¹ Setelah ket masa da idu maan, Jabata ba balik-balik ngansana ka nini' moyang adup lewat ayo nabi , ² Saat ano'-ano' ta akhir, Jabata ngansana ka ite lewat Anak-A' da ngalaka Ni' milih-A' yak jadi pawaris samo sagala hal, da lewat Ini' uga Jabata cipta alam semesta. ³ Ni' anilah cahaya kamuliaan Jabata ge' gambaran da sempurna umpat'n sifat-A', Ni' uga da nopang segala hal nige' Firman kuasa-A' . Ngalaka umas penyucian duse-duse, Ni' munyung ka sabalah santao' da Mahaahyo ka tampat nyammo'. ⁴ Sahingga Ni' jadi jauh labih nyammo' daripada ayo malaikat sabab Ni' mawaris gaat'n da labih nyammo' daripada gaat'n ayo a'. ⁵ Sabab, suah bak Jabata nyansana ka malaikat, "Akump anilah Anak-Ko'. saat ano diah, Iko' ngalaka jadi Bapa-Mu"? "Iko' ao' jadi Bapa bagi-A', ge' ni' ao' jadi Anak-Ko'."? ⁶ Ao' tatapi, katika Jabata mamparkanalkan Anak amma'-A' ka dunia, Ni' nyansana, "Biarlah samaan malaikat Jabata nyambah Ini'." ⁷ Tantang ayo malaikat, Jabata nyansana, "Ni' umas malaikat-malaikat-A' jadi nyaru, pelayan-pelayan-A' jadi pua api." ⁸ Sadangkan tantang Anak-A', Ni' nyansana, "Takhta-Mu', ya Jabata, ao' ani salama-lamaa'. Tongkat kabanaran anilah tongkat karajaan-Mu'. ⁹ Akump mancintai kabanaran ge' mambanci kajahatan. karna ikoh, Jabata, yaitu Jabata-Mu', ngalaka mangurapi Akump nige' minyak sukacita malabihi kawan-kawan-Mu'." ¹⁰ Ge' agi', Akump, Tuhan, saat mulea' Akump ngalaka manna dampar tana pait, ge' ranggit anilah pabulah barek-mu. ¹¹ Tana pait ge' ranggit ao' a' ayap, tatapi Akump ao' tatap ani. Tana pait ge' ranggit ao' a' bonto samu pangiak. ¹² Samu Jubah Akump ao' ngalipat a', ge' samu pangiak, ayo' ao' gat'n ganti. Ao tatapi, Akump kati ao' barubah, ge' tahun-tahun-Mu' kati ao' parnah ba akhir." ¹³ Ge', ka malaikat da dume, Jabata ngalaka nyansana samu diah, "Muyunglah ka sabalah santao-ko' sampe Iko' manna musuh-musuh-Mu' ka saroh kuasa-Mu'? ¹⁴ Inya bak malaikat-malaikat anilah roh-roh da melayani, da gat'n ngutus yak nulong ayo' sok da ao' narima kasalamatan?