¹ Balaam jumaitsi Balac javabelia: Nakuenabare jjanüü nejja altares yaajava jja nivaetsiename kae kobebeje anijava yaajava toros yaajava corderos. ² Balac ejjana jjüa itorobatsi Balaam bajaarajua kujinae Balac yaakava Balaam Barayaya rajuta kaejava toro yaajava kae cordero yaajava altarta. ³ Bajara kujinae Balaam ma jumeitsi Balac: Nukare imojooyo nerajutsijava petajue javata nukare yaajava jjanüü ponaenajjü. Diosonü renatane velia namatajü na jitsipame. Dajjita jjua bajara ponüü netsitajütsiana jjanü katsi paebianatsi. Pakuenia jjumeitsi, penüü pona taajü iboto matatütatsia nukaya ajivi naejava. ⁴ Abajjü pakujjinae nukaya, Dioso kajjitara butsi, yaajava Balaam jumeitsi: "Jjanü nakuenabajjü kaekobee anijjava vejje yaojavan ibo matatü nakuena bajjü, yaajaba jjanü baruyaya rajutajjü kae toro yaajaba cordero. ⁵ Dioso pe jjume livaisi rajjüta Balaam yaajava jumaitsi tsi: "Naviatsima Balac yaajava kueikueijamure ponüü javabelia. ⁶ Pakuenia itsi, Balaam naviata Balac, nuka iimojooyo perajjutsijavata pe irra oe tajjutsijavata yaajava nuka dajjita peitorobi Moab yaajava nuka ponüü. ⁷ Bajarajüa Balaam tajjü jjü aba pekueikuei jaba pe jumelivasi paebinü yaajava jjumeitsi. "Balac berena ne barüpo name Aram, ponüü pena mata kanukaenü Moab unüberena pe pitsa paenü vetsina juamegto pitsapa. Najjatsia, pebisia kuene to rure jjanü jjumeitsimü, lia mure Israel penanekonitsijume rajjuta. ⁸ ¿Dejjutsia jjanüü pevisia jume pamonae Dioso pevisia jjume apajjumeitsi. Dejjütsia jjanüü jumeitsi ni tsipae pamonae Diosonü pevisia livasi apa jumeitsi? ⁹ Iboto jumavetsika taenuka jũ jjanü; taenukajũ jjanü pejumatsütobetsika ma penüü. Taema jjane pa tomara jjinonopa tajjü yaajava apa yapütae pamonae majje pa tomarata nakua jivi apa pe jjujmetaebi. ¹⁰ ¿Ipatsa kuene kaüjüpae jitsipatsi Jacob pija üpumana, ponüü depatsa penamatajütsijava apa kaüjütsipaetsi Israel tomara? jjema túpajũ pakuenta jivitonü túpa jjanibaetsia. Ne nopare ponüü pakuenta tüpa, majje janü pakuenta tüpajjetsienü. ¹¹ Balac jjumaitsi majje Balaam: De ma ne itsimü, jjanü majje kajjuntatsi pevisi jjume ne jjumeitsi mejja tajja vajabitsaünü, ne jjumeta, jjamü janiavaetsia kuene taneme. ¹² Belaam jjumepita yaajava jjümeitsi: Jjanüü bitsi jjanibae tsi tajja jume pejjania livaisi Dioso ne jume ruta pejjania livaisi ta kuaikuau nejja. ¹³ Pakuenia itsimu Balac majje jjumeitsi: najjatsia pejjania kuene ne ejjanare, renamure pontsiveje itsa javabelia jjanivaetsia ne tae nejja. Saya tanene kajjabata pe jinonopaebi majje pamonae. Dajjita apa taemü; bajara jota jjamü pevisia jume jumeitsimu tane jjanütajja jjamatabüku ene. ¹⁴ Pakuenia itsimu, ponüü Barupona majje Balaam wayapjo javabelia pona Pisga, yaajava nakueneba kaekobe