Paulus Nganto Da Kataru Ka Korintus ¹ Diah anilah sidah a' iko' nganto ka imu'. Arus ani katerangan umpatn dua ato taru saksi, maka jai hal pakare gat'n muji a' sah. ² Sabelum a', iku ngalaka mamparingat a' ayo da ba duse ge' samaan da lait a'. Mati', walaupun iko kati samahu imu', iko' mamparingat a' ayo samu da iko' umas a' sadatn panganto da ka dua, la dakoh sa' iko' utukng agi, iko' kati ao' gat'n nyayang a' ayo'. ³ Karna imu' manuntut bukti tantang Kristus, da nyansana ka sadatn ko' ge' da kati lemah ta hadap imu, malain a' ba kuasa ka sadatnmu'. ⁴ Sasungguh a', Kristus gat'n nyalib sadat ka lemahan, tatapi ni' idup kat kuasa Jabata. Sabab, kai uga lemah ka sadatn Ini', tatapi kai ao' idup ba samu-samu nige' Ini' karna kuasa Jabata tahadap imu'. ⁵ Ngujilah adupmu' sadi yak mile, ani ta imu' tatap ka sadatn imanmu'. Pariksa ta lah adupmu' sadi! atau, ani ta imu' kati gat'n nganali adupmu sadi bahwa Kristus Yesus ani kasadatnmu', kacuali kalo imu' gagal ka sadatn ujian. ⁶ Iko ba harap imu' ao' panane bahwa kai inyalah sok da kati tahan uji. ⁷ Namun, kai ba doa ka Jabata supaya imu' kati umas sara', inya supaya kai tile tahan uji, tatapi supaya imu' umas jai da taman, meskipun kat mile a' kai ngalaka gagal ujian. ⁸ kai kati kaat umas hal-hal da batantangan nige' ka banaran, melain a' hanya yak kabanaran. ⁹ Kai sanang sa' kai lamah ge' imu' kuat. Doa kai anilah supaya imu' jadi sampurna. ¹⁰ Da kohlah sabab a', iko' nulis hal-hal diah sa' iko' jauh umpatnmu' supaya sa' iko' utukng, iko kati parlu manggune nige' karas, kuasa da Tuhan mangkat a' kako' yak mambangunmu', ge' inya yak maruntuh a' mu'. ¹¹ Akhir a', age-age, basukacitalah. ba rusahalah jadi sampurna, ngiburlah nyeteng ge' da lait, sa ate sa pikirlah, ge' idup sadatn damai. Ge', Jabata sumber kasih ge' damai sejahtera ao' bariuh ge mu'. ¹² Mangkatlah salam nyeteng nige' da lait nige ciuman kudus. ¹³ Samaan sook kudus ngirim a' salam yakmu'. (13-14) Anugerah Tuhan Yesus Kristus, ge' kasih Jabata ge' pakumpulan umpatn Roh Kudus bariuh ge' mu samaan.