¹ Pe pitsapaewi Ruben jawata, Gad beje pe jjainai binü ayai bitsaüto vaca. ² Bajara jjüata pamonae tane piaja irata jaser Gad beje, bajara pa ira bitso pejjania vaca nejja, Bajara jjüata pe pitsaewi Gad Rubenta beje ponarena pe barü kuikui jai nejja Moiseta, Eliazar Sacerdotenü, yajawa dajjita pe ewetsiwi tomara. Nejjata jumaitsi: ³ ''Ma jjua je dajjita pe wünüanü waja tae tajjünaenü: Atorat, Dibon, Jazer, Nimra, Hesbon, Eleale, Sebam, Nebo yajawa Beon. ⁴ Pa iranü waja Dioso pe be jawanü Israel tomaranü, pejjania tajjunainü vacanü nejja. Wajjaitsi, peka yawenonaiwi, jjainainatsi ayaijawa bitso vaca,'' ⁵ Jumaitsi: Itsa wajjaitsi namatajjünainatsi nita jjütua , pane to kopare baja bajara pa ira, pa nija jiwinü, be jjaniawaetsia kuenia. pütsa jane naka nikabin ejjanaJordan mene.'' ⁶ Moises jume kanawiata pe pitsapaewi Gad Ruuben bejeta: ''?Be pona pa nematapijiwita pe barü nabe wekai pijiniapajjamü pako pabame jiotaje. ⁷ ?De jjüajitsia be jamatabü kuero nai ejjanatsi Israel tomara pijiwi pe ponai nejja jawa Dioso jjua rajuta ⁸ Pajja jiwi ejjana bajara pakuienia jjua jjanü itorobajü Cade Barnea pe ira bijianai nejja. ⁹ Junaya Escol tusato jawabetsia. tane ira nejjata jamatabü kueronai ejjana Israel pijiwi bajara pakuenia nawekua itoya pejone yaniwa wajua Dioso pera jutsi ira. ¹⁰ Peka Anai waja Dioso itana tsajawa bajara pa matakabi. Bajara ponü jjania waitsia kuenia jumaitsi: ¹¹ 'JJaniajai, kaenü ata peya jawünü pitsa paena kae nü ata egipto jawabelia, veinte 20 pawai beje pejjainaiwi, apo tae tsane bajara pa ira jota to kapaebajü Abraham, Isaac, jacob, tsipajinapo ne püna ponai beje, ¹² Caleb, pejjünato Jefone cenezeonü, pijinia Josue, pejjünato Nun. Kaenü Caleb yajawa Josue ne püna pona beje ¹³ Nejjata anaipana Dioso kotia pitsapa isarel tomara yabara. jina wono paya ejjana cuarenta 40 pa wai beje poetusatota, baja dajjita pa wai beje ejjan pabisia kuene werebiaba ¹⁴ Pataema, pajjamü pana matakobame pane ajja pe kowüta , pebisia kuene bitso pe ejjanaiwi , paneto tsimata jjuabi nejja pianai ponai kuene yabara waja Dioso Isarel tomara yabara. ¹⁵ itsa pajjaü papü kopatame bajra ponü kopatsiana isarel tomara petüsatota ikatsia pajjamü ¹⁶ Nejjata, imojjoyota Moise jumitsitsi: ''Pane kopabare patato nakuenebi jawa peya karanatsi jawa jotaje pataja vaca nejja piniji tomaranü pataja monai nejja. ¹⁷ Itsiata baitsi jane, wajjaitsi yaputaya nubenainatsi waja naenü yajawa waja na ponainejja Israel piaja waja bitsa jawabelia tajjünai jawabelia Itsiata waja monai jinawana paina peya karanatsi tomarata, pekowüta itsamonai bajara pa irata. ¹⁸ Wajjaitsi apo nawiabi tsanetsi waja boo jawa ata waja namatajjünai jawabelia kae jiwi kanakujitsia Israelntomara pekuene jawami. ¹⁹ Wajjaitsi apo kana kopabi tsanetsi pa ira je bajara pamonae yajawa itsa yanapana welia jordan, tsipaji waja kuene jota nakopata itsapana werena jordan. ²⁰ Nejjata, Moise jume pita: ''Itsa pajjamü pa itsimü jjua jumaitsi, itsa pajjamü panija naenü pana jjania waetame pane na