¹ Najua angelenü beje pona beje Sodoma jawabelia merrawi,Lot pe ekai jawata Sodoma baupata, Lot nejjata itsa tane bajarra ponü beje nonota püna pe namatajjunai nejja bajarra ponü beje, irrataitsia jumaitsi. ² Bajarra ponü Jumaitsi: '' Itsiata baja pejjania kuenia pata ne ya ewetsianümü beje, pa ponarre beje itsiata taja bo jawabelia, bajarra joyalia merrawi pana kopatsianame beje, yajawa pana tajju kiatsianame beje, nejjata baja bajayakanua pa ponainame beje psnija namuto beje. ''Bajarra ponü beje jumepita beje: ''jume, itsia rabaja tomarra panabo tutujuta jawata payanianainajaü beje.'' ³ Itsaia baitsia jane ikatsia jumaitsi ayai jumeta, nejjata bajapona beje bajarra pnü piaja bo jawabelia. Bajarra ponü seta pejjai yajawa perri perreba malisika jawa bajarra jua nejjata bajarra pamonai. ⁴ Baitsi jane pe majitsi wajunaya bajarra pamonai, Sodoma tomarraa piji pebi jiwi, bo ya mata toyorrota, peéjanawi bajarra pakuenia pena werretsiwi, dajjita tomarra piji pebijiwi. ⁵ Bajarra pamonai junata Lot, ya jawa jumaitsitsi: ''¿Dejota nuka beje ponü beje pona jjamü jawaberrena ajena pa merrawi? woyofua berrena kapitsaparre, pata barru majitsi nejja bajarra pa jiwi beje.'' ⁶ Nejjata Lot pitsapa baupa jawabelia jjua kujinai baupa jjatata pe pitsapai kujinai bajarra ponü. ⁷ Bajarra ponü jumaitsi: ''Pejjania kueni pa ka jumaitsitsi, tajamonainü itsiata, pütsa pabiasia jamatabü bejenü pa najamatabü jjainame. ⁸ Pana taima. jjanü raja jjainajü najuawa beje tajjunatoyo beje apo pe barrü majitsiwa beje pebijiwi, paneto koparre, jjania waitsi, patakato kapitsapai nejja beje pajjamü nejja, nejjata pajjamü pane itsi nejja pa peka tsita itajjuto jjane panai kuenia. Itsiata baitsi jane ma pa itsakuene ejjaname beje ma pa pebi beje, tsipaji bajarra ponü beje rena beje taja bo büjjupana berrena.'' ⁹ Bajarra pamonai jumaitsi: ''¡Natijjirre!'' Yajawa jumaitsi Bajarra: ''Ma ponü berrena itsa jawa werrena, ¡nejjata ikatsia naitithiana jawa jueznü! nejjata baja paka bejibi ejjaninatsi dajjitayo pajjamü.'' Bajarra pamonai torrota ayai kuenia Lot, imojjoyo baja pe baüpa pe baüpatsi. ¹⁰ Baitsi jane nakobe julia woyofuabelia bajarra pakuenia kajonena bo unüa berrena Lot bajarra jjua kujinai baupa jjatata. ¹¹ Nejjata pesiwa jjainaiwitsi Lot tsekona pe itajjuto tsabanai jawata woyfota pe nubenaiwi baupa itapa jawata, peéjanawi bajarra pakuenia pe rujuwi, bajarra pakuenia pe faifainai nejja pe jaitsi jawa baupa. ¹² Nejjata bajarra pa pebi jumaitsi Lot jawabelia: ''¿Itsa jjainame pa tomarra jawata? niapajja, nejjunato nejjunatoyo ata, itsa jiwiyo ata itsa jjaniame jutsianame tomarra wekua. ¹³ Tsipaji rabaja pajjanü ü pata bijianai nejja bajarra pa tajjuanai, tsipaji baja pe wünü jone yabarra bitso ayai kuene pitabü nejewa waja TUJJANENÜ najumeba pabisia kuenia bajarra jjuata pajjanü beje pane itorroba beje pata bijianai nejja.'' ¹⁴ Lot nejjata pitsapalia barru kuikui piapajja jiwi, pamoania pebi jiwi barru kuikuijai pe ukue nejja pejjunatoyo beje, nejjata jumaitsi bepijayo: ''Bepijiayo, baja pa pitsaparre pa tajjuanai je, tsipaji waja TUJJANENÜ ü pe ajibi ejjanai nejja ma pa tomarraje.'' baitsi jane piapajja jiwi pebetsita naju itakanitsitsi. ¹⁵ Itsa baja ya naniana, Angelenü beje ikatsia jumaitsi Lot jawabelia.: ''Be najjatsiyo baja, pirre nijawa, nejjunatoyo beje powa beje jota nuka beje, bajarra pakuenia jjamü peka ajibi ejjanai yaniwa pe bijiobi ejjanai jawata bajarra pa tomarra.'' ¹⁶ Baitsi jane bajarra ponü nuka. Nejjata bajarra ponü beje kobe pita beje, pijawa ata pe kobe, pejjunatoyo beje ata pe kobe beje, tsipaji Waja TUJJANENÜ itajjuto tsonia tane bajarra ponú. Bajarra ponü beje juta tomarra wekua pünüyaberrena. ¹⁷ Nejjata baja pepua jutsi kuinai kapanepai beje, bajarra ponü beje yajawünü jumaitsi: ''¡Pa kujinajinarre itsa