1 ¹ Hang buku na tulis, kapihu'an ² Teofilus ma katuluh sa Yesus ulah andri gawi ni, hampe andrau Yesus mihemmuk, hanye ngami parintah mitah Roh Barasis ³ Ma Rasul Rasul, pidi Ni ma here, Hanye pada hawi udi wu'ah kahanangan baya hene bukti, nelang nantarang tenga Ni ma here salawah epat puluh andrau andri bapaner neo Kerajaan Alatalla ⁴ Sameh-sameh baya here, Hanye marintah ada here nanan Yerusalem, kode ngandrei Janji Alatalla Amah, eyau Ni "Hanyu karingei teka Aku, ⁵ daya Yohanes ngapandrus andri ranu kode hanyu na apandrus andri Roh Barasis, puang lawah teka taati." Yesus Mihemmuk Ma Suruga ⁶ Rahat here bakumpul, here nunti ma Hanye (Yesus) "Tuhan ami'an wayah ni Hanyu nangka'eh karajaan ulun Israel?" ⁷ Hanye panner "Puang urusan nu karasa ami'an wayah ni, daya haut na tantuakan Alahtalla Amah hang wuang kuasa ni. ⁸ kode hanyu neo narime kuasa wayah Roh Barasis hawi ma hanyu andri hanyu jari saksi hang Yerusalem, Yudea, Samaria hampe ma ujung dunia. ⁹ Udi Hanye iwara, rahat here ninung, Yesus mihemmuk mitah rakun hampe wawai teka paninungan here. ¹⁰ rahat here magun nantau ma langit, samantara Hanye tulak, naan rueh kaulun upu ba pama punra mahilak mindri han tuhi here. ¹¹ eyau ni "hai ulun ulun Galilea, inun hanyu mindri eleh ninung ma langit? Ina Yesus, haut ta angkat ma Suruga hang penah hanyu, kode Hanye hawi mulek andri sara sameh kakala hanyu ninung Ni tulak ma Suruga. Midi Erang Kaulun Rasul Wau ¹² Udi iru here mulek ma Yerusalem teka wungkur Zaitun sa naan reet Yerusalem sa lawit ni sapakia'an Sabat. ¹³ Tawuk here hawi, palus mamai ma amau, lewu uneng here ; Petrus, andri Yohanes, andri Yakobus, andri Andreas, andri Filipus, andri Tomas, andri Bartolomeus, andri Matias, andri Yakobus iya Alfeus, Simon ulun Zelot, andri Yudas iya Yakobus, ¹⁴ Here katuluh mira pakat hang wuang laku doa sameh sameh kawan wawei andri Maria Ineh Yesus, pada andri kawan pulaksanai Ni. ¹⁵ Hang andrau iru Petrus mindri hang penah-penah kawan ungkup hang wuang Panante Tuhan ( jatuh ruangpulu kaulun ) andri kaeau ¹⁶ "Pulaksanai, Surat Barasis puang iyuh puang na sanyari sasuai kapihu'an eyau Roh Barasis, mitah wiwie mulut Daud neo Yudas sa jari tatu'eh kawan ulun yamma Yesus. ¹⁷ Neo hanye (Yudas) naan pada hang kumpulan takam tu'eh ungkup ina. ¹⁸ ta'ati ulun ina (Yudas) midie erang karawen tane teka upa pigawianni sa puang ma'eh, hanye panalaen lawu tantu'ulu, tenga katuluh hansur lenuh andri apukan sana'i ni tahammur. ¹⁹ Daya ulah gawi ina rasa ulun rama uneng hang Yerusalem, jari tane iru na antuh hang basa here Hakael Dama, aratini 'Tane Ira' ²⁰ Daya haut tatulis ang wuang Kitab Mazmur : "Elah lewu uneng suni suwung andri elah hang yaru paueng erang kaulun muneng hang wuangni,' Mazmur 69 : 26 anri, ' elah ulun lain ngalap kakuasaanni,' Mazmur 108:8 ²¹ Daya iru erang kaulun eka here gaha sindrah andri takam salawah Tuhan Yesus saluk unset hang kumpulan takam. ²² Teka andrusan Yohanes hampe andrau Yesus mihemmuk teka kawan takam, isa teka here, jari saksi Yesus welum mulekNi teka pampatei. ²³ Bulu here mgusul rueh kaulun, hanye ni Yusuf na herau Barsabas (hanye na antuh hi Yustus) andri Matias ²⁴ Here badoa "Tuhan sa karasa atei katuluh murunsia, tantarang ma kami, hiye kami rueh ina Tuhan pidi, ²⁵ Ummak narime jari tu'eh ungkup andri pidudusan Rasul teka Yudas sa haut tulak ma unengni. ²⁶ Udi yeru kawan Rasul ngulah undi hang pidi'an, here ngumpe undi lawu ngaran Matias nampan hanye jari Rasul kasawalas.