¹ Petujjanenü jumaitsi Moisés javabelia: ² Jumatsimüre Israel tomarra pijivi: Itsanü ata Israel tomarra pijinü itsa nakua pijinü pena ponaponuvi Israel nakuata itsa rajuta nakoji yajuno rajuta Moloc javabelia, jjanevaitsia kuenia betüpabe nuta pebeya juabinejja bajarra pa rapijivi betsekonu ibonuta. ³ Jjanü ata nekua itobarra punü yorrotsianajü bajarra papebi vekuu, navekua tsatsianujü bajarra pija tomarra vekua tsipaji nakojji yayuno rajuta Moloc jabavelia, dejjuitsia neto bijianametaja Santo tajjünae, nevüne bijianame taja Santo vunü. ⁴ Itsa bajarra pa irrapijivi navekua itajütatsa kebiena bajarra pa pebi itsa nakojji yajuno rajuta Moloc javabelia, itsa apobeya jjuabi, ⁵ nejjata janü tajakuirruta nutsianajü ta itabarra ta papebi vekua yajava pijamonae yajava jjanci nuvekua. Tsatianajü barrá ponü jayava dajjita pamonae penamata yajitsivi nejja pijakuata, pena itsinejja pena matayajitsiva Molochaita. ⁶ Pamonae pena viabivi bajarra pamonae javabelia pe barri naliveisivi petüpevi, pamonae ata pebarrinali veisivi peyativi pena mata yajitsinejjü pija kuata bajarra pamaeta, jjanü rutsianajü taja kuijiruta ta itabarra bajarra pamonae vekua, nejjata jjanü navekua tsatsianajü pija tomarra vekua pajjamü bepana jumatabü kuene jjane vuetame, yajava pa Santo vimarre, tsipajirraja jjanü panija Dioso tujjanenunü. ⁷ Biji rajane pana jjamata kuene jjene vairre pajjamü yajaba pa Santo vimurre, tsipaji raja jjanü panija Dioso tujjanenunü. ⁸ Pajjamü be pajjane vaetame pata itorrobi livaisi yajava be pa jino nopame pekuenia paku itórrobaatsijjane raja peta jjanenünü jipatsa pakatsata pakuenia Santovi. ⁹ Dajjita pamonae itatü paejanita pajju pena ata be tüpa. Bajarra ponü tsipaji ita tupaejanita pajja pena ata nejjata bajarra ponü nanekonita, bajarra ponü natsi jeita petü paejava. ¹⁰ Ponü papebi itsa to barrimejita itsanu pijavá, marra jjüaje, itsanüata itsa itsi barrimejita pijava peya pütaenü pena mata yajitsinu o ponu matajitsiva bajarra pajivibeje tüáena. ¹¹ Pa pebi barri mejitsiena pajja pijava tsipaji apo yeitae pija pajja. Bajarra pajivibeje, lpakuenia pejjunato yajava, bajarra pamonae natsi jüta pijakuata petü paejava. ¹² Itsa pebi barrü mejita pekopena, bajarra pajivi beje betapa. Bajarra pamonae pebicia kuene ejjana. Bajarra pamonae natsi jeita petu paejava. ¹³ Pa pebi barrimejita itsa pebi pakueniapetirrivab kuenia, bajarra ponü beje ejjana pebicia kuene. Baja ponübeje natsijetia petüpae kuene. Tsipaji bajarra pamonae nanekonita nejjeta be tüpa. ¹⁴ Itsa pebi pita petirrivá itsa java pita pena ata, marrajjuaje pebi ciakuene.Bajarra pa jivibeje bena tajuita, bajarra ponü yajava petirrivá, pe ajibinejja pebicia kuenia pajju müta. ¹⁵ Itsa pebi barrimejita dajubi bajarra ponü natsijeita petü paejava, pajjamü bepabeya jjuubame bajarra pa dajúbü. ¹⁶ Itsa kae petirrivá imojjoyota itsa yajunünü dajubi pebarri mejitsinejja bajarra ponü, pajjamü pabeya jjuabiana me bajarra pa petirriva yajava bajarra pa dajubi. Bajarra pamonae natsijeita pijakuata petüpaejava. Tsipaji bajarra pamonae naenkonita, nejjata be tupa. ¹⁷ Itsa pebi barrimejitu peyapijivá, pakuenia pajja pejju natoyo o pena pejjünatoyo itsa barrimejita bajarraponú, pijinü bajarrapo itsa barrimejita bajarraponü, bajarra jua raju peurra kuene. Barra pajivibe tsatsianatsi dajjita jivi pibünejava pija tomarra vekua, tsipaji barrimejita peyá pijivá. Bajarra ponü kaponaena pija nekoni. ¹⁸ Itsa pebi barrimejita petirriva pona bajjónabivá itsa barrimejita. Bajarra ponü itsa tane pena bojióno bijivá, pejjana pejjaenaejava.Bajarra pajivibeje navekua tsatsianatsia pija tamarra vekua. ¹⁹ Pajjamü apo be barri majitsimü peyapijiva ena, o ajjapeya pijiva, tsipaji pajjamü apo payeyitaimü panija monaenü imojjóyo. Pajjamü, Nejjata pajjamü paniju kuata pana nekonitame. ²⁰ Itsa pebi barrimejita, nejjata apo yeiyatae pajjayó. Itsa bajarra pamonae tupaena nanekonotsi ejjanaenajü bajarra pajivibeje. Itsa bajarra pamonae tü pena jjanü pitsianájjü itsa kuene java pejji pija java minejja pajja pekobekovi. ²¹ Itsa pebi pitsiana pijavá pija bananci itsa abajjü aceü tsaponaponae, marraje vaja urrakuene.Bajarra ponü apoye yetae pija bananü. Nejjata jjanü pekua pitsianaju pejji yajuno pekobekouvü pejjeina kuenemi bajarra pamonaemi pepitsi javami nejja pajja pekobeko vümi. ²² Pajjamü be paka jinono pome taja liveisi pakuenia pa itorróbatsi yajava pakenia pa to naliveisi kopa tatsi: Pajjamü be panejume kovünütame tsipapji puirra itsa jota jjonü nukajü kaponajü ta pona ponae nejja pütsa paya kabame pajjamü. ²³ Pajjamü apobe panube panubeneja nenuemi kuijjirru kataya bajarra pa pakua pijivi, tsipaji raju paka vekua jutsianatsi pajjamü pone itabünejjava, tsipaji bajarra pamonae ejjana dajjita bajarra juanü, nejja jjane apo netsita jjaeponae. ²⁴ Jjanü jumeitsinü pajjamü nejja: "Pajjamü pana tsianame baja pa irra; jjanü pakarra jutsianatsi pajjamü paniejava nejja, pairra pena votsi java jechirunü yajava bana ranü. Jjanü raja panija Dioso tujjanenünü ponü paka tsat pajjamü itsa tomarra vekua. ²⁵ Nejjata pjjamü be yaputaneme dajubi peajjuirra jjbinüanü yajava pe abenianü, yajava pakuenia pepunaevi apo pejja neponaevi. Pajjamü apobe pana jamata kuene bijionaemü bajarra pa dajubienüta o pepunuevita o itsanüata peyeivanaenü irrata, tsipaji tstaju apo pejja ponaejjae pa jjamü nejja. ²⁶ Pajjamuruju pa santo vimü tsane, tsipaji jjanü, petujjanenunü santonunü, jjanu raja paka tsatatsi pajjamü itsa tomarra vekua, tsipajirja pajjamü batajvimü. ²⁷ Kae pebi o kae petirrivá itsa barri kueikuijei petü paivi o barrikuükuijei peyativita, bajarra pa jivibeje be tupa. Bajarra pa tomarra pijivi betsekona ibotono nuta, bajarra pa monae nanekunita nejjeta be tüpa.