¹ Nejjata, Jose apo najamatabü kuene kaitaitsi jawa piaja jiwi peyajawa nukaewi bajara ponü. Bajara ponü jumaitsi ayai jumeta: "Dajjita pa pitsapare." nejjata kai jiwi ata apo nakopatsi pakujinae José nayapütai ejjanai jawata pemata pijiwita. ² Bitso nua bajara ponü aya jumeta, jumetanetsi Egipciowi Faraon pija boopijiwi ata jumetane. ³ Jose jumaitsi pe mata pijiwi jawabelia: "JJANÜ raja Josenü. ¿Abajjü tsaja asaü tajja?" Pemata pijiwi apo jume pitsitsi, tsipaji bajara pamonae nabenajaka pitabarata. ⁴ Nejjata José jumaitsi emata pijiwita: "Pane kujibaremena, jjanü jawaberena, pejjania kuene paneto ejjanare." Bajara pamonae nejjata na imojjoyoba. Bajara ponü jumaitsi: "JJanü rabaja nejuyapijinü Josenü, ponü paka najetajjuabame Egipto nuka pijiwita. ⁵ Aekonojjaeta, itsiata pütsa pana siwa jamatabü büjamü bajara jjua yabara pane kanajetame jjotaje, Tsipaji jjanü Dioso nitoroba pane wajünaya pa taka ewetsi nejja. ⁶ Pa najua wai beje janibo bitso irata ya bokaina abajjü akueyabi pa wai itsa abajjü apo ubi nejewa apo jaitsi nejewa. ⁷ Dioso nitoroba pane wajünaya pataka ya ewetsinenejja bee penakopabiwi kuenia irata pane asaü tsawana pai nejja pa peka kopawi kuenia. ⁸ Nejjata, pajjamü apo pane itorobomü berenaje, nitoroba Dioso; bajara ponü nekopata be pajja kuenia Faraón, dajjita pejjainainü piaja bota yajawa pe itorobinü dajjita Egipto ira. ⁹ Najjatsiyo baja jane pa ponare tajja jawabelia pane tsipaibine nejja: ma pakuenia jumaitsi ne jjünato José: ´Dioso ne kopata ta ewetsinejja dajjita Egipto. ikatsia bajara jjüa kujinae pa ponainame jjanü jawaberena najjatsiayo kuenia. ¹⁰ Pa jinawana painame Gozen piaja irata jjanü imojjoyo jawata, jjamü, jjamü nejji, nejji pejji nija dajubi, bitsaüTo yajawa dajjita nekobe kowü ne jjainai jawa. ¹¹ JJanü karajütsianatsi bajara jota, tsipaji abajjü sajina akueyabi pa wai beje janibo nejja, bitso ne bijiobi yaniwa; jjamü, jjamü yajawa nijamonae jjü jjainame.´¨ ¹² Taima, nitajjüto raja tane, nijuyapijinü Bnejamin raja pitajjüto tane ata, pe kuikui jaijawa ta kuibojoto pajjamü jawabelia. ¹³ Pajjamü pa jumiatsimü tsane tajja jawabelia pakuenia jjanü ne yaiya tane dajjita Egipto pakuenia baja pajjamü pataneme. pajjamü baja bitsojiniya kuenia paneto barü ponai inaremena tajja ma berenaje.´¨ ¹⁴ Bajara ponü nejjata wü waitalia pe juyapinü Benjamin aüaüjai, nejjata Bejamin pemataoijinü Bajara pakuenia wüwaitabalia najua aüaü jai beje. ¹⁵ Bajara jjua kujinae dajjita pemata pijiwi itabara tsutsuba barü aüaüjai dajitayo. bajara jjua kujinae,dajjita piaja monae barü kuikui jaitsi. ¹⁶ Nejjata dajjiata jiwi tanetsi bajara jjua tsipaebalia piaja bo jawabelia Faraón: ¨Pe patsi jawa José pija monae.¨ Nejjata bajara jjüa itsa jume tane bitso Faraon jamatabü barüya dajjita yajawa pa monae ata peyejawa nakuenebiwi. ¹⁷ Faraón nejjata jumaitsi José jawabelia: ¨Jumaitsimüre pe itsi nejja pakueniaje. paka ponare baja panija dajubi pa nare baja Canaan irabelia. ¹⁸ Pa barü ponaremena panija ajja, yajawa panija monae berena pa panareje jjanü jawaberena. JJanü paka rajitsianatsi dajjita kuene pejjainai jawa Egipto ira pa jjainame pejjania kuene bajara pa ira pe jjaina jawa. ¹⁹ Nejjata jjamü itorobianame pakueniaje: pekaponai nejja pa nore karetanü Egipto ora wekua pane jji nejja yajawa panijawa jiwi nejja. panija ajja baja pa barü ponaremena. ²⁰ Pütsa jamatabü büjai pe kobe kowü nejja, tsipaji jjua dajjita jjaina Egioto ira bajara jjua raja pajjamü nejja. ²¹ Bajara pakuenia raja itsi Israel pejji. Nejjata José rajüta karetanü pakuenia itoroba Faraón yajawa rajuta pejjaijawa pejjai nejja namuto epatua. ²² Dajjita bajara pamonae yajawa rajuta penajjatabi nejja, baitsi jane Benjamin rajutatsi tresciento pa palatanü yajawa akueybi pa pana jjatatsine nejja. ²³ Pijinia bajara pakuenia pajja nejja to itoroba diez pa burro beje pejuma ponaiwi dajjita kuene pe jjainai nuanü jjua jjaina Egipo ira bajara pijinia bajara pakuenia diez pa mula beje Üpe kaponaiwi pejjai jawa dajjita kuene pejja jawa pajja nejja pe jjainejja pajja namuto epatua. ²⁴ Bajara pakuenia itoroba pemata pijita. Bajara ponü jumaiti bajara pamonade jawabelia: putsa namuto epatualia pana bijatae najetarübename ²⁵ .¨Nejjata bajara pamonae pitsaba Egipto wekua nejjata baja pata Canaan irabelia pajja Jacob jawabelia. ²⁶ Bajara pamonae jumaitsi pajja jawabelia José pe ponaponai jawa abajjü pakuenia nua bajara pa ira eweta ponapona bajara pa nakuata. ¨nejjata ajamatabü kuenejiwi tsipaji bajra ponü apo jume kowütsi bajara pamonae pe jumaitsi jawatsi. ²⁷ Nejjata bajara pamonae tsipaeba dajjita jjua José jumaitsi bajara pamonae jawabelia. Nejjata itsa Jacob itsa tane karetanü José pe to itorobi jawatsi bajara ponü nejja. ²⁸ Israel jumatsi: jjanepana rabaja. José tajjunato abajjü asaü. panainajü ta tai nejja ta tüpai wajunaya.