¹ Paulus, gat'n maba sabage rasul Yesus Kristius ka kahendak Jabata, ge' Sostenes, age ite. ² Ka ayo jamaat Jabata da madi ka korintus, ya' ayo'a da gat'n ngudus ka saadat'n Kristus Yesus, da gat'n maba ya' jadi ayo-sok kudus samahu samaan sok ka satiap tampat da maba gaat'n Tuhan ite Yesus Kristus, baik ka tampat ayo kup'm atopun ite ³ Anugerah ya'mu' ge' damai sejahtera umpat'n Jabata samaan ite ge' Tuhan ite Yesus Kristus. Paulus Basyukur ka Jabata ⁴ Iko' malar manguycap syukur ka jabatako' manganai ayo kup'm barang anugerah Jabata da gat'n mangkat'n ka ayo mu' ka sadat'n Yesus Kristus, ⁵ Kalo sa' ka sadat'n sagala hal, imu' gat'n ankat'n kaya ka sadat'n Ini', ka sadat'n samaan sarat'n ge' samaan pangetahuan, ⁶ samu ulah kasaksian manganai Kristus ngalaka gat'n neguh ka sadat'n imu'. ⁷ Nige ladakoh, imu' kati aok kakurangan ka sadat'n sagala karunia pun samantara imu' nganti panyataan Tuhan ite, Yesus Kristus, ⁸ da uga neguh ayo kup'm sampe ka pangkuhnyi'a supaya imu kati bacela ka ano Tuhan ite Yesus Kristus. ⁹ Jabata dakoh setia, da oleh-A imu' gat'n maba ka sadat'n parsekutuan nige Anak-A, Kristus Yesus, Tuhan ite. Parpecahan ka sadat'n Jamaat ¹⁰ Mati, iko' manasehatmu', ayo-age, demi gaat'n Tuhan ite Yesus Kristus agar ayo kup'm samaan muji' hal da samu supaya kati ani parpecahab-parpecahan ka antara imu, malait'n agar imu' gat'n ngalengkap ka sadat'n pikiran da samu ge' ka sadat'n pandapat da samu. ¹¹ Sa', ngalaka gat'n muji ka iko' manganai imu' ayo-ageko, kaluarga Kloe, kalo ani da badaru ka antara imu'. ¹² Maksudko' mati' diuta imu' masing-masing nyansana, "Iko' umpat'n Paulus," ge', "Iko' umpat'n Apolos," ge' "Iko' Umpat'n Kefas," ge' "Iko' umpat'n Kristus." ¹³ Jailah Kristus tabagi-bagi? Jailah Paulus gat'n nyalib ya' mu'? Ato, jailah imu gat'n baptis ka sadat'n nama Paulus? ¹⁴ Iko' basyukur ka Jabata kalo iko kati mambaptis nyunganpun umpat'n imu, kacuali Krispus ge' Gayus, ¹⁵ Supaya iya' ani nyunganpun da kaat'n nyansana kalo imu' gat'n baptis ka sadat'n gaat'nko. ¹⁶ Iko' uga mambaptis samaan ramin Stefanus; salabih'a, iko' kati pane jailah iko' ngalaka mambaptis sok da lait'n. ¹⁷ Sa', Kristus kati ngutus iko' ya' mambaptis, tapi ya' nyarita Injil, inya ka sadat'n hikmat sarat'n-sarat'n, supaya salib Kristus kati gat'n bulah sia-sia. Kuasa ge' Hikmat Jabata. ¹⁸ Sa', nyansana tentang salib diu ta da baga umpat'n ayo kup'm da sadakng ngangkuhas, tapi mangkat'n ite da gat'n nyalamat, hal dakoh diu ta kakuatan Jabata. ¹⁹ Sa' ani da gat'n nulis, "Iko' aok ngancur hikmat sok da bijaksana, ge' ayo sok da pintar, ayo sok da pane, Iko' aok nolak'a." ²⁰ Kadumelah sok da bijak? Kadumelah ahli Taurat? Kadumelah ahli debat zaman diah? Inyalah Jabata ngalaka umas da baga hikmat dunia? ²¹ Barang ka sadat'n hikmat Jabata, dunia nabo hukmat'a kati nganal Jabata, maka Jabata bakanan nabo da baga da nyarita Injil ya' nyalamat da pacaya. ²² Sa', ayo-sok Yahudi mahi tande-tande ge' ayo-sok Yunani najo hikmat. ²³ Tapi, kai' aok nyarita Kristus da gat'n nyalib, da mangkat'n ayo-sok Yahudi nyabuah batu sandungan, ge' mangkat'n ayo-sok da inya sok Yahudi, da baga. ²⁴ Barang, ya' ayo'a da gat'n maba, bait ayo-sok Yahudi atopun ayo-sok Yunani, Kristus diu ta kakuatan Jabata ge' hikmat Jabata. ²⁵ Barang da baga uimpat'n Jabata diu ta labih bijaksana daripada talino, ge' da lamah umpat'n Jabata diu ta labih kuat daripada talino. ²⁶ Ilelah kaadaanmu' sa' imu' gat'n maba, Ayo-age, kati karah da bijaksana manurut dagin, kati karah da bakuasa, kati karah da terpandang, ²⁷ Tapi Jabata ngalaka milih da baga umpat'n dunia ya' manyangun da bijaksana, ge' Jabata milih jai da lamah umpat'n dunia ya' manyangun da kuat. ²⁸ Ge', Jabata milih da kati terpandang umpat'n dunia ge' da gat'n pandang rendah, bahkan hal-hal da kati barati, ya' mangkilang hal-hal da barati, ²⁹ Supaya satiap talino kati kaat'n bamagah ka tura Jabata. ³⁰ Sa' karna Ini', imu' ani ka sadat'n Yesus Kristus, da ya' ite jadi hikmat, dataman, kakudusan, ge' panabusan umpat'n Jabata, ³¹ Supaya ulah da gat'n nulis, " kate'a sok da mamegahkan adup'a. bamegah ka sadat'n Tuhan."