anijava yaajava ibojumata nakuenaba. Ponüü na jume rajuta kae toro yaajava kae cordero majje pa iboto jumata pe nubi nejja. ¹⁵ Bajara Balaam jjumaitsi Balac: Jota nukare majje petajuevabata ne rajjutsujava, jjanü namatajunajũ ta barü kueikueineja. ^{18 16} Pakuenia Diosonü namatajüna Balaam yaajava ruta pekuibojotota livaisi to rutatsi. Ponüü jumaitsi. Navieremeka Balac yaajava jumeitsimure tajja liavaisi. ¹⁷ Balaam naviata ikatsia majje ponüü yaajava tane, ponüü nuka perajjutsijavata petajuejavata nuka yaajava pemata kanukaenu Moab yaajava nuka beje ponübeje, yaajava Balac jumaitsi ponüü javabelia: "¿Detsa jumeitsi vajja tüjjanenüü? 18 Balaam tajjujuova pe kaponae livaisi ponüü jümaitsi. Nantapunare, Balac yaajava ne jjumetaema, nejumetaema jjanü, jjamü pejjünato mü Zipor. ¹⁹ Dioso raja apo jivitonü, pena jumetsinütsinejja , apo peebinua, pe najamatabü jjanetsi nejja. Ponüü majje peitorobijava itsakuene jume livaisi majje peitorobijava itsakuene jume livaisia majje peitorabijava ejjana. ²⁰ Táema, jjanü ne itoroba pejjanía livaisi taka tsipaebinejja. Dioso pejjania livaisi netsipaeva, jaajava jjanü apa jjitsinae nü akuenevita pekana biatsijjava ²¹ Bajara ponüü apo tae itsa livaisiyo Jacob to taenü Israel pevisia livaisi, ponüü vajja naka matakaenukaenütsua vajja Diosonü nukaya pamonaeta, yaajava vavajay majje jota peka matakanukaenütsi ponapona pamonaeta. ²² Diosonü jjurena Egipto berna dajjita saüta jjurena ve buey ve yajenü saüta. ²³ Jacob apa tsijjopaesi dopatubi pejümali, yaajava ajibi rajja pejamatabükueneta peyaputaenü pejjamatabü bijjieniba Israel tomara, namatajüpayatsipaeba Jacob bejje Israel ¿Taema Dioso jüa ejanaje? ²⁴ Taema, pa tomara naya jivi kaaranta ve kuliwakua newütjü. Pakuenia kaliwakua ne wütjü ba pitsa pa nayaajivi sine, ponüü majje apa majjita nukae itsa apa jjae, itsa apa apae pejjana itsa jjua ponüü ma veyajjuaba. ²⁵ Bajara jua kujinae Balac jumaitsitsi majje Balaam: pütsa jumeitsimü pebisia jume, pejjanía jume pütsa jumeitsame . ²⁶ Beitsijene Balaam jumepita yaajava jumeitsi raja Balac: ¿apa kajumeitsitanetsi dajjita jüme jua Diosonü ne jumeitsi ka jumeitsitane. ²⁷ Dejjua ejjana, Balac jumepita Balaam. Najjatsi renamüre, kakaponaentsi itsa javabelia Dioso meta tsipae jjanepana jitsi pütsi jjamü jumeitsímü tane. ²⁸ nejjata Balac itoroba Balaam iboto jumatsia unütatsia Peor, vetsika taenuka ta jetabo wayapjo. ²⁹ Balaam jumeitsi Balac: nakuenabare kaekobe anijava iboto jumoyota ejjanare pabürü jota yaojava jjaniwaere kaekobe anijava yaajava toros yaajava kaekube anijava yaajava corderos. ³⁰ Nejjaata Balac nakuenaba pakueni Balaam pakuenia jumeitsitsi; rajjutsiapaeba kaejaba toro yaajava kaejaba cordero iboto jumayata pebürü jümata.