pa jinawanapai jitsiapme! pütsa panayapijiwi naükotame kaüwia pütsa pa nubena othopame woyofo jawata. pa kujinajinarre pa peka ajii ejjanai yaniwa.'' ¹⁸ Lot jumaitsi bajarra pajiwi beje jawabelia: ''jume, jume baja itsita! ¹⁹ Ma pekato nakuenebinü baja itsiata itajjuto bejiobi taima, pajjamü beje pejjania kuene paneto tsitajutamü beje patane yawenonai jawa yabarra, baitsi jane jjanü apo be ponainü petsuto ünüabelia, tsipaji pabisia kuene namatajjunaijitsipa, nejjata jjanü tüpaijitsipajü. Taima, pa tomarra imojjoyo ba eka bajarra belia waja ponai nejja ba nakato imojjoyo, tsikirri tomarrayo, Itsiata baja, ²⁰ Pane koparre bajarra belia pata ponai nejja(¿apo pa taimü tsikirri jawayo?), itsiata baja asaümü tsane.'' ²¹ Bajarra ponú jumaitsi: ''je jai, bajarra jjua ata baja karrajutsianatsi ne wajükai jawa, jjanü baja nejjata apo ajibi ejjanainü tsane jjua jumaitsimü. ²² ¡Bajarra jota paneparre, jjanü abajju apo be itsakuene jawa ata ne patsi jawabelia bajarra pa tahhunai jawabelia.''Nejjata bajarra pa tomarra wünü ruta Zoar. ²³ Juameto irra wekua nayota pakujinai Lot pata Zoar jawata. ²⁴ Nejjata waja TUJJANENÜ otjopai ejjana pematatsü werreka Zodoma Gomorra beje azufre pe kotia yajawa waja TUJJANENÜ pitsapa athüwetsika. ²⁵ Bajarra ponü ajibi ejjana bajarra pa tomarrami beje, yajawa dajjita woyofo, bajarra pa tomarra jawata jinawonopaiwi ata, yajawa dajjita pejuwi jawa bajarra pa irrata. ²⁶ Baitsi jane pijawa Lot, powa najetarruka bajarra ponü pe pünüta, napijiwi naükota, nejjata naithotiana yajotowa. ²⁷ Abraham bajaya kanau naükota pona nejjata itsabelia nuka waja TUJJANENÜ pewajunai werrena. ²⁸ Nejjata bajarra ponü naükota Zodoma jawabelia Gomorra jawabelia ata yajawa dajjita woyofo tusato. bajarra ponü tane, Jjania waitsia panamujjuna ewerre, pitsapa kajena iira wetsina be pe tajawi tsujju. ²⁹ Nejjata pakujinai DIOSO ajibi ejjana bajarra pa woyofo tomarra beje, DIOSO najamatabüna pita Abraham. Bajarra ponü itorroba pe ajibi jawa wekua pakujinai ajibi ejjana bajarra pa tomarra beje itsa jota pikani na ponapona Lot. ³⁰ Baitsi jane Lot junaya Zoar tsuto jawabetsia pejjunatoyo beje yajawa, tsipajia bajarra ponü junawa pe ponaponai jawa Zoar jawata. Nejjata baja bajarra ponü ponapona wajü wata, bajarra ponü yajawa anija pejjunatoyo beje. ³¹ Nejjata Matapijiwa jumaitsi pejuya pijiwa jawabelia: ''wajja beje rabaja perrujunü, ajibi rabaja waja naka barru majitsinü beje pakuenia baja ba itsi dajjita nakua jawa. ³² Najjatsia, apai ejjanatsi wajja beje vinirra, nejjata wajjaitsi beje barru majitsianatsi beje bajarra pakuenia bajarra ponü, nejjata bajarra pakuenia ayai bitsaüto ejjanainatsi beje bajarra pakunia wajja beje.'' ³³ Nejjata baja bajarra pakuenia utsi beje apai ejjana beje vinorra bajarra pa merrawi. Nejjata baja matapijiwa kopaya junua barru majita bajarra pakuenia pajja; Bajarra ponü apo yapütai pakujinai barru boka, pakujinai ata bajarra powa pitsapalia. ³⁴ Itsa matakabi jawabelia Matapijiwa jumaitsi pijiyapijiwa jawabelia: ''jumetauma, merrawi jjanü barru majitajü wajjabeje. Ikatsia baja apai ejjanatsi beje vinora ajena pa merrawi, bajarra pakuenia ajena pa merrawi jjamü nebarru matsi nejja bajarra ponü, bajarra pakuenia ayai bitsaüto tsane wajja piaja wirria.'' ³⁵ Nejjata baja vinorra apai ejjana beje ikatsia bajarra pa merrawi, juyapijiwa baja nejjata barru majita pajja bajarra pakuenia. Bajarra ponü apo yapütai pakujinai barru majitatsi, pakujinai ata wekua nonotapünatsi. ³⁶ Nejjata baja najuawa beje Lot pejjunatoyo beje nakojjita beje. ³⁷ Matapijiwa kopiaya ejjana pebi, wünürruta Moab. nejjata bajarra ponü Moabitawi peya wiatsinü ata pa matakabi jawabelia. ³⁸ Pijinia bajarra pakuenia juyapijiwa, ejjana pebi, wünüruta Ben-ammi. Bajarra ponü Amonitawi pe ejjanainü ata pa matakabi jawabelia.