Tarang ta fi I bot la dunya heu ¹ Matan e firman,firman I bot dum Kautuhelpo ti Kautuhelpo nunte firman i do. ² Firman ti Kautuhelpo bot dolpo matan. ³ Pon be heu ta do dunya ne Kautuhelpo tei na jai.Dum I na,dunya ne do po. ⁴ Hidup ne po Kautuhelpo,hidup ne jai tarang be Mancu. ⁵ Tarang Idoi ta matip ti matip i ni ,kawasa be I ca. ⁶ Kautuhelpo wang pasul,msan be Yohanes. ⁷ Wang pasul bei falus aita tarang,be poi e mat beheu parca. ⁸ Tarang ji bukun Yohanes po,woti injai wang pasul be tarang nun ji. ⁹ Mat beheu ta to do dunya ne,tarang ta fi,mana be hi beheu. ¹⁰ Tarang,I do dunya ne heu ti dunya ne I tei na jai,woti dunya ineng nui po. ¹¹ I bot si ta,woti at tarimi I po. ¹² Membe,nan ta tarimi e, I be kawasa be jai waima hi,ai ye nan parca be I msan. ¹³ Hi jai bukun po peu po,hi lo mancu po,po waiman i lo po,lai ye po Kautuhelpo. ¹⁴ Firman i jai mancu i ngat ti do nbai do ta.At teng I kawasa heu,kawasa po I wai,ta ni Anugerah ti aita m'tolon. ¹⁵ Yohanes falus del I ti n'naujol," I nunpe ta kafu,' Bo ta aka,Baine I tai bot n'nata pokka,I do gaupe aka". ¹⁶ Po I ye at beheu tepen Anugerah. ¹⁷ Pota hukum Taurat pe be Musa;woti Anuerah ti Aita banat be Mam Yesus Kristus. ¹⁸ Dum pernah ta mancu nuha i neng Kautuhelpo,woti Wai Kautuhelpo nun tem I tei pasapan. Falus po Yohanes Pembaptis ¹⁹ Aine falus po Yohanes ta Mat Yahudi hi pasul Imam ti Mat Lewi po Yerusalem pot be tun Yohanes, " Au ne mana?" ²⁰ Yohanes mangaku,ti I manyangkal po,I mangaku,"Ak ne bukun Kristus po." ²¹ Hi tun i,"Membe lai,Au ne mana? Au ne Elia I? I be jawab," Ak ne bukun Elia po." "Aune nabi?" I be jawab," Ak po". ²² Ti,hi fu be i,"Au ne mana,Am ne musti am pe jawab be mat ta hi pasul amma,? po ponta au m'fu po,u. ²³ Yohanes be jawab ba falus ta po nabi Yesaya,"Ak ne mat tai nga,ta nabi Yesaya infu I nga do Padang belantara: ' M'malu hoi Ma i bet Mam!"Yesaya 40:3. ²⁴ Mat kawas Yahudi ta hi nunji mat po farisi. ²⁵ Bota,hi fu be Yohanes,"Membe au ne Mesias po,Elia po ti nabi mone po,He po panta Au m'sip mat na?" ²⁶ Yohanes be jawab be hi,"Aka sip min ba auja,woti Mat nuha ta insol dum min,meng m'nui po. ²⁷ Mat nunji ak te kot kanata po I.Tok I sandal kangot mone,ak ne campo." ²⁸ Ponji,beheu jai do Betania,do dai auja n'na Yordan,nuta Yohanes n'sip mat. Anak Domba Kautuhelpo ²⁹ Bota be mana, Yohanes neng Mam Yesus bot si I,ti Yohanes infu,"Meng Anak Domba Kautuhelpo ta I fabarsi mancu dunya i doso. ³⁰ I nunta ak falusi ti taka fu,"Bota ak kot,mat nuha ta I pale nyet ak,I do heu n'nata po aka. ³¹ Ta doi ak keng kanuipo,woti bei pasapan I be mat Israel,ti kot be kasip hi ba auja." ³² Bota,Yohanes falus,e,infu," Ak keng Roh tanle po met deti Hatiu,ti Roh dodo I. ³³ Ak mone keng kanui po,woti I pasul be kasip mat ba auja,ti I n'fu,"Po I meng Roh tanle ti dodo,I ta baine insip min ba Roh Kudus. ³⁴ Ak mone keng I heu,ta falus fu " Ine wai Kautuhelpo. Murid Mam Yesus ta matan. ³⁵ Be mana..e,Yohanes insol ti murid halu, ³⁶ ti Ineng Mam Yesus ta I bo.Yohanes infu,"Meng Anak Domba Kautuhelpo!" ³⁷ Wai murid halu,ngo ponta infu ti hi tumi. ³⁸ Mam Yesus neng hoi la kauling ti Ineng mat ta hi po ngadel I,mo infu behi," Min sung pana?" Mat hi fu be I,"He au do,do ho?" ³⁹ Infu be hi,"M'bot la ne be min meng,ti hi heng nuta I do do ti hi to bai dum I wolai ji po ta jam aija heu. ⁴⁰ Wai murid halu ji,nuha ina ngo Yohanes ponta infu,ti idum mam Yesus,murid ji ANDREAS,Simon Petrus Ino. ⁴¹ Dum tei Andreas bot si Simon,ino ji,ti in bin be i,"Am pot Mesias i heu." ⁴² Ti,Andreas bot nut Simon be Mam Yesus. Mam Yesus naufatop Simon ti Infu," Aune Simon,Yohanes i wai. Aune baine tunhoi au be Kefas[ ta artinya," Petrus" teye Kapat]. ⁴³ Be mana,Mam Yesus doi bo la Galilea.I bo si Filipus , be infu be Filipus," Dum Aka!" ⁴⁴ Filipus Mat po Betsaida, Nuta Andreas ti Petrus hi to do. ⁴⁵ Filipus bot Nataniel ti infu be i," Am pot Mat ta do Musa i kakes ta do hukum taurat ti po nabi hi,Mam Yesus ta po Nasaret,Yusuf i wai." ⁴⁶ Nataniel infu," Dangdo pon aha tafi bot po Nasaret.?"Filipus infu be i," Bot be meng ho." ⁴⁷ Mam Yesus neng Nataniel bot be I ti falus be Nataniel,"Meng Mat Israel ta sejati,po I e kepalsuan dopo!" ⁴⁸ Nataniel intun,"Au meng m'nuk i?"Mam Yesus be jawab",Dum Filipus Intun au,Ak keng min do hai Ara loupa." ⁴⁹ Nataniel be jawab,"Rabi,Aune wai Kautuhelpo.Aune Kalan be mat Israel." ⁵⁰ Mam Yesus be jawab ti Infu," Aka fu be au heu," Ak keng min heu,do hai Ara i loupa,mo min parca? Min meng hal ta pale nyet po hal aine!" ⁵¹ Monto I falus tarus,"Membe,Aka fu be au,min baine meng met lei tarang ti malaikat Kautuhelpo san le po pakarjan wai Kautuhelpo."