ponaijja Dioso pitabarata penabe jawabelia. ²¹ Nejjata kainü kanakujitsia nikabiana jordan mene pitabü nejewa Dioso, ata pe jjüabi jawabelia pekueyawi bajara ponü pitabü nejewa. ²² Ira baja nakafeta bajara ponü pitabü nejewa. Nejjata, Ikatsia, benawiabi. anekoni jibiaya pitabü nejewa Dioso jinawapaina israel tomarata. Nejjata meta pa ira je nija tajjünae bekua Dioso. ²³ Itsa apo pa itsimü tsane, nejjata na nekonitsiana Dioso pitabü nejewa. Pa jjanijamüre panija nekoni yabara nejjata pa namatajjunainame. ²⁴ Pa nakuenebare piniji tomaranü panija monae nejja yajawa paya tu ukubare iranü panija ovejanü nejja; nejjata pana kuenebare pane jumetaneme.'' ²⁵ Piaja wiria Gad Ruben yajawa barü kuikui jay Moise jumaitsitsi: Nija jiwi jjamü pskuenia itsi bajara pamonae pakuenia itsi tsane, umaitsi pataja, tujjanenaü bajara pakuenia itoroba. ²⁶ Waja jji, waja wanü, waja dajubi, yajawa dajjita waja vacanü nakopabiana Galaad tomarata. ²⁷ Itsiata baitsi jane, pajjanü panija jiwinü, Pa mene epa nikabianajü Dioso ptabu nejewa pata pena be jawabelia, kai pebi kanakujitsia paiaja nainü pejjainai nü, be jjamü, Jai yaja tujjanenü.'' ²⁸ Bajara pakuenia Moise kujaruba pamonae yabara Eleazar sacerdotenü, Josue pejjunato Nun, penamata kanubenaiwi piaja momae wiria jawa israel tomara. ²⁹ Moise jumaitsi: ''itsa Gad Ruben beje piaja wiria paka barü nikabiana jordan mene, pebi jiwi piaja monae penjjainaiwi barü nabe nejja Dioso pitabarata,itsa baja iran juma tejema ejjana panita büta, nejjata pajjamü pa rajutsianame Galad piaja tomara pijiwi be piaja tajjunae. ³⁰ Itsa baitsi jane apo nikabi tsane pajjamüta pija nainü, nejjata notsiana piaja tajjunai pane tutujuta canaan irata.'' ³¹ Nejjata piaja wiria Gad Ruben beje jumaitsi: ''pakuenia Dioso pane jumaitsi pajjanü, panija jiwinü, nejjata baj bajra jjua pa itsinü tsane. ³² Pa nikabianajü waja bitsaü yajawa Dioso pitabü nejewa Canaan irabelia, baitsi jane itsiata waja kuene nakopatsiana wajjaitsita jordan itabara jawa.'' ³³ Bajara pakuenia, pija wiria Gad Ruben beje, yajawa kae ira tabütopa tomarayo Manase, pejjunato jiose, Moise rajuta tomara pe ewetsinejja Sehon, Amorrewi pitorobinü, yajawa Og, pitoro Basan tomara. Bajara ponü rajuta ira, to tsana dajjita tomara jji mujjunenia yajawa. ³⁴ Piaja wiria Gad yajjania nakueneba Dibon, Atarot, Aroer, ³⁵ Atarot Sofan, Jazer, Jogbeha, ³⁶ Bet Nimra, Bet Aran be tomaranü peyakaranatsi jawanü Oveja. ³⁷ Piaja wiria Ruben yajjania nakueneba Hesbon, Eleale, Quiritaim, ³⁸ Nebo, Baal Meon -- pe wünüanü jjuakujinae to itothianatsi, -- pijinia sibma. bajara pakuenia itsa wünü tomaranü rüba penakuenebi tomaranü. ³⁹ Piaja wirianü Maquir, pejjunato Manase, pona Galaad jawabelia wekua nota Amorreowi bajara pa irata pe nübenaiwi baja jotalia. ⁴⁰ Nejjata Moise rajuta Maquir, pejjunato Manase, piaja jiwi bajara jota nakopaba othopa. ⁴¹ Jair, Pejjunato Manase, pona kanawiata piaja tomara wünü ruta Havot Jair. ⁴² Noba pona kanawiatab Kenat piaja boonünüa wünü ruta Noba,be pepo piaja wünü