midaljitsa ,nite nakaitepetakantaa midaljitsaka,nite pjia kuan pjiako ljiako,, ljiako ljiañji WAMINALJI,, Nuoaa makodaljitsa? ⁸ ikatsa kayuka ljiako ljiañji WAMINALJI DIOS,, irsukapua ikapaka ljiañji midaljitsa, nite ikashataa, Nini nuemakawa ikuetee, ljiako ljiañji WAMINALJI, ⁹ nokapiwatsa nakuema nañji inoparsutakape ikapakapee ishatishoo ikaitetakape midaljitsa , kurriwatsa newakawa nainai nañji nunaikite aymadan, (Asamblea)´kurritsakautsa wadanakana ljipaperranljiko ljipanaljikoda ljiañji ISRAEL,, kurrintsakautsa.ISRAEL, napaitenakoljieka newawa Niniwatsa nañjika nuaka ljiañji NAMINALJI DIOS,, ¹⁰ ljima ljiañji namanietakapua nonaikite nite nakaite .narsuo,imawadakena. kurrikadana namawadaka , namatsietakadana apada paree napañataka rsuni kaljisho. ¹¹ pikaite narsañji ipañatakape kaljisho, ljiwakautsawa ,.,ima iyakautsani ipiakada, nokadawatsa iyani jipakaljesho imaljiotsa ljiwakawa,nite kaulji kaidadalji iduitaljiwatsa ljiwau. ¹² pikapa ljiwatsakautsa ljiañji paree ,nakaitewatsa ,kerrena ljiakañji ipañatashopani?" ¹³ Nini ljiako ljiañji WAMNALJI DIOS ,,nokadawatsa iya ipiakada kaida kaulji iwii nuirsuasho, jipadakaljie irsuatishope nawayaketa karsuna. ¹⁴ nuoa watsa iduitaa ljiwau ljiañji paree ipañatanda kaljisho ,nobititawatsani jipairsikolje,nokatinatawatsa nañji jinaitañji jiwawatsawa iwayakakarsu nainai piomi,Niniwatsa yañjika nuoaka ljiañji IMINALJI,, ¹⁵ Nobititawatsa nuirsuasho ljiañji paree napañatanda kaljisho ,nokaitewatsa shaa kurritsa pakapenka ljiañji paree , kurrintsaka nakan nañji ipañatakapeni, ¹⁶ Natsaka nañji inoparsutakape israel irsu ,inparsutakapepia jerusalenako irsukapepia nakiteka namawadakaka,,kurridaljitsa pakapaka namawadakaka ,, ljiako ljiañji WAMINALJI DIOS ,, ¹⁷ Nite pjia Atsia yenipe , pirsetena piekua rsukuema rsuañji ljitu ljiañji piyakaljie inparsutakaita kaiñji rsuwaupiakesho, pinoparsutena rsukoema. ¹⁸ pikaitena ,ikatsa ljiako ljiañji WAMINALJI DIOS, kenaperriwatsa nañji naitepee yukokape inapanako namursewa,,,amuletos}nite nañanpa newida poimi kuañimakesho katsa,,naumashopa nepaka nañji inaiki ,,jipenaa nañji noaikite mikatsa imanakotasho patsana} ¹⁹ Shaatsa shaa nuyakaljeta jitaa papoku cebadaipokoda nite,pan itepen,inokatsa nañji inaki kurripersitsanta mayamii,yakatsa nakauljiewa nañji kurripetsa pauma yufakawa,ikashatakatsa nemiwa nañji Nonaikite ²⁰ Ikatsa ljikaiteka ljiañji WAMNALJI DIOS,.ikatsa nuoa kurrin nopeyoka ljiñji imorse,Amuletos} ljiañji inakolji jipashopa nañji inaiki kaiñji wipiarsusho,Notawatsana ikapirsikuite ,,nomakakarso Nawaa. ²¹ nuoa watsa itsawa yuya iñanpashopa jiwida,notawatsa ikapirsikuite nañji Nonaikite,kurrika rsuetsa ikapirsikona,nite watsa yañjika nuaka ljiañji IMINALJI, ²² kuada ikoyuljieta nakaulje nañji inaiki matsapersitsa ishatisho,Ninitsa kurriketsa koyuljiena,ikitsinda katsa nañji matsiperri wade ljienakawa matsikaljie Inipo,ljitaitakarso manakokani. ²³ Nini panaya shaa kurritsa ikakarsuka ljiañji midaljitsa kurritsaka ikaitepetañjika rsuka,ima nomanakotaka nañji Nonaikite ikapirsikuite ,ikatsa yañjishopaka nuoaka ljiañji IMINALJI,