¹ Kitab titis Yesus Kristus, anak Daud, anak Abraham. ² Abraham anilah sama' Ishak, Ishak anilah sama' Yakub. Yakub anilah sama' Yehuda ge' age-age'a. Yakub anilah sama' Yehuda ge' age-age'a. ³ Yehuda anilah sama' Peres ge' Zerah, sino' ayoa' anilah Tamar. Peres anilah sama' Hezron. Hezron anilah sama' Ram. ⁴ Ram anilah sama' Aminadab. Aminadab anilah sama' Nahason. Nahason anilah sama' Salmon. ⁵ Salmon anilah sama' Boas, sino'a anilah Rahab. Boas anilah sama' Obed, sino'a anilah Rut, Obe anilah sama' Isai. ⁶ Isai anilah sa' Raja Daud, Daud anilah sama' Salomo, sino'a anilah tawatn sautn Uria. ⁷ Salomo anilah sama' Rehabeam. Rehabeam anilah sama' Abia' Abia anilah sama' Asa. ⁸ Asa anilah sama' Yosafat. Yosafat anilah sama' Yoram. Yoram anilah sama' Uzia. ⁹ Uzia anilah sama' Yotam. Yotam anilah sama' Ahas. Ahas anilah sama' Hizkia. ¹⁰ Hizkia anilah sama' Manasye. Manasye anilah sama' Amon. Amon anilah sama' Yosia. ¹¹ Yosia anilah sama' Yekhonya ge' age-age'a, jangkah pambuangan ka Babel. ¹² Ngalaka pambuangan ka Babel, Yekhonya anilah sama' Sealtiel. Sealtiel anilah sama' Zerubabel. ¹³ Zerubabel anilah sama' Abihud. Abihud anilah sama' Elyakim. Elyakim anilah sama' Azor. ¹⁴ Azor anilah sama Zadok. Zadok anilah sama' Akhim. Akhim anilah sama' Eliud. ¹⁵ Eliud anilah sama' Eleazar. Eleazar anilah sama' Matan. Matan anilah sama' Yakub. ¹⁶ Yakub anilah sama' Yusuf, banun Maria. Umpatn Maria gatn baranak Yesus, da gatn muji' Kristus. ¹⁷ Jadi, saman katurunan umpatn Abraham sampe Daud ani ampat balas katurunan, ge' umpatn Daud sampe pambuangan ka Babel ani ampat balas katurunan, ge' umpatn pambuangan ka Babel sampe Kristus ani ampat balas katurunan. Yesus Kristus Gatn beranak ¹⁸ Mati', Yesus Kristus gatnberanak anilah samu' diah. Jangkah Maria, sino'-A laka batunang nige' Yusuf, katinga ayoa' idup bariuh, nyata ini' batahi' umpatn Roh Kudus. ¹⁹ Namun, karna Yusuf banun'a, anilah sok da taman ge' kati' ituh manyangun Maria ka tura umum, Yusuf bamaksud ya' ngabebas Maria ge' cara tunguh-tunguh. ²⁰ Ao'a, jangkah Yusuf agi' nimbang hal diah, mile' ta, malaikat Tuhan tile' ka ini' sadatn samangat ge' nyansana "Yusuf, anak Daud, iya' buut nangkap Maria sabage sautnmu' karna Anak da gatn ni nahi' anilah umpatn Roh Kudus. ²¹ Ini' ao' baranak nyungan anak are ge' imu' ao' muji gaatn Na Yesus karna Ini' ao' nyalamat umat-A umpatn duse-duse ayoa'." ²² Samaan hal diah tajadi ya' ngagenap da gatn Tuhan Firman nabo nabi-nabia'. ²³ "Mile' mih, nyungan parawan ao' batahi ge' ao' baranak nyungan anak are. Ayoa' ao' muji' gaatn-A Imanuel, " da gatn tarjamah ratia: "Jabata bariuh ge' ite'." ²⁴ Jangkah Yusuf umpat umpatn buus'a, ini' umas samu da malaikat Tuhan muji' ka ini', ge' ini' ao' nangkap sautn'a, Maria, ²⁵ tapi kati' baranun nige' ini' sampe ini' baranak anak are'a. Ge', Yusuf muji gaat-A, Yesus.