¹ PETUJJANENU naeta bara buota Sara jawalia, pakuenia jumeitsi pe itsinejja, yajawa PETUJJANENU itsi Sara pakueia jumeitsi. ² Sara to nakojjita yajawa rajuta kaenu pejjunato Abraham perujunuta, pa epato to ruta Dioso pieja liweisita. ³ Abraham wunu ruta pejjunato, peto naejjanae nutsi, Sara peto ejjanaenutsi, Isaac. ⁴ Abraham koukuta pebo kopieyo pejjunato Isaac itsa jjeina ocho pa matakabibeje, pakuenia Dioso najume rajuta. ⁵ Abraham jjeina cien pa weibeje itsa pejjunato Isaac na ejjanareka. ⁶ Sara jumeitsi: "Dioso ne juojuojei ejjana, dajjita itsa jumetaena baru kaponaenajü." ⁷ Powa yajawa jumeitsi: "! Depatsa jumeitsi tsipaetsi Abraham Sara pena mi abatsinejja pejewajji, !yajawa, itsieta, rajutaju kaenu pejjunato perujuu epatota!" ⁸ Tsikirinüyo witsaba yajawa nami kopatsi ejjanatsi, yajawa Abraham itsi pejjaejawa jjaneto pa matakabi Isaac mito apo apae. ⁹ Sara tane Agar pejjunato egipciawa, Abraham peto nakojjitsiwatsi, pe kaponaejawatsi. ¹⁰ Nejjata powa jumeitsi Abraham: "Nieja pienewa yajawa pejjunato kapitsapare: Tsipaji nieja pienewa pejjunato apo najjeinayabi tsane tajjunatota, Esaac." ¹¹ Pakuenia bitso isita abejetsi Abraham pejjunato yabara. ¹² Itsieta Dioso jumeitsi Abraham: "Najamatabu jjeinaejitsipame pejewajjinu yabara, yajawa niega pierewa ata jumetaema pieja liweisi dajjita peka jumeitsi jawa powa bajara jjua yabara, tsipaji Esaac jawata niega wiria kato nawunujonaena. ¹³ Jjanu ata pakuenia itsinutsane nieja pienewa pejjunato ayei nakua tsane, tsipaji ponu nejjunato tsanajetarukae. ¹⁴ Abraham bajaya kunua nounkota, pita pan yajawa mera bu yajawa rajuta Hagar, tsi juma rutajjuobika. Ponu rajuta pejjunato yajawa tajubelia itoroba. Powa pona yajawa jinaruta Beerseba tajetabo tusato nakua. ¹⁵ Itsa merabu to ajibitsi, powa puenteta pewujuoto naemujjuranajji bujjupana. ¹⁶ Nejjata powa pontaba, yajawa ekareka be kaejewa wekua ponu, pakuenia bitsabi nae robota, jumeitsi: "Ne kopare ne tae ajjanaejitsipame itsa tüpa pa pejewajjinu." Itsa powa eka pe itabarata ponu, powa wawajei ayeikueneta yajawa natsi nua. ^{17 18} Dioso jumetame pejewajjinu pe jume, yajawa Dioso pieja angelnu junata Agar itabojjo wetsika, yajawa jumeitsi: "¿Dejjua najamatabu jjeiname, Agar? Junawijitsipame, tsipaji Dioso juetame pejewajjinu pejume pe ekae jawata. Nountapunare, isa pire pejewajjinu yajawa itabara ikinajjuore; tsipaji jjanu ayeinu ejjanaenajjü ira nakuota." ¹⁹ Nejjata Dioso wupata peitajjutobeje, yajawa powa tane mera najato. Powa liatsatabi yajawa merabu wunutaba, yajawa rajuta pejewajjinu pe apaenejja. ²⁰ Dioso baru ponaponatsi pejewajjinu, yajawa witsabatabaya. Ponu ponapona tajetabo yusatota yajawa witsabi pe kaponaponaenu. ²¹ Parán tusatota ponapona, yajawa pena to namatajjuna petiriwa Egipto ira jawata. ²² Bajara pa matakabi nejja Abimelec yajawa Ficol, pieja Capitán nu bajara pa ejercitiwi, baru kueikueijei Abraham, jumeitsi: "Dioso kabaru ponapona dajjita jawa jjua itsimu. ²³ Akonojjae, ne jumeitsi, neto najume kateire Diosota putsa neya mujju itojorobame jjanu, tajji ata putsa, yajawa apo tane to naejjanaewi. Netsitajure jjanu yajawa pa ira itsa ponaponame kae jume kuenia jjanewaitsia jjanu katsi itajutatsi." ²⁴ Abraham jumeitsi: "Bajara pakuijiruta tsane." ²⁵ Abraham yajawa jumeitsi Abimelec jawalia mera mutju jawa pieja pienewi Abimelec pe wekua pitsijawatsi. ²⁶ Abimelec jumeitsi: "Jjanu apo yaputaenu pajiwiyo pe itsijawa jjua. Jjanu apo ne jumeitsimu bajayayo u akonojjae; jjanu apo jumetaenu matapania ajena. ²⁷ Nejjata Abraham nota ovejawi yajawa bueyewi yajawa rajuta Abimelec, yajawa bajara pajiwibeje nakobe rajuta kaekuenia. ²⁸ Nejjata Abraham tsata rebaño jawata siete pa coderowanu. ²⁹ Abimelec jumeitsi Abraham: "¿De jumeitsi jjua siete pa corderowanu ne tsatsiwi itsa wanujawata?" ³⁰ Ponu jume pita: "Pa siete corderowa pitsiename takobeta, tsipaji jjanu nejja neto pejjania liweisi, jjanu pa mutju kueyapentajü." ³¹ Yajawa ponu wunu ruta bajara pa nakua Beerseba, tsipaji bajara jota nakobe waitababeje. ³² Nakobe waitababeje pacto kuenia Beerseba jawata, yajawa nejjata Abimelec yajawa Ficol, pieja Capitán nu ejercitowi, nawieba Filisteo pieja irabelia. ³³ Abraham uba nae bakabo tamarisco Beerseba jawata. Bajara jota ponu jitsipa PETUJJANENU, Dioso dajjita jebi pe nakaenu. ³⁴ Abraham ponapona be seikayanu Filisteowi pieja ira jawata aye matakabi jebi.