¹ Jjüa kujinae ponarena Moise jawa berena pejjünatoyonü Zelofehad pejjünato Hefer, pejjünato Galaad, pejjünato Manase, jose wirianü. bajara powanü pewünüanü: Maala, Noa, Hogla, Milca yajawa Tirsa. ² Bajara powanü nubena pe wajünai werena Moise, Eleazar sacerdote nü, pe mata kaitorobiwi dajjita tomara pijiwi ena kaitüatsi bo itapata. Bajara powanü jumaitsi: ³ "Paneto tüpa pataja ajja petusato nakuata. Bajara ponü apo nukae pamonae pibisia kuene ejjanaDioso pitabarata pibisiakuene ejjana Core pijinü bana. Bajara ponü tüpa Pepo iaja nekoni yabara, bajara ponü apo jjainai pe jiji. ⁴ Detsa jjüa jitsia pe wünü pataja ajja be ikina pa taja monaimi wekua tsipaji meta apo jjainai pejji? pataja monae piaja pajja pijiwimi piaja irami pane rajure." ⁵ Nejjata Moise jume liwaisi kapona Dioso jawabelia. ⁶ Dioso jumaitsi Moise jawabelia pakuenia: ⁷ "Pejjunatoyo nü Zelofehad kuikuijai jjania waetsia kuenia. JJaniajai baja kajena, ü ne rajutsinejja ira piaja monaimi pajja pijiwimi peto puenitsi jawatsi, baja kajena ne yapütae nejja pajja pijinümi peto puenetsi jawatsi pe rajutsi jawatsi bajara pamonae. ⁸ Barü kuikui jamüre israel tomara pijiwi netsipaebi nejja: "itsa pebi tüpa pejji apo jjainai nejewa, nejjata pajjamü ü pene rajutsinejja- pekobwe kowümi pejjünatoyo nü. jawabelia ⁹ Itsa apo jjainai pejjünatoyo, nejjata pajjamü ü pane rajutsi junejja pekobe kowümi pijiya pijiwi. ¹⁰ Itsa apo jjainai pijiya pijiwi, nejjata pajjamü ü pane rajutsinejja pekobe kowümi pajja pijinümi piaja monae. ¹¹ Itsa pajja pijinümi pija juyapijiwi apo jjainai, nejjata pajjamü pa rajutsianame pekobe kowümi piajamonae imojjoyo, nejjata baja pitsiana baja ra jjüa. Bajara ma pa itane je pakato yakinatsi je paka itobatsi pejjania kuenia kuenia Israel tomara nejja, taja Dioso pakuenia nitoroba jjanü." ¹² Dioso jumaitsi Moiset: "Junare Abarin ünü jjaneto jawabetsia nejjata taename pa ira jjanü rajutajü Israel tomara pijiwi. ¹³ Netae kujinae, jjamü ata yajawa nebarü nakaituatsianame nija tomara pijiwi, nijiyapinü Aaron kuenia. ¹⁴ JJüa je kopia patsiana tsiapaji pajjamü beje apo pa ne jume kowünütsimü jua aka itorobatsi beje zin tusato jawatalia. Bajara jota, pakujinae pitsapa mera iboto jawa werena, nianai panai jawata nejjata bajara jota apo ne yaiyataimü pianekoni jibi kuenia ne ponaponai jawa dajjita tomara pijiwi pitabü nejewa." Bajara Jane maje Meriba cade piji mera Zin tusato jawata. ¹⁵ Nejjeta Moise Dioso barü kuikui jai jumaitsi pakuenia je: ¹⁶ "Dajjita peka kuene kaujüpainü, Diosomü, dajjita epiritu dajjita nakua piaja Dioso mü, pa itapere kai peebi waja tomara pijinü, ¹⁷ Ponü peebi ba pitsa palia ba joneya nua bajara pamonae pitabü nejewa baja mata kaponaina pepitas pai jawabelia nejja pejone jawaberena nejja ata, nija tomara pijiwi penakopabi yaniwa be ovejawi pe ewetsinütsi ba apo jjainai." ¹⁸ Dioso jumaitsi Moista: "Pire Josué pejjünato Nun, bajara ponü jawata ponapona taja epiritu, bajara ponü jawabelia nakobe buare. ¹⁹ Eleazar sacerdotenü pitabarata nure dajjita tomara pitabünejewa, bajara ponü itorobare pe itorobi ponaponai nejja. ²⁰ jjamü ü peka yaiya tai ejja bajara ponü, bajara pakuenia nejjata dajjita israel tomara pijiwi jume kowünütsianatsi. ²¹ Bajara ponü najetarukaena Eleazar sacerdote nü pewajunaya pe jaitsi nejja pakuenia jjanü itobarajü urim jawata uaitsi tsane. Bajara ponü baja itorobi baja pitorobi kuenia jiwi jone nejja ata pepitsapaenejja ata, bajara pakuenia ponü ata dajjita Israel tomara pijiwi ata, dajjita tomara pijiwi. ²² Nejjata Moise jume kowünüta pakuenia Dioso otorobatsi. ²³ Nejjata Josué pewa junaya nuka sacerdotenü dajjita tomara pijiwi yo beje yajawa. Nakobe buata bajara ponü jawabelia itoroba Jane baja pitorobi nejja, pakuenia Dioso itorobatsi pe ejjana ponaponai nejja.