¹ Bajara pamonaenejja tsane pabisia jamatabükuene pekasaüvi, pamonae ata apo siva majitsi pabisiakuene pe itsi javanejja. Bajaya kunua itsi tsipaji jjaina piniji saüjamatabükuene. ² Bajara pamonae jitsipa vayapjo pepitsinejja; Bajara pamonae bojji jitsipa pepitsinejja.Bajara pamonae pebi jamatabükuene kajinonopa pija boyajava, bajara ponü pekabekowü yajava. ³ Bajara pakueniata, PETUJJANENÜ jjua jumaitsije: "Pataema, imojjoyo vajünae rabaja jjanü pabisiakuene takarenajava ma paviria javaberena, pakuenia pajjamü apo pavekua panepaemütsane pabisia kuenejava. pabisia jamatabükuene java beria paya nabüjjütsutsianame apo paya jinonopaemütsane. ⁴ Bajara pamatakabi panekueyavi pakayavunüa najjüanaena, büjaya detsameta itsi jaitsane. Bajarapamonae najjuanaena: Vajjaitsi Israelita vitsi bitso bijiabitsi; PETUJJANENÜ neto jjanetsiana taja tomara nakua. ¿detsa pakuenia bajara PONÜ nevekua pitsiana? ¡bajara PONÜ tsikabetsana vaja vayapjuanü pekajematsivita!" ⁵ Bajarapakuenta, pajjamü,bitso palata jjainaevi, apo jjainaetsane pejji petsikabetsanaenejja pija nakuanü apo jjaenaetsane suerte PETUJJANENÜ ta. ⁶ "Pütsa jema livaisianü papaebame," bajarapamonae jumaitsi."bajara pamonae apo bepaebi jema livaisi; pabisia livaisi apo bekaponae." ⁷ ¿Pepakuene Bepajumaitsimü, Jacob pe kuene:"PETUJJANENÜ pija Espíritu anaipona? Pepakuene kajena jjuaje pekobekawü?" Nejjata metakajena talivaisi itsa jiviyo ata apo tsijjaneponaetsi rovia peponaejiviyo? ⁸ Pakujinaeta taja tomara ne pekueyanü ejjana. Pejuma pananü pavekua juma notame, penejjatabijava, pamonae pona apo nakuene itajübinejeva, bevajabitsaü kuenia naviaba najetarubena alivaisijibinürabaja pejai jamatabü kuene. ⁹ pajjamü pajukame taja tomara piji petirivanü papekatsita jjaneponaejjae pija bo pijivajji; pajjamü kajena pavekua ajibi ejjaname tsikiri nakuetojji vekua taja bendicion dajjita matakabi javaberia. ¹⁰ Pananatapunare paponare, tsipaji pajjamü panepatsinejja ajibi jotaje, panepabisia jamatabükuene java ¹¹ Itsajiviyo itsa paka imojjoyoba jema jamatabükuene pakayamajjü itorobiaya jumaitsi:"Jjanü raja paka tsipaebianatsi vino java pe apaemenesaürajavanua,"bajara ponü nejjata taenatsi be profetanükuenia ma patomarataje. ¹² Jjanümeta nejjata paka barü nakaituanaenatsi padajjitamü, Jacob. pajjamü pa Israel vimü pakabarü nakaituanaenatsi. Padajjitayomü paka kaituatsianatsi be pa ovejajjimü. ¹